Read NT LS 2005 – Инжил ЛС (2005 Çıguu 31 Bible Online

Çıguu 31 - NT LS 2005 – Инжил ЛС (2005 bible

Çıguu 31

¹Teŋir Musaga dagı mınday dedi:

²«Bilip al, Men Jüyüt uruusundagı Hurdun uulu, Urinin uulu Betseleldin tak özün dayındadım.

³Men anı Kudaydın Ruhuna tolturdum, aga daanışmandık, tüşünük, bilgiçtik jana ar kanday önör berdim.

⁴Men aga altından, kümüştön, jezden buyum jasagandı,

⁵oyukka salınuuçu taştardı keskendi, jıgaç somdogondu, bardık işti jasay bilüünü üyröttüm.

⁶Men aga Dan uruusundagı Akisamak uulu Alıyaptı jardamçı kılıp dayındadım. Ar bir akılduu adamdın jürögünö akılmandık salam, oşondo alar Men saga buyrugandın bardıgın jasaşat.

⁷Alar jıyın çatırın, kelişim sandıgın jana anın kapkagın, jıyın çatırına tieşelüü bolgon bardık nerselerdi,

⁸üstöldü jana aga tieşelüü bolgon bardık nerselerdi, taza altından çıraktan jana aga tieşelüü bolgon bardık nerselerdi, oşondoy ele jıpar jıttuu zat tütötülüüçü jaydı,

⁹kurmandık bütündöy örttölüüçü jaydı, aga tieşelüü bolgon bardık nerselerdi, juunguçtu jana anın tübün,

¹⁰kızmatçılardın ıyık kızmat kılarda kie turgan kiyimderin, ıyık kızmat kıluuçu Arundun ıyık kiyimderin, anın uuldarının ıyık kiyimderin dayardap,

¹¹ıyık jay üçün maylooçu may jana tütötüü üçün jıpar jıttuu aralaşma jasaşsın. Alar mına uşulardın bardıgın Men saga buyruganday jasaşsın».

¹²Teŋir Musaga dagı mınday dedi:

¹³«Israyıl uuldarına mınday dep ayt: “Menin işembi künümdü ıyık tutkula, antkeni al kün – silerdi ıyık el kılgan Teŋiriŋer Men ekenimdi bilip jürüüŋör üçün, Meni menen silerdin jana ukum-tukumuŋardın ortosunda belgi bolgon kün.

¹⁴İşembi kündü ıyık tutkula, antkeni al siler üçün ıyık. Kim anı ıyık tutpasa, al ölüm jazasına tartılsın. Kim oşol künü jumuş kılsa, al öz elinin arasınan jok kılınsın”.

¹⁵Altı kün iş kılışsın, al emi jetinçi kün – Teŋirge arnalgan es aluuçu işembi kün. Kim işembi künü iş kılsa, al ölüm jazasına tartılsın.

¹⁶Israyıl uuldarı işembi kündü ıyık tutsun, tübölük kelişim katarı alardın ukum-tukumu işembi kündü mayramdasın.

¹⁷Bul – Meni menen Israyıl uuldarının ortosundagı tübölük belgi, antkeni Teŋir altı kündö asman menen jerdi jaratkan, al emi jetinçi künü tınç alıp, es algan».

¹⁸Kuday Musa menen Sinay toosunda süylöşüp bütköndön kiyin, aga mıyzam jazılgan eki looktu – Öz kolu menen jazgan taş looktordu berdi.