Read NT LS 2005 – Инжил ЛС (2005 Çıguu 17 Bible Online

Çıguu 17 - NT LS 2005 – Инжил ЛС (2005 bible

Çıguu 17

¹Oşentip, Teŋirdin buyrugu boyunça Israyıl uuldarının büt jamaatı Sin çölünön çıgıp, Repidimge kelip, stanı menen jaylanıştı. Al jerde içerge suu jok ele.

²Oşondo el Musanı: «Bizge içkenge suu bergile», – dep jemeledi. Musa alarga: «Siler emne meni jemelep jatasıŋar? Emnege Teŋirdi sınap jatasıŋar?» – dedi.

³Oşol jerde el suuga zar bolup, Musaga mınday dep naalıdı: «Sen bizdi Misirden emnege alıp çıktıŋ? Bizdi baldarıbız, malıbız menen koşo suuga çaŋkatıp öltüröyün dediŋbi?»

⁴Oşondo Musa Teŋirge mınday dep bozdop jiberdi: «Bul eldi men emne kılam? Alar meni taş baraŋga alıp öltürüügö dayar».

⁵Teŋir Musaga mınday dedi: «Eldin aldına ötüp, Israyıl aksakaldarının bir neçesin jana suunu çapkan tayagıŋdı alıp, jönö.

⁶Men senin aldıŋda, Horeptegi askanın üstündö turam. Sen askanı çapkanda, andan suu çıgıp, el suu içet». Musa Israyıl aksakaldarının köz aldında oşondoy kıldı.

⁷Israyıl uuldarının jemelegenine baylanıştuu al jerge Masa jana Meriba degen at koydu, antkeni alar Teŋirdi: «Bizdin arabızda Teŋir barbı je jokpu?» – dep sınaştı.

⁸Oşondo amalıktıktar Repidimge kelip, ısrayıldıktar menen soguşuştu.

⁹Musa Jaşıyaga: «Erkekterdi tandap alıp, amalıktıktar menen soguş. Erteŋ men döbönün başında turam, Kudaydın tayagı menin kolumda bolot», – dedi.

¹⁰Jaşıya Musanın aytkanınday kılıp, amalıktıktar menen soguşkanı jönödü. Al emi Musa, Arun jana Hur döbönün başına çıgıştı.

¹¹Musa koldorun kötörgöndö, Israyıl jeŋip, koldorun tüşürgöndö, amalıktıktar jeŋip jattı.

¹²Birok Musanın koldoru talıdı, oşondo Musanın astına taş koyup berişti, al taştın üstünö oturdu. Arun menen Hur bolso, biri bir jagınan, ekinçisi ekinçi jagınan Musanın koldorun süyöp turuştu. Oşentip, anın koldoru kün batkança kötörülüp turdu.

¹³Jaşıya amalıktıktardı kılıç mizine alıp kıyrattı.

¹⁴Oşondo Teŋir Musaga: «Uşunu estelik üçün kitepke jazıp koy. Amalıktıktardı jer üstünön taptakır jok kılarımdı Jaşıyanın kulagına kuy», – dedi.

¹⁵Musa Kudayga kurmandık çalınuuçu jay kurup, anı Jahaba-Nisi dep atadı.

¹⁶Antkeni al: «Kolum Teŋirdin taktısında. Teŋirdin amalıktıktarga karşı soguşu ukumdan-tukumga ulanat», – dedi.