Read NT LS 2005 – Инжил ЛС (2005 Çıguu 16 Bible Online

Çıguu 16 - NT LS 2005 – Инжил ЛС (2005 bible

Çıguu 16

¹Israyıl uuldarının büt jamaatı Eylim jerinen çıgıştı. Alar Misir jerinen çıkkandan kiyin, ekinçi aydın on beşinçi künü Eylim menen Sinaydın ortosundagı Sin çölünö kelişti.

²Israyıl uuldarının jamaatı çöldö Musa menen Arunga kayradan naalıy baştadı.

³Israyıl uuldarı alarga: «Biz Misir jerinde nandı toё jep, etke tolgon kazandın janında oturganda ele, Teŋirdin kolunan ölüp kalsak emne! Siler bizdi çölgö açkadan öltürgönü alıp kelgen turbaysıŋarbı», – dep naalıştı.

⁴Oşondo Teŋir Musaga mınday dedi: «Men silerge asmandan nan jaadıram. El kün sayın sırtka çıgıp, bir küngö jetkidey nan jıynap alsın. Uşul arkıluu Men eldi Menin mıyzamımdı atkarabı, jokpu, sınap köröm.

⁵Altınçı künü bolso alıp kelgenderin dayardaşsın, oşondo al kün sayın jıynagandarınan eki ese köp bolot».

⁶Musa menen Arun Israyıl eline mınday dedi: «Silerdi Misir jerinen Teŋir alıp çıkkanın keçinde bilesiŋer.

⁷Erteŋ menen Teŋirdin daŋkın körösüŋör, antkeni Al silerdin Teŋirge naalıganıŋardı uktu. Bizge naalıganıŋarday, biz kim elek?»

⁸Musa mınday dedi: «Teŋir silerge keçinde et, erteŋ menen toё jegidey nan beret, antkeni Teŋir silerdin Özünö naarazı bolup, naalıganıŋardı uktu. Biz kim elek? Siler bizge emes, Teŋirge naalıp jatasıŋar».

⁹Anan Musa Arunga mınday dedi: «Israyıl uuldarının büt jamaatına mınday dep ayt: “Teŋirdin aldına bargıla, sebebi Al silerdin naalıganıŋardı uktu”».

¹⁰Arun Israyıl uuldarının büt jamaatına kayrılganda, alar çölgö buruluştu. Oşondo Teŋirdin daŋkı buluttan köründü.

¹¹Teŋir Musaga mınday dedi:

¹²«Men Israyıl uuldarının naalıganın uktum. Alarga mınday dep ayt: “Keçinde et jeysiŋer, erteŋ menen nanga toёsuŋar, Menin silerdin Kuday-Teŋiriŋer ekenimdi oşondo bilesiŋer”».

¹³Keçinde bödönölör uçup kelip, standı kaptadı, al emi erteŋ menen standın tegeregine şüüdürüm tüştü.

¹⁴Şüüdürüm buulanıp keteri menen, jerdin betin kıroo kaptagansıp, çöldö danga okşogon mayda nerseler kaldı.

¹⁵Israyıl uuldarı anı körgöndö, biri-birinen: «Bul emne?» – dep suraştı. Antkeni alar anın emne ekenin bilişçü emes. Oşondo Musa alarga mınday dedi: «Bul – Teŋirdin silerge jegenge bergen nanı.

¹⁶Teŋir silerge mınday buyruk berdi: “Ar kimiŋer jeşiŋerçe jıynagıla. Ar kim öz çatırında jaşagan kişinin sanına jaraşa, kişi başına bir gomordon jıynasın”».

¹⁷Israyıl uuldarı oşondoy kılıştı: biri köp, biri az jıynadı.

¹⁸Jıynagandarın gomor menen çeneşti. Köp jıynagandıkı aşıp kalgan jok, az jıynagandıkı jetpey kalgan jok. Ar kim jeşine jaraşa jıynadı.

¹⁹Musa alarga: «Erteŋ menenkige kaltırbagıla», – dedi.

²⁰Birok alar Musanın aytkanın uguşkan jok. Kee biröölörü jıynagandarınan erteŋ menenkige kaltırıp koyuştu, birok anısı kurttap, sasıp ketti. Oşondo alarga Musanın açuusu keldi.

²¹Alar kündö erteŋ menen özdörünö jetkidey jıynaşçu. Kün ısıganda, al erip ketçü.

²²Altınçı künü alar nandı eki ese köp, kişi başına eki gomordon jıynaştı. Munu jamaat başçıları Musaga aytıp kelişti.

²³Musa alarga mınday dedi: «Teŋir mınday dedi: “Erteŋ dem alış, Teŋirdin ıyık işembisi. Otko bışıra turganıŋardı bügün bışırıp, kaynata turganıŋardı bügün kaynatıp algıla, artıp kalganın alıp koyup, erteŋ menenkige çeyin saktagıla”».

²⁴Alar Musa aytkanday kılıp, artıp kalgandarın erteŋ menenkige kaltırıp koyuştu, al sasıgan da jok, kurttagan da jok.

²⁵Musa alarga: «Munu bügün jegile, antkeni bügün Kudaydın işembisi. Bügün munu talaadan tappaysıŋar.

²⁶Anı altı kün jıynagıla. Al emi jetinçi kün – işembi. Bul künü manna bolboyt», – dedi.

²⁷Kee biröölör jetinçi künü jıynaganı çıgıştı, birok eç nerse taba alışkan jok.

²⁸Oşondo Teŋir Musaga mınday dedi: «Kaçankıga çeyin Menin osuyattarım menen mıyzamdarımdı atkaruudan baş tartasıŋar?

²⁹Esiŋerden çıkpasın, işembini silerge Teŋir berdi, oşon üçün Al silerge altınçı künü eki kündük nan berip jatat. İşembi künü ar kim öz üyündö bolsun, eç kim öz üyünön çıkpasın».

³⁰Oşentip, el jetinçi künü es aldı.

³¹Israyıl eli bul nandı «manna» dep atadı. Al nandın öŋü koriandrdın urugunday appak, daamı bal koşulgan nanday ele.

³²Musa alarga mınday dedi: «Teŋir mınday dep buyrudu: “Ukum-tukumuŋarga saktap koyuu üçün, bir idişke bir gomor manna tolturgula, silerdi Misirden alıp çıkkandan kiyin, Men silerdi çöldö kanday nan menen azıktandırganımdı alar körüşsün”».

³³Anan Musa Arunga mınday dedi: «Bir idiş alıp, aga bir gomor manna toltur da, ukum-tukumuŋarga saktap koyuu üçün, anı Teŋirdin aldına koyup koy».

³⁴Teŋir Musaga buyruganday, Arun anı saktap koyuu üçün, kelişim sandıgının aldına alıp barıp koydu.

³⁵Israyıl uuldarı özdörü jaşay turgan jerge jetkiçe, mannanı kırk jıl jeşti. Alar Kanaan jerinin çek arasına kelgenge çeyin manna jeşti.

³⁶Gomor bolso eypanın ondon bir bölügü.