Read NT LS 2005 – Инжил ЛС (2005 Çıguu 9 Bible Online

Çıguu 9 - NT LS 2005 – Инжил ЛС (2005 bible

Çıguu 9

¹Oşondo Teŋir Musaga mınday dedi: «Paraongo barıp, ebereylerdin Kuday-Teŋiri mınday deyt de: “Menin elimdi koё ber, al Maga iybadat kılsın.

²Egerde sen anı koё bergiŋ kelbey, dagı karmay turgan bolsoŋ,

³anda Teŋir Öz kolun talaadagı bardık malıŋa, jılkılarıŋa, eşekteriŋe, töölörüŋö, ögüzdörüŋö jana koyloruŋa karşı sunat: alarga ötö oor juguştuu ooru jiberet.

⁴Birok Teŋir Israyıldın malın Misirdin malınan bölüp koёt. Israyıl uuldarının malınan biröö da ölböyt”».

⁵Teŋir ubakıttı belgilep: «Munu Teŋir erteŋ uşul jerde jasayt», – dedi.

⁶Teŋir munu ertesi künü jasadı, oşondo Misirdin bardık malı kırılıp kaldı, birok Israyıl uuldarının malınan biröö da ölgön jok.

⁷Paraon bilip kelgenge kişi jiberse, ısrayıldıktardın malınan biröö da ölböptür. Birok paraondun jürögü katuulanıp, eldi koё berbey koydu.

⁸Oşondo Teŋir Musa menen Arunga mınday dedi: «Meşten bir uuçtan kül algıla. Musa anı paraondun köz aldında asmanga çaçsın.

⁹Oşondo bütkül Misir jerin çaŋ kaptap, bütkül Misir jerindegi adamdar menen malga iriŋdüü jara çıgat».

¹⁰Alar meşten kül uuçtap alıp, paraondun aldına kelişti. Musa anı asmanga çaçtı, oşondo adamdar menen malga iriŋdüü jara çıktı.

¹¹Sıykırçılar jaradan ulam Musanın aldında turuştuk bere alışpadı, antkeni jara sıykırçılarga jana büt misirlikterge çıkkan ele.

¹²Birok Teŋir paraondun jürögün katuulantıp koygonduktan, Teŋir Musaga aytkanday ele, paraon alardı ukkan jok.

¹³Oşondo Teŋir Musaga mınday dedi: «Erteŋ erte turup, paraondun aldına barıp, aga mınday de: Ebereylerdin Kuday-Teŋiri mınday deyt: “Menin elimdi koё ber, al Maga iybadat kılsın.

¹⁴Antkeni bul jolu Men seni, kuldarıŋdı jana eliŋdi katuu jazalaym, oşondo sen büt jer üstündö Maga teŋdeş eç kim jok ekenin bilesiŋ.

¹⁵Egerde Men kolumdu sunsam, anda sen eliŋ menen koşo juguştuu oorudan kırılmaksıŋ, jer betinen jok bolmoksuŋ.

¹⁶Birok saga Özümdün küçümdü körsötüş üçün, Menin ısımım büt jer jüzündö belgilüü boluş üçün, Men saga tiygen jokmun.

¹⁷Sen Menin elimdi koё bergiŋ kelbey, dagı ele karşı bolup jatasıŋ.

¹⁸Men erteŋ tak uşul ubakta Misir negizdelgen kündön tartıp azırkıga çeyin bolup körbögön ötö katuu möndür jaadıram.

¹⁹Oşonduktan malıŋdı jana talaada emneŋ bolso, oşonun baarın çogultkanı kişi jiber, al emi üygö kelbey, talaada kalgan adamdarıŋ da, malıŋ da möndürdön kırılat”».

²⁰Paraondun kuldarının içinen Teŋirdin sözünön korkkondoru şaşılış barıp, talaadagı kuldarı menen malın üylörünö alıp kelişti.

²¹Al emi Teŋirdin sözünö köŋül burbagandarı kuldarı menen malın talaaga kaltırıştı.

²²Oşondo Teŋir Musaga: «Koluŋdu asmanga kötör, bütkül Misir jerine, eline, malına jana Misir jerindegi bardık ösümdüktörgö möndür tüşöt», – dedi.

²³Musa tayagın asmanga kötördü. Oşondo Teŋir kün kürkürötüp, möndür jaadırdı, jer betin ot kaptadı. Oşentip, Teŋir Misir jerine möndür jaadırdı.

²⁴Möndür menen koşo ot da jaadı, möndür abdan katuu boldu. Misirde el oturuktaşkandan beri mınday bolgon emes.

²⁵Oşentip, möndür bütkül Misir jerin talkaladı, talaada emne bolso, oşonun baarın: adamdardı, maldardı kırıp, ösümdüktördü, bak-daraktardı talkalap ketti.

²⁶Israyıl uuldarı jaşagan Goşen jerine gana möndür jaagan jok.

²⁷Oşondo paraon Musa menen Arundu kişi jiberip çakırtıp alıp: «Bul jolu men künöö kıldım, Teŋir adilettüü, men jana menin elim bolso ayıptuu.

²⁸Teŋirge sıyıngılaçı, Kudaydın kün kürküröösü menen möndürü basılsın. Oşondo men silerdi koё berem, mından arı karmabaym», – dedi.

²⁹Musa aga: «Men şaardan çıgarım menen Teŋirge kolumdu sunam. Kündün kürkürögönü da, möndür da basılat, oşondo sen jer Teŋirdiki ekenin bilesiŋ.

³⁰Birok men sen da, kuldarıŋ da dagı ele Kuday-Teŋirden korkporuŋardı bilem», – dedi.

³¹Zıgır menen arpanı da möndür talkalap ketti, antkeni arpa baş alıp, zıgır güldöp kalgan ele.

³²Al emi buuday menen kayrak buudaydı möndür talkalagan jok, antkeni alar keç sebilgen ele.

³³Musa paraondon çıgıp, şaardan uzagandan kiyin, Teŋirge kolun sundu. Oşondo kündün kürkürögönü da, möndür da, jerge kuygan jamgır da basıldı.

³⁴Paraon jamgırdın da, möndürdün da, kündün kürkürögönü da basılganın körgöndö, künöö kılganın ulanttı, al özü da, anın kuldarı da jüröktörün katuulantıştı.

³⁵Teŋir Musa arkıluu aytkanday, paraondun jürögü katuulanıp, Israyıl uuldarın koё berbey koydu.