Read NT LS 2005 – Инжил ЛС (2005 Çıguu 5 Bible Online

Çıguu 5 - NT LS 2005 – Инжил ЛС (2005 bible

Çıguu 5

¹Oşondon kiyin Musa menen Arun paraongo kelip, mınday deşti: «Israyıldın Kuday-Teŋiri mınday deyt: “Menin elimdi koё ber, alar çöldö Maga arnap mayram ötkörüşsün”».

²Birok paraon: «Men Anı ugup, Israyıldı koё bergidey, Teŋir kim eken? Men Teŋirdi bilbeym, Israyıldı da koё berbeym», – dedi.

³Alar aga: «Ebereylerdin Kudayı bizdi çakırıp jatat. Bizdi çölgö, üç kündük jolgo koё ber, Kuday-Teŋiribizge kurmandık çalalı, bolboso Al bizge juguştuu ooru jiberet je kılıç menen jok kılat», – deşti.

⁴Oşondo Misir padışası alarga: «Musa menen Arun, siler emne üçün eldi jumuşunan alagdı kılıp jatasıŋar? Öz jumuşuŋarga jönögülö.

⁵Bul jerde el köp, siler alardı işterinen alagdı kılıp jatasıŋar», – dedi.

⁶Paraon oşol ele künü başkaruuçularga jana közömöldööçülörgö mınday dep buyruk berdi:

⁷«Mından arı bul elge kış kuyuu üçün murunkuday saman berbegile. Alar samandı özdörü barıp çogultup alışsın.

⁸Birok kıştı buga çeyin kuyup kelgendegidey ele sanda kuyuşsun, sanın azaytpagıla. Alar jalkoo, oşonduktan: “Barıp, Kudayıbızga kurmandık çalabız”, – dep kıykırıp jatışat.

⁹Alarga jumuştu köp bergile, işteşsin, kuru söz menen alek boluşpasın».

¹⁰Oşondo başkaruuçular menen közömöldööçülör elge kayrılıp: «Paraon: “Silerge saman berbeym.

¹¹Samandı özüŋör taap algıla. Birok jumuşuŋardı azaytpaym”, – dep aytıp jatat», – deşti.

¹²Oşondo el saman orduna paya izdep, Misir jerine tarap ketti.

¹³Başkaruuçular bolso: «Kıştı saman bar kezdegidey ele, kün sayın murunku belgilengen sanda kuygula», – dep majburlap jatıştı.

¹⁴Al emi paraondun başkaruuçuları Israyıl uuldarının içinen özdörü dayındagan közömöldööçülördü: «Emne üçün kıştı murunku belgilengen sanda kuybay jatasıŋar?» – dep urup-sabaştı.

¹⁵Oşondo Israyıl uuldarının közömöldööçülörü paraongo ıylap kelip: «Emnege kuldarıŋa uşunday mamile kılıp jatasıŋ?

¹⁶Kuldarıŋa saman berbey jatışat, birok kış kuygula dep, kuldarıŋdı sabap jatışat. Eliŋ künöö kılıp jatat», – deşti.

¹⁷Birok paraon alarga: «Jalkoosuŋar siler, jalkoosuŋar, oşonduktan “Teŋirge kurmandık çalabız” dep jatasıŋar.

¹⁸Bargıla, iştegile. Silerge saman berilbeyt, birok tieşelüü sandagı kıştı toluk bergile», – dedi.

¹⁹Israyıl uuldarınan koyulgan közömöldööçülör «Ar bir küngö belgilengen kıştın sanın kemitpegile» degen buyruktan ulam baştarına müşkül tüşkönün tüşünüştü.

²⁰Alar paraondon çıkkanda, özdörün kütüp turgan Musa menen Arunga joluguştu.

²¹Alarga: «Teŋir silerdi körsö eken, bizdi paraongo jana anın kuldarına jek köründü kılganıŋar üçün, bizdi öltürtüü üçün alardın koluna kılıç karmatkanıŋar üçün jazalasa eken», – deşti.

²²Oşondo Musa Teŋirge kayrılıp: «Teŋir! Emne üçün bul eldi uşunday azapka saldıŋ, emne üçün meni jiberdiŋ?

²³Men kelip, paraongo Senin atıŋdan süylöy baştagandan tartıp, al bul elge murunkudan da jaman mamile kıla baştadı. Sen bolso Öz eliŋdi kutkargan joksuŋ», – dedi.