Read NT LS 2005 – Инжил ЛС (2005 Çıguu 18 Bible Online

Çıguu 18 - NT LS 2005 – Инжил ЛС (2005 bible

Çıguu 18

¹Midiandık butkana kızmatçısı, Musanın kaynatası İtro Kudaydın Musaga jana Öz eline emne kılganının baarın, Teŋirdin Israyıldı Misirden kantip alıp çıkkanın uktu.

²Musanın kaynatası İtro oşondon murunuraak kelgen Musanın ayalı Sipordu,

³anın eki uulun alıp, Musaga keldi. «Men bötön jerde kelgin bolup kaldım», – dep, Musa birinçi uuluna Geyirşom degen at koygon ele.

⁴«Atamdın Kudayı maga jardam berip, meni paraondun kılıçınan kutkardı», – dep, ekinçi uuluna Eliezer degen at koygon ele.

⁵Musanın kaynatası İtro anın uuldarı menen ayalın alıp, çölgö, Musaga keldi. Musa Kudaydın toosunun janına stanı menen jaylanışkan ele.

⁶Al Musaga: «Men, kaynataŋ İtro, ayalıŋ menen eki uuluŋdu alıp, saga bara jatam», – dep kabar jiberdi.

⁷Musa kaynatasın tosup çıgıp, jügünüp, anı öptü. Eköö uçuraşkandan kiyin, çatırga kirişti.

⁸Oşondo Musa kaynatasına Teŋirdin Israyıl üçün paraon menen misirlikterge emne kılganın, joldo kanday kıyınçılıktarga tuş bolgonun, Teŋir alardı kantip kutkarganın büt aytıp berdi.

⁹İtro Teŋirdin Israyıldı misirlikterdin kolunan kutkarganda körsötkön bardık jakşılıgın ugup kubandı.

¹⁰Oşondo İtro: «Silerdi misirlikterdin jana paraondun kolunan kutkargan, bul eldi Misirdin biyliginen boşotkon Teŋirge daŋk!

¹¹Teŋirdin bardık kudaylardan uluu ekenin emi bildim, antkeni alar ısrayıldıktarga kıyınsınışkanda, Al Özünün kudurettüülügün körsöttü», – dedi.

¹²Anan Musanın kaynatası İtro Kudayga arnap bütündöy örttölüüçü kurmandıktı jana başka kurmandıktardı alıp keldi. Oşondo Arun Israyıldın büt aksakaldarın eerçitip, Musanın kaynatası menen birge Kudaydın aldında tamak jegeni keldi.

¹³Ertesi künü Musa elge sot jürgüzüü üçün oturdu. El bolso erteden keçke Musanın aldında turdu.

¹⁴Oşondo Musanın kaynatası anın elge sot jürgüzüp jatkanın körüp, mınday dedi: «Eldi emne kılıp jatasıŋ? Emne üçün sen jalgız oturasıŋ? Emne üçün büt el erteden keçke aldıŋda turat?»

¹⁵Musa kaynatasına mınday dep joop berdi: «El maga Kudaydın erkin suroo üçün kelip jatat.

¹⁶Alardın kandaydır bir talaşı bolso, maga kelişet, men alarga sot jürgüzöm, Kudaydın körsötmölörü menen mıyzamdarın aytam».

¹⁷Oşondo Musanın kaynatası aga mınday dedi: «Senin mınday kılganıŋ jakşı emes.

¹⁸Sen özüŋdü da, aldıŋdagı eldi da kıynap jatasıŋ, antkeni bul iş saga oorduk kılat. Sen munu jalgız atkara albaysıŋ.

¹⁹Oşonduktan menin aytkanımdı uk. Men saga akıl aytayın, Kuday seni menen bolot. Sen bolso el üçün Kudaydın aldında araçı bolup, eldin işterin Kudayga jetkirip tur.

²⁰Alarga Kudaydın körsötmölörü menen mıyzamdarın üyrötüp, alar jürö turgan Kudaydın jolun jana alar kıla turgan işterdi körsöt.

²¹El içinen jöndömdüü, Kudaydan korkkon, aç közdüktü jek körgön, adilet adamdardı tandap alıp, alardı elge miŋ başı, jüz başı, elüü başı jana on başı kılıp dayında.

²²Oşolor elge ar ubak sot jürgüzüşsün, maanilüü işterdi saga bildirip turuşsun, al emi mayda işterdi özdörü çeçişsin, oşondo saga jeŋilireek bolot, alar oor jüktü seni menen birge kötörüşsün.

²³Egerde sen uşunday kılsaŋ, Kuday saga emne kılış kerek ekenin aytıp turat. Oşondo sen bekem tura alasıŋ, el da öz orduna tınçtık menen tarap ketet».

²⁴Musa kaynatasının sözünö makul bolup, al aytkandın baarın kıldı.

²⁵Musa ısrayıldıktardın içinen jöndömdüü adamdardı tandap alıp, alardı miŋ başı, jüz başı, elüü başı jana on başı kılıp, eldi başkaruuga dayındadı.

²⁶Alar ar ubak elge sot jürgüzüştü. Oor işterdi Musaga aytıp, al emi mayda işterdi özdörü çeçip turuştu.

²⁷Anan Musa kaynatasın uzatıp jiberdi. Al öz jerine ketti.