Read NT LS 2005 – Инжил ЛС (2005 Çıguu 24 Bible Online

Çıguu 24 - NT LS 2005 – Инжил ЛС (2005 bible

Çıguu 24

¹Anan Teŋir Musaga mınday dedi: «Arundu, Nadaptı, Abıyuttu jana Israyıldın jetimiş aksakalın alıp, toogo çıgıp, Maga alıs turup taazim kılgıla.

²Teŋirge Musa gana jakındasın. Al emi tigiler jakındabasın, el alarga koşulup kelbesin».

³Musa kelip, Teŋirdin sözdörü menen mıyzamdarının baarın elge aytıp berdi. Oşondo büt el bir oozdon: «Teŋir emneni aytsa, oşonu atkarabız», – dedi.

⁴Musa Teŋirdin bardık sözdörün jazıp aldı. Ertesi erteŋ menen erte turup, toonun tübünö kurmandık çalınuuçu jay kurup, Israyıldın on eki uruusu üçün on eki taş tizdi.

⁵Anan al Israyıl uuldarınan ulandardı jönöttü. Alar Teŋirge arnap bütündöy örttölüüçü kurmandıktardı çalıştı jana tınçtık kurmandıgına bukaçarlardı soyuştu.

⁶Musa kandın jarımın çaralarga kuyup, jarımın kurmandık çalınuuçu jayga çaçtı.

⁷Anan kelişim jazılgan kitepti alıp, elge uguza okup berdi. Oşondo el: «Teŋir emneni aytsa, oşonun bardıgın atkarabız, til alabız», – dedi.

⁸Musa elge kan çaçıp, mınday dedi: «Bul kan – uşul sözdördün negizinde Teŋirdin siler menen tüzgön kelişimin bekite turgan kan».

⁹Andan kiyin Musa menen Arun, Nadap menen Abıyut jana Israyıldın jetimiş aksakalı toonun başına çıgıştı.

¹⁰Oşondo alar Israyıldın Kudayın körüştü. Anın butunun astında taza sappirden jasalganday bolgon, açık asman tüstüü nerse jatkan ele.

¹¹Al Israyıldın tandalgan uuldarın öltürgön jok. Alar Kudaydı körüştü, içip-jeşti.

¹²Oşondo Teŋir Musaga mınday dedi: «Toogo çıgıp, Maga kel da, oşol jerde bol. Alardı üyrötüş üçün, Men saga taş looktordu jana Özüm jazgan mıyzam menen osuyattardı berem».

¹³Musa jana anın kızmatçısı Jaşıya ordunan turuştu. Musa Kudaydın toosuna jönödü.

¹⁴Aksakaldarga: «Biz kayrılıp kelgiçe, uşul jerde bolgula. Arun menen Hur siler menen bolot. Kimdin jumuşu bolso, oşolorgo kelsin», – dedi.

¹⁵Musa toogo çıgarı menen toonu bulut kaptadı.

¹⁶Teŋirdin daŋkı Sinay toosun çulgadı. Bulut toonu altı kün kaptap turdu, al emi jetinçi künü Teŋir buluttun arasınan Musanı çakırdı.

¹⁷Toonun başındagı Teŋirdin daŋkı Israyıl uuldarının közünö bardıgın jalmap saluuçu ottoy bolup köründü.

¹⁸Musa buluttun içine kirip, toonun başına çıktı. Musa al toodo kırk kün, kırk tün boldu.