Read NT LS 2005 – Инжил ЛС (2005 Çıguu 34 Bible Online

Çıguu 34 - NT LS 2005 – Инжил ЛС (2005 bible

Çıguu 34

¹Teŋir Musaga mınday dedi: «Taştı jılmalap, murunkuga okşoş eki look jasa. Men al looktorgo sen talkalagan murunku taş looktordogu sözdördü jazıp berem.

²Erteŋ menenkige çeyin dayar bol. Sinay toosunun başına çıgıp, Menin aldıma kelip tur.

³Birok seni menen toogo eç kim çıkpasın, bul toodo eç kim körünbösün. Bul toonun janında mayda mal da, bodo mal da jayılıp jürbösün».

⁴Musa taş jılmalap, murunku taş looktorgo okşoş eki taş look jasadı. Erteŋ menen erte turup, Teŋir buyruganday, Sinay toosuna çıktı. Koluna eki taş looktu alıp aldı.

⁵Teŋir bulut içinde tömön tüşüp, Musanın janına kelip toktop, Özünün ısımın «Jahaba» dep jarıyaladı.

⁶Anan Teŋir Musanın bet aldınan ötüp, mınday dep süylödü: «Teŋir – pendesin süygön, ırayımduu, çıdamduu, abdan booruker, adilettüü,

⁷miŋinçi tukumga çeyin ırayım kıla turgan, ayıbın, kılmışın jana künöösün keçire turgan, birok jazasız kaltırbay turgan, ata-babalarının ayıbı üçün üçünçü jana törtünçü tukumuna çeyinki baldarın jana baldarının baldarın jazalay turgan Kuday-Teŋir».

⁸Musa oşol zamat jerge jıgılıp, Kudayga taazim kıldı.

⁹Anan mınday dedi: «O Egederim! Egerde men Senin aldıŋda ırayım tapkan bolsom, anda Egederim biz menen barsın, antkeni bul el – toŋ moyun el. Bizdin mıyzamsız işteribiz menen künöölörübüzdü keçir. Bizdi Öz eliŋ kılıp al!»

¹⁰Oşondo Teŋir mınday dedi: «Men mınday kelişim tüzöm: senin bütkül eliŋdin aldında büt jer jüzündö bolbogon jana eç bir elde jok keremetterdi körsötöm. Sen arasında jürgön büt el Teŋirdin işterin köröt, antkeni Men sen üçün ötö korkunuçtuu iş körsötöm.

¹¹Azır Men saga berip jatkan buyruktarımdı sakta. Mına, Men amorluktardı, kanaandıktardı, hettikterdi, perizdikterdi, hibilikterdi, jebustuktardı senin aldıŋdan kuup jatam.

¹²Sak bol, özüŋ eeley turgan jerdin turgundarı menen baylanış tüzbö, alar siler tüşö turgan tor bolup kalbasın.

¹³Alardın kurmandık çalınuuçu jayların talkalagıla, mamıların kıyratkıla, mazar terekterin kıygıla.

¹⁴Antkeni sen Teŋirden başka kudayga sıyınbaşıŋ kerek, Anın ısımı – “Kızgançaak”. Al – kızgançaak Kuday.

¹⁵Öz kudaylarına tabınıp jatışkanda jana kudaylarına kurmandık çalıp jatışkanda, seni da çakırbaşı üçün, sen da alardın kurmandıktarınan jebeşiŋ üçün, al jerdin turgundarı menen kelişim tüzbö.

¹⁶Alardın kızdarı öz kudaylarına tabınıp, senin uuldarıŋdı da öz kudaylarına tabınuuga azgırbaşı üçün, uuldarıŋa alardın kızdarınan ayal alıp berbe.

¹⁷Özüŋö kuyma kudaylardı jasaba.

¹⁸Açıtkısız nan mayramın ötkörüp tur. Men saga buyruganday, belgilengen Abıt ayında jeti kün açıtkısız nan je, antkeni sen Misirden Abıt ayında çıkkansıŋ.

¹⁹Tun baldarıŋdın baarı Meniki, oşondoy ele bodo malıŋdan tartıp koyloruŋa çeyin, birinçi tuulgan erkek malıŋdın baarı Meniki.

²⁰Eşekterdin birinçi tölün kozuga almaştır. Egerde almaştırbasaŋ, anda kunun tölö. Bardık tun uuldarıŋdın kunun tölö. Eç kim Menin aldıma kuru kol kelbesin.

²¹Altı kün iştep, jetinçi künü es al. Sebüü, oruu-jıyuu ubagında da jetinçi künü es al.

²²Buudayıŋdın birinçi tüşümün jıynaganıŋda, Jumalar mayramın, jıl ayagında Tüşüm jıynoo mayramın mayramda.

²³Eliŋdegi erkek attuulardın baarı jılına üç jolu Israyıldın Kuday-Teŋirinin, Egederdin, aldına kelişsin.

²⁴Antkeni Men senin aldıŋdan bul jerdegi eldi kuup çıgıp, senin çek araŋdı keŋeytem. Egerde sen jılına üç jolu Kuday-Teŋiriŋdin aldına kelseŋ, eç kim senin jeriŋdi tartıp albayt.

²⁵Maga çalgan kurmandıgıŋdın kanın açıtkı koşulgan nan menen birge alıp kelbe. Pasah mayramına karata çalıngan kurmandık erteŋ menenkige kalbasın.

²⁶Jeriŋden algan eŋ birinçi tüşümüŋdü Kuday-Teŋiriŋdin üyünö alıp kel. Ulaktı enesinin sütünö bışırba».

²⁷Anan Teŋir Musaga dagı mınday dedi: «Bul sözdördü jazıp al, antkeni bul sözdördün negizinde Men seni menen jana Israyıl eli menen kelişim tüzüp jatam».

²⁸Oşentip, Musa Teŋirdin janında nan da jebey, suu da içpey, kırk kün, kırk tün boldu. Oşondo Kuday taş looktorgo kelişim sözdörün – on osuyattı jazdı.

²⁹Musa Sinay toosunan tüşüp kele jatkanda, anın kolunda mıyzam jazılgan eki taş look bar ele. Musa Kuday menen süylöşköndüktön, toodon tüşüp kele jatkanda, jüzünön nur çaçırap turganın özü bilgen jok.

³⁰Arun menen Israyıldın bardık uuldarı Musanın jüzünön nur çaçırap turganın körüp, jakın baruudan korkuştu.

³¹Musa alardı özünö çakırdı. Oşondo Arun menen jamaattın bardık başçıları kelişti. Musa alar menen süylöştü.

³²Andan kiyin Israyıldın büt uuldarı kelişti. Musa alarga Teŋirdin Sinay toosunda aytkan osuyattarının baarın aytıp berdi.

³³Musa alar menen süylöşüp bütköndön kiyin, betine jabuu jaap aldı.

³⁴Al Teŋir menen süylöşüü üçün, Anın aldına barganda, betindegi jabuusun alıp salçu, kayra çıkkanda jaap alçu. Çıkkandan kiyin Teŋir bergen osuyattın baarın Israyıl uuldarına aytıp berçü.

³⁵Israyıl uuldarı anın jüzünön nur çaçırap turganın körüşçü. Teŋir menen süylöşkönü barganga çeyin, al kayradan jüzün jaap alçu.