Read NT LS 2005 – Инжил ЛС (2005 Çıguu 7 Bible Online

Çıguu 7 - NT LS 2005 – Инжил ЛС (2005 bible

Çıguu 7

¹Birok Teŋir Musaga mınday dedi: «Bilip koy, Men seni paraongo Kuday kılıp koydum, al emi bir tuuganıŋ Arun senin paygambarıŋ bolot.

²Sen aga Men buyrugandın baarın aytasıŋ. Bir tuuganıŋ Arun bolso paraongo: “Israyıl uuldarın öz jeriŋen koё ber”, – dep aytat.

³Birok Men paraondun jürögün katuulantıp koёm da, Misir jerinde Özümdün köptögön jışaandarımdı, keremetterimdi körsötöm.

⁴Paraon silerdi ukpayt, oşondo Men Misirge küç koldonup, anı katuu jazalap, Özümdün koşuunumdu – Öz elim Israyıl uuldarın Misir jerinen alıp çıgam.

⁵Men Misirdi katuu jazalap, alardın arasınan Israyıl uuldarın alıp çıkkanda, misirlikter Menin Teŋir ekenimdi bilişet».

⁶Musa menen Arun Teŋir buyruganday kılıştı.

⁷Paraon menen süylöşkön ubakta Musa seksen jaşta, al emi Arun seksen üç jaşta ele.

⁸Teŋir Musa menen Arunga mınday dedi:

⁹«Egerde paraon silerge: “Keremet körsötkülö”, – dese, sen Arunga: “Tayagıŋdı alıp, paraondun aldına taşta”, – dep ayt. Al jılanga aylanat».

¹⁰Musa menen Arun paraongo kelip, Teŋir buyruganday kılıştı. Arun tayagın paraondun jana anın kuldarının aldına taştaganda, al jılanga aylandı.

¹¹Oşondo paraon daanışmandar menen sıykırçılardı çakırdı. Misirdin sıykırçıları da özdörünün sıykırları menen oşondoy kılıştı.

¹²Ar biri öz tayagın taştaganda, alar da jılanga aylandı, birok Arundun tayagı alardın tayaktarın jutup aldı.

¹³Teŋir aytkanday, paraondun jürögü katuulanıp, alardı ukpay koydu.

¹⁴Oşondo Teŋir Musaga: «Paraondun jürögü taştay katıdı, al eldi koё bergisi kelbey jatat.

¹⁵Erteŋ menen paraongo bar, al suuga çıgat, sen anı darıyanın jeeginen tosup tur. Jılanga aylangan tayagıŋdı koluŋa alıp al.

¹⁶Anan aga mınday de: “Ebereylerdin Kuday-Teŋiri meni saga mınday dep ayttıruu üçün jiberdi: «Menin elimdi koё ber, alar çölgö barıp, Maga iybadat kılışsın». Birok sen uşul küngö çeyin ukpay keldiŋ.

¹⁷Teŋir mınday deyt: «Menin Teŋir ekenimdi sen mından bilesiŋ». Men azır kolumdagı mına bul tayak menen darıyadagı suunu çabam, al kanga aylanat.

¹⁸Darıyadagı balıktar kırılat, darıya sasıyt, misirlikter jiyirkenip, andan suu içe albay kalışat”».

¹⁹Teŋir Musaga mınday dedi: «Arunga mınday dep ayt: “Tayagıŋdı alıp, koluŋdu Misirdin suularına: darıyalarına, agın suularına, köldörünö, suu saktagıçtarına sun, oşondo alar kanga aylanat. Bütkül Misir jeri kan bolot, jıgaç, taş idişterinin içindegi suular da kanga aylanat”».

²⁰Musa menen Arun Teŋir buyruganday kılıştı. Arun tayagın kötörüp, paraondun jana anın kuldarının köz aldında darıyadagı suunu çaptı, darıyadagı suu kanga aylandı.

²¹Oşondo darıyadagı balıktar kırılıp, darıya sasıp ketkendikten, misirlikter darıyadan suu içe albay kalıştı. Oşentip, bütkül Misir jeri kan boldu.

²²Misirdin sıykırçıları da özdörünün sıykırları menen oşondoy kılıştı. Teŋir aytkanday, paraondun jürögü katuulanıp, alardı ukpay koydu.

²³Paraon burulup, üyünö ketip kaldı. Aga bul da taasir etken jok.

²⁴İçkenge suu tabış üçün, büt misirlikter darıyanın tegeregin kaza baştaştı, antkeni alar darıyadagı suudan içe albay kalışkan ele.

²⁵Teŋir darıyanı kanga aylantkandan kiyin, jeti kün öttü.