Read NT LS 2005 – Инжил ЛС (2005 Çıguu 23 Bible Online

Çıguu 23 - NT LS 2005 – Инжил ЛС (2005 bible

Çıguu 23

¹Uşak taratpa, jalgan kübö bolboş üçün, kudaysızga kol sunba.

²Köpçülüktü eerçip jamandıkka barba, talaş-tartıştı köpçülükkö karap çeçpe, çındıktan çettebe.

³Jardının işin jardılıgına karap korgobo.

⁴Egerde duşmanıŋdın adaşkan ögüzün je eşegin tapsaŋ, anı eesine alıp barıp ber.

⁵Egerde duşmanıŋdın eşegi jıgılıp, kötörgön jügünün astında kalganın körsöŋ, talaaga taştabay, anın jügün çeçiş.

⁶Jakırdın işin tuura emes sottobo.

⁷Kalptan kaç, ayıpsızdı, adilettüünü öltürbö, antkeni Men mıyzamsızdık kılgan adamdı aktabaym.

⁸Para alba, antkeni para közdüünü sokur kılıp, aktın işin burmalayt.

⁹Kelgindi taarıntpa, antkeni siler kelgin bolgon kanday ekenin bilesiŋer, antkeni özüŋör da Misir jerinde kelgin bolgonsuŋar.

¹⁰Jeriŋdi altı jıl iştetip, tüşümün al.

¹¹Al emi jetinçi jılı jeriŋ es alsın, eliŋdin jakırları janın baksın, alardan kalganın talaadagı janıbarlar jesin. Jüzümzarıŋ menen zaytun daragıŋdı da oşondoy kıl.

¹²Altı kün iştep, jetinçi künü es al. Oşondo ögüzüŋ da, eşegiŋ da, küŋüŋdün balası da, kelgin da es alat.

¹³Silerge aytkanımdın baarın atkargıla. Başka kudaylardın attarın atabagıla, alardın attarın oozuŋarga albagıla.

¹⁴Maga arnap, bir jılda üç jolu mayram ötkör.

¹⁵Açıtkısız nan mayramın ötkörüp tur. Men saga buyruganday, Abıt ayının belgilengen ubagında jeti kün açıtkısız nan je, antkeni oşol ubakta Misirden çıkkansıŋ. Eç kim Menin aldıma kuru kol kelbesin.

¹⁶Talaaga ekken eginiŋdin birinçi tüşümün jıynaganıŋda, Egin jıynoo mayramın ötkör; jıl ayagında tüşüm jıynaganıŋda, Tüşüm mayramın ötkör.

¹⁷Bardık erkek attuularıŋ Egeder Teŋirdin aldına jılına üç jolu kelişsin.

¹⁸Maga arnap çalgan kurmandıgıŋdın kanın açıtkı koşulgan nan menen birge alıp kelbe. Maga arnap çalgan mayramdık kurmandıktın mayı erteŋ menenkige kalbasın.

¹⁹Jeriŋden algan birinçi tüşümüŋdü Kuday-Teŋiriŋdin üyünö alıp kel. Ulaktı enesinin sütünö bışırba.

²⁰Men dayardap koygon jerge seni joldo saktap jetkiriş üçün, aldıŋa bir perişteni jiberip jatam.

²¹Anın aldında abaylap jür, anın ününö kulak sal, aga karşı çıkpa. Egerde karşı çıksaŋar, al silerdin künööŋördü keçirbeyt, antkeni Menin ısımım anda.

²²Egerde anın ününö kulak salıp, Men aytkandın baarın atkarsaŋ, anda senin duşmandarıŋa duşman, kastarıŋa kas bolom.

²³Menin periştem aldıŋa tüşüp, seni amorluktardın, hettikterdin, perizdikterdin, kanaandıktardın, hibilikterdin jana jebustuktardın jerine alıp barganda, Men alardı jok kılganda,

²⁴alardın kudaylarına tabınba, alarga kızmat kılba, alardın işterin tuuraba, teskerisinçe, alardı talkala, mamıların kıyrat.

²⁵Öz Kuday-Teŋiriŋe kızmat kıl, oşondo Al jegen nanıŋa, içken suuŋa batasın beret. Men saga ooru-sırkoo jolotpoym.

²⁶Senin jeriŋde ara törögöndör jana töröbögöndör bolboyt. Ömürüŋdü uzun kılam.

²⁷Senin aldıŋan Özümdün korkunuçumdu jiberem, sen arasına bargan elderdin baarın dürbölöŋgö tüşüröm, bardık duşmandarıŋdı senden kaçıram.

²⁸Senin aldıŋan çoŋ aarılardı jiberem, alar senden hibilikterdi, kanaandıktardı jana hettikterdi kuup çıgat.

²⁹Jer een kalıp, jırtkıç aybandar köböyüp, saga kol salbaşı üçün, Men alardı senden bir ele jıldın içinde kuup çıgarbaym.

³⁰Sen tukumdap köböyüp, al jerdi eelemeyinçe, al elderdi senden az-azdan kuup çıgıp turam.

³¹Senin çek araŋdı Kızıl deŋizden Pelişti deŋizine çeyin jana çöldön darıyaga çeyin jetkirem. Al jerdin turgundarın senin koluŋa berem, sen alardı kuup çıgasıŋ.

³²Alar menen da, alardın kudayları menen da baylanış tüzbö.

³³Alar seni Maga karşı künöögö türtpöşü üçün, senin jeriŋde jaşabasın. Antkeni sen alardın kudaylarına kızmat kılsaŋ, anda alar sen üçün jayılgan tor bolot».