Read NT LS 2005 – Инжил ЛС (2005 Çıguu 19 Bible Online

Çıguu 19 - NT LS 2005 – Инжил ЛС (2005 bible

Çıguu 19

¹Misir jerinen çıgışkandan kiyin, üçünçü aydın birinçi künü, ay jaŋırgan künü Israyıl uuldarı Sinay çölünö kelişti.

²Alar Repidimden çıgıp, Sinay çölünö kelip, stanı menen jaylanışıştı. Israyıl eli oşol jerdegi toonun bet maŋdayına stanı menen jaylanıştı.

³Musa Kuday menen süylöşüü üçün, toogo çıktı. Toodon Teŋir aga mınday dep kayrıldı: «Jakıptın eline, Israyıl uuldarına mınday degin:

⁴“Menin misirlikterge emne kılganımdı kördüŋör, Men silerdi bürküt balapanın kanatına kötörgöndöy kötörüp jürüp, Özümö alıp keldim.

⁵Oşonduktan siler Meni ugup, Menin kelişimimdi saktasaŋar, anda büt elderdin içinen siler Menin ençim bolosuŋar, antkeni büt jer Meniki.

⁶Siler Men üçün ıyık kızmat kıluuçulardın padışaçılıgı jana ıyık el bolosuŋar”. Senin Israyıl uuldarına ayta turgan sözüŋ uşul».

⁷Musa kelip, el aksakaldarın çakırdı da, Teŋir osuyattagan uşul sözdördü ayttı.

⁸Oşondo büt el bir dobuştan: «Teŋir emneni aytsa, oşonun baarın atkarabız», – dep joop berdi. Musa eldin aytkan sözün Teŋirge jetkirdi.

⁹Oşondo Teŋir Musaga mınday dedi: «Seni menen süylöşkönümdü el uguşu üçün jana saga dayıma işenişi üçün, Men saga kalıŋ buluttun içinde kelem». Musa eldin aytkan sözdörün Teŋirge aytıp berdi.

¹⁰Oşondo Teŋir Musaga: «Elge barıp, alardı bügün da, erteŋ da ıyıkta. Alar kiyimderin juup tazalaşsın.

¹¹Içünçü küngö dayar boluşsun, antkeni üçünçü künü Teŋir büt eldin köz aldında Sinay toosuna tüşüp kelet.

¹²El turgan jerdi tegerete sızıp koy. Anan alarga mınday de: “Sak bolgula, toogo çıkpagıla, toonun etegine da jakındabagıla. Kim toogo jakındasa, al ölüügö tiyiş.

¹³Al adamga eç kim kolun tiygizbesin, anı taş baraŋga alışsın je jaa menen atışsın, mal bolobu, adam bolobu, tirüü kalbasın”. Surnay ünü çıkkanda gana toogo çıksa bolot», – dedi.

¹⁴Musa toodon tüşüp kelip, eldi ıyıktadı. Alar öz kiyimderin juup tazalaştı.

¹⁵Oşondo Musa elge: «Içünçü küngö dayar bolgula. Ayalıŋarga jakındabagıla», – dedi.

¹⁶Içünçü künü taŋ atarı menen kün kürkürödü, çagılgan çartıldadı, kalıŋ bulut toonun başına keldi, anan surnay ünü katuu jaŋırdı. Oşondo standagı el abdan korkup ketti.

¹⁷Musa eldi standan Kuday menen joluguşuu üçün alıp çıktı. Alar toonun eteginde turuştu.

¹⁸Teŋir ot içinde tüşköndüktön, Sinay toosu tütöp jattı. Tütün toodon meşten çıkkan tütündöy bolup çıgıp jattı, too katuu solkuldap turdu.

¹⁹Surnay ünü bargan sayın katuulay berdi. Musa süylöp jattı, Kuday bolso katuu ün menen joop berip jattı.

²⁰Anan Teŋir Sinay toosuna tüşüp kelip, toonun başınan Musanı çakırdı, Musa toonun başına çıktı.

²¹Oşondo Teŋir Musaga: «Ildıy tüşüp, elge eskert, alar Teŋirdi köröm dep julunbasın, oşentem dep, köpçülügü ölüp kalbasın.

²²Teŋirge jakınday turgan ıyık kızmat kıluuçular bolso, Teŋir alardı öltürüp salbaşı üçün, özdörün ıyıktaşsın», – dedi.

²³Oşondo Musa Teŋirge: «El Sinay toosuna çıga albayt, antkeni Sen bizge: “Toonu tegerete sızıp, anı «ıyık» dep jarıyala dep eskertkensiŋ”», – dedi.

²⁴Teŋir aga: «Ildıy tüşüp kel. Kayra öydö çıgıp kele jatkanıŋda, Arundu ala kel, birok ıyık kızmat kıluuçular menen el toogo çıgıp, Teŋirge baram dep julunbasın, Teŋir alardı kırıp salat», – dedi.

²⁵Musa tüşüp kelip, elge uşunun baarın aytı.