Read NT LS 2005 – Инжил ЛС (2005 Çıguu 3 Bible Online

Çıguu 3 - NT LS 2005 – Инжил ЛС (2005 bible

Çıguu 3

¹Musa midiandık butkana kızmatçısı, kaynatası İtronun koylorun kaytarıp jürdü. Bir künü al koylordu alıs jaktagı çölgö aydap barıp, Kudaydın toosu Horepke keldi.

²Oşondo aga küyüp jatkan tikenektüü badaldın arasınan, ottun jalınınan Teŋirdin periştesi köründü. Musa tikenektüü badaldın jalındap küyüp jatkanın, birok küyüp ketpegenin kördü.

³«Emne üçün badal küyüp ketpeyt? Barıp, bul ukmuştuu kubuluştu körüp keleyinçi», – dedi al.

⁴Teŋir anın körgönü kele jatkanın körüp, badal içinen anı: «Musa! Musa!» – dep çakırdı. Al: «Mına men!» – dep joop berdi.

⁵Kuday aga: «Bul jerge jakındaba. But kiyimiŋdi çeç, antkeni sen turgan jer – ıyık jer.

⁶Men senin ata-babaŋdın Kudayımın, Ibrayımdın, Iskaktın, Jakıptın Kudayımın», – dedi. Musa betin jaap aldı, antkeni Kudaydı karagandan korktu.

⁷Teŋir mınday dedi: «Men Öz elimdin Misirde tartkan azabın kördüm, başkaruuçulardan korduk körüp, bozdogon ünün uktum. Men anın kaygısın bilem.

⁸Men anı misirlikterdin kolunan kutkaruu üçün, bul jerden alıp çıgıp, süt menen bal akkan jakşı, kenen jerge, kanaandıktardın, hettikterdin, amorluktardın, perizdikterdin, hibilikterdin jana jebustuktardın jerine alıp baruu üçün keldim.

⁹Israyıl uuldarının bozdogon ünü Maga jetti, alardı misirlikter kantip ezip jatkanın körüp turam.

¹⁰Oşonduktan bargın, Men seni paraongo jiberem. Misirden Menin elimdi, Israyıl uuldarın, alıp çık».

¹¹Musa Kudayga: «Paraongo barıp, Misirden Israyıl uuldarın alıp çıkkıday, men kimmin?» – dedi.

¹²Oşondo Kuday aga: «Men seni menen bolom, seni Men jibergendigimdin belgisi mınday: sen eldi Misirden alıp çıkkandan kiyin, uşul toonun üstündö Kudayga iybadat kılasıŋar», – dedi.

¹³Musa Kudayga: «Men azır Israyıl uuldarına barıp: “Silerdin ata-babaŋardın Kudayı meni silerge jiberdi”, – desem, alar menden: “Anın atı kim?” – dep suraşsa, emne dep joop berişim kerek?» – dedi.

¹⁴Kuday Musaga: «Men Bar Bolup Turuuçumun (Jahabamın). Israyıl uuldarına: Meni silerge Bar Bolup Turuuçu Özü jiberdi dep ayt», – dedi.

¹⁵Kuday Musaga dagı mınday dedi: «Israyıl uuldarına mınday dep ayt: “Teŋir, silerdin ata-babaŋardın Kudayı – Ibrayımdın, Iskaktın, Jakıptın Kudayı meni silerge jiberdi”. Bul Menin kılımdan kılımga, ukumdan-tukumga belgilüü bolgon ısımım.

¹⁶Barıp, Israyıl aksakaldarın çogultup, alarga mınday dep ayt: “Teŋir, silerdin ata-babaŋardın Kudayı – Ibrayımdın, Iskaktın, Jakıptın Kudayı maga kelip, mınday dedi: «Men silerge kelip, Misirde silerdi emne kılıp jatışkanın kördüm.

¹⁷Men silerdi misirlikterdin ezüüsünön kutkarıp, kanaandıktardın, hettikterdin, amorluktardın, perizdikterdin, hibilikterdin jana jebustuktardın jerine, süt menen bal akkan jerge alıp baram»”.

¹⁸Oşondo alar seni uguşat. Sen bolso Israyıl aksakaldarı menen birge Misir padışasına barıp, aga mınday dep aytasıŋ: “Teŋir, ebereylerdin Kudayı, bizdi çakırıp jatat, oşonduktan bizdi çölgö, üç kündük jolgo koё ber, Kuday-Teŋiribizge kurmandık çalalı”.

¹⁹Misir padışasın zor küç menen majburlabasa, silerge uruksat berbestigin bilem.

²⁰Men Özümdün küçümdü koldonup, Misirdi keremetterim menen kıyratam. Al silerdi oşondon kiyin gana koё beret.

²¹Men bul elge misirlikterdin köz aldında ırayım kılam. Siler ketip bara jatkanda, kuru kol ketpeysiŋer.

²²Ar bir eberey ayal misirlik koŋşusunan jana üyündö jaşagan misirlik ayaldardan altın-kümüş buyumdarın, kiyimderin surap alat. Alardı uul-kızdarıŋarga kiygizesiŋer, oşentip, misirlikterdi tonop alasıŋar».