Read NT LS 2005 – Инжил ЛС (2005 Çıguu 28 Bible Online

Çıguu 28 - NT LS 2005 – Инжил ЛС (2005 bible

Çıguu 28

¹Israyıl uuldarının içinen Maga ıyık kızmat kılışı üçün, bir tuuganıŋ Arundu janıŋa al. Arundu jana anın uuldarı: Nadaptı, Abıyuttu, Elazardı jana İtamardı al.

²Bir tuuganıŋ Arunga ızat körsötülüşü üçün jana aga jaraşıktuu boluşu üçün, ıyık kiyim dayarda.

³Men akılmandık ruhuna tolturgan daanışman adamdardın bardıgına ayt. Arun Maga ıyık kızmat kılganda kie turgan kiyimdi alar dayardap berişsin.

⁴Alar dayarday turgan kiyimder bular: töş çöntök, epod, sırtkı çapan, uzun köynök, kidar jana bel kurçoo. Alar bir tuuganıŋ Arunga jana anın uuldarına Maga ıyık kızmat kılganda kie turgan ıyık kiyim dayardap berişsin.

⁵Alar altından, açık kök, açık kızıl, koçkul kızıl tüstögü jündön jana zıgır bulasınan alıp,

⁶altından, açık kök, açık kızıl, koçkul kızıl tüstögü jündön, çıyratılgan zıgır bulasınan çeberçilik menen epod tokuşsun.

⁷İyininde epoddun eki uçun biriktire turgan çeni bolsun.

⁸Epoddun sırtınan baylana turgan bel kurçoo epod tokulganday ele, altından, açık kök, açık kızıl, koçkul kızıl tüstögü jündön jana çıyratılgan zıgır bulasınan tokulsun.

⁹Oniks taşınan ekini alıp, alardın betine Israyıl uuldarının attarın çegip jaz.

¹⁰Alardın jaşına jaraşa, altoonun atın bir taşka, kalgan altoonun atın ekinçi taşka çegip jaz.

¹¹Taş çekkiçter taştı çekkendey, möördü çegip jasaganday, Israyıl uuldarının attarın eki taşka çegip jaz, alardı altın oyuktarga sal.

¹²Oşol eki taştı epoddun çenderine sal, al taştar Israyıl uuldarın Teŋir esine alışı üçün salınsın. Alardın attarın Teŋir esine alışı üçün, alardı Arun eki iyininde alıp jürsün.

¹³Altından oyuk jasa.

¹⁴Taza altından eki çınjırça jasa, alardı örüp jasa, örülgön çınjırçalardı oyuktarga bekit.

¹⁵Kudaydın ökümün bildirip turgan töş çöntöktü çeberçilik menen toku. Epoddu tokuganday ele, anı altından, açık kök, açık kızıl, koçkul kızıl tüstögü jündön jana çıyratılgan zıgır bulasınan toku.

¹⁶Al tört burçtuu, eki kat, uzunu bir karış, tuurası bir karış bolsun.

¹⁷Aga oyukka jatkırılgan asıl taştardı tört katar kılıp sal, alar katarı menen jatsın. Birinçi katarında laal, topaz, zımırıt,

¹⁸ekinçi katarında karbunkul, sappir, almaz,

¹⁹üçünçü katarında jakut, agat jana ametist,

²⁰törtünçü katarında hrizolit, oniks, yaspis jatsın. Alar altın oyuktarga salınsın.

²¹Al taştardın sanı Israyıl uuldarının sanına jaraşa, attarına jaraşa on eki bolsun. Möördün betine çekkendey, ar bir taştın betine on eki uruunun atı birden çegilip jazılsın.

²²Töş çöntök üçün taza altından örülgön çınjırçalardı jasa.

²³Altından eki şakekçe jasap, alardı töş çöntöktün eki uçuna bekit.

²⁴Örülgön altın çınjırçalardı töş çöntöktün eki uçundagı şakekçelerge ötköz.

²⁵Al emi eki çınjırçanın ekinçi uçtarın eki oyukka, epoddun çeninin sırtkı betine bayla.

²⁶Dagı eki altın şakekçe jasap, alardı töş çöntöktün başka eki uçuna, töş çöntöktün içki betine bekit.

²⁷Altından dagı eki şakekçe jasap, epoddun sırtına, eki çendin ıldıy jagındagı epoddun aldı-artı birikken jerine, bel kurçoonun üstünö bekit.

²⁸Töş çöntöktün şakekçeleri menen epoddun şakekçelerin açık kök jündön çıyratılgan boo menen bayla, töş çöntöktü epoddon tüşpögüdöy kılıp, bel kurçoonun üstünö bayla.

²⁹Israyıl uuldarının attarın Teŋir dayıma esine alışı üçün, Arun ıyık jayga kirgende, Israyıl uuldarının attarı jazılgan töş çöntöktü öz jürögünün tuşunda alıp jürsün.

³⁰Kudaydın ökümün bildirip turgan töş çöntökkö urim menen tumimdi salıp koy. Arun Teŋirdin aldına barganda, alar anın jürök tuşunda bolot. Israyıl uuldarına çıgarılgan ökümdü Arun ar dayım öz jürögünün tuşunda Teŋirdin aldında alıp jüröt.

³¹Epoddun içinen kie turgan sırtkı çapan açık kök jündön tokulsun.

³²Çapanga tuyuk jaka çıgarılsın, al ayrılbaşı üçün, soottuku sıyaktuu kezdeme menen kıyuulansın.

³³Açık kök, jakut, açık kızıl, koçkul kızıl tüstögü jipterden anın etegine tegerete çok jasap, çoktordun aralarına altın jılaajındardı tagıp koy.

³⁴Altın jılaajındar menen çoktor çapandın etegine almak-salmak, kıdırata tagılsın.

³⁵Arun al çapandı Teŋirge iybadat kılıp jatkanda kiysin. Al Teŋirdin aldına, ıyık jayga kirip-çıkkanda ölüp kalbaş üçün, jılaajındardın şıŋgıraganı ugulup tursun.

³⁶Taza altındı jılmalap, taktayça jasap, möördün betine çekkendey, anın betine “Teŋirge arnalgan” dep çegip jaz.

³⁷Anı açık kök jip menen kidarga bayla, al kidardın aldı jagında bolsun.

³⁸Al Arundun çekesinde dayıma baylanıp tursun. Israyıl uuldarının Teŋirge arnap alıp kelgen kurmandıktarının jana tartuularının kemçilikterin al öz moynuna kötöröt. Teŋir alardın kurmandıktarın kabıl alışı üçün, al ar dayım anın çekesinde bolsun.

³⁹Zıgır bulasınan uzun köynök toku, oşondoy ele zıgır bulasınan kidar jana saymaluu bel kurçoo jasa.

⁴⁰Izat körsötülüşü üçün jana alarga jaraşıktuu boluşu üçün, Arundun uuldarına da uzun köynök, bel kurçoo, ıyık baş kiyim dayarda.

⁴¹Alardı bir tuuganıŋ Arunga jana anın uuldarına kiygizip, alardı maylap, alarga ukuk berip, ıyık kızmat kıluuçulukka arna, oşondo alar Maga ıyık kızmat kılışat.

⁴²Alarga zıgır bulasınan belinen tizesine çeyin jetken, jılaŋaç etin jaba turgan iç kiyim toku.

⁴³Al kiyimderdi Arun jana anın uuldarı jıyın çatırına kirerde je ıyık jayda iybadat kıluu üçün, kurmandık çalınuuçu jayga jakın kelerde, künöölüü bolup ölüp kalbaş üçün kiyip jürüşsün. Bul mıyzam aga jana anın ukum-tukumuna tübölükkö kalsın.