Read NT LS 2005 – Инжил ЛС (2005 Çıguu 33 Bible Online

Çıguu 33 - NT LS 2005 – Инжил ЛС (2005 bible

Çıguu 33

¹Teŋir Musaga mınday dedi: «Sen bul jerden Misir jerinen alıp çıkkan eliŋ menen koşo Men Ibrayımga, Iskakka jana Jakıpka “Senin tukumuŋa berem” dep ubada kılgan jerge jönö.

²Aldıŋa periştemdi jiberip, al jerden kanaandıktardı, amorluktardı, hettikterdi, perizdikterdi, hibilikterdi, jebustuktardı kuup çıgam.

³Al silerdi süt menen bal akkan jerge alıp barat. Silerdi joldo kırıp salbaşım üçün, Özüm siler menen barbaym, antkeni siler toŋ moyun elsiŋer».

⁴El bul kaarduu sözdü ukkanda, bozdop ıyladı, eç kim jasalgasın tagıngan jok.

⁵Antkeni Teŋir Musaga mınday degen ele: «Israyıl uuldarına ayt: “Siler toŋ moyun elsiŋer. Egerde Men siler menen barsam, anda silerdi bir zamatta jok kılam, oşonduktan jasalgalarıŋardı çeçkile. Silerge emne kılıştı baykap köröm”».

⁶Oşentip, Israyıl uuldarı Horep toosunun janında jasalgaların çeçişti.

⁷Musa bolso standın sırtına, standan oboço jerge çatır tigip, anı «jıyın çatırı» dep atadı. Teŋirdi izdegen adamdardın baarı standın sırtındagı jıyın çatırına kelişçü.

⁸Musa jıyın çatırına bara jatkanda, eldin baarı ordunan turup, öz-öz çatırının kire berişinde Musa jıyın çatırına kirgençe karap turuşçu.

⁹Musa jıyın çatırına kirgende, asmandan bulut mamı tüşüp, jıyın çatırının kire berişine kelip turçu, oşondo Teŋir Musa menen süylöşçü.

¹⁰El jıyın çatırının kire berişinde turgan bulut mamını körüp, ordunan turup, öz çatırlarının kire berişinde taazim kılçu.

¹¹Oşondo Teŋir Musa menen dosu menen süylöşköndöy, betme-bet süylöşçü. Oşondon kiyin Musa stanga kayrılıp kelçü, al emi anın kızmatçısı Nundun uulu Jaşıya jıyın çatırınan karış jılçu emes.

¹²Musa Teŋirge mınday dedi: «Sen maga: “Bul eldi baştap bar, Men seni atıŋdan bilem, sen Menin aldımda ırayım taptıŋ”, – deseŋ da, meni menen kimdi jibereriŋdi açıp berbediŋ.

¹³Egerde men Senin aldıŋda ırayım tapkan bolsom, anda ötünöm: Seni taanıp bilişim üçün, Senin aldıŋda ırayım tabışım üçün, maga Öz joluŋdu aç. Bul el Öz eliŋ ekenin unutpa».

¹⁴Oşondo Teŋir aga: «Men Özüm baram, seni beypil jerge jetkirem», – dedi.

¹⁵Musa Teŋirge: «Egerde biz menen Sen Özüŋ barbasaŋ, anda bizdi bul jerden alıp çıkpa.

¹⁶Men da, Senin eliŋ da Senin aldıŋda ırayım tapkanıbızdı kantip bilebiz? Senin biz menen barganıŋdan emespi? Oşondo men da, Senin eliŋ da jer jüzündögü bardık elderden ataktuu bolobuz», – dedi.

¹⁷Oşondo Teŋir Musaga: «Senin azırkı aytkanıŋdı atkaram, antkeni sen Menin aldımda ırayım taptıŋ, Men seni atıŋdan bilem», – dedi.

¹⁸Musa Aga: «Maga Öz daŋkıŋdı körsötçü», – dedi.

¹⁹Oşondo Teŋir aga mınday dedi: «Men senin aldıŋdan bardık jakşılıktarımdı ötkörüp, Teŋirdin ısımın senin aldıŋda jarıya kılam. Men kimge ırayım kılgım kelse, aga ırayım kılam; kimdi ayagım kelse, anı ayaym».

²⁰Anan Al dagı mınday dedi: «Saga Menin jüzümdü körüügö bolboyt, antkeni Menin jüzümdü körgön adam tirüü kalbayt».

²¹Teŋir dagı mınday dedi: «Menin janımda aska bar, oşol askanın üstündö tur.

²²Menin daŋkım ötüp bara jatkanda, seni askanın jarakasına koёm, ötüp ketkenge çeyin, seni kolum menen kalkalap turam.

²³Men kolumdu tartıp algandan kiyin, Meni artıman körösüŋ, Menin jüzümdü körböysüŋ».