Read NT LS 2005 – Инжил ЛС (2005 Ayub 15 Bible Online

Ayub 15 - NT LS 2005 – Инжил ЛС (2005 bible

Ayub 15

¹Teymandık Elipaz mınday dep joop berdi:

²«Akılman maŋızı jok bilim menen joop bermek bele? Kardın ısık jelge tolturmak bele?

³Paydasız sözdör menen, küçü jok kep menen aktanmak bele?

⁴Kudaydan korkkondu da unuttuŋ, Kudayga süylögöndü da oŋoy körüp jatasıŋ.

⁵Künööŋ oozuŋdu uşunçalık küülögön eken, sen amalköy adamdardın tilin tandap aldıŋ.

⁶Seni men emes, öz oozuŋ ayıptap jatat, öz tiliŋ özüŋö karşı süylöp jatat.

⁷Sen emne, birinçi adam bolup tuulduŋ bele? Adırlardan murda jaraldıŋ bele?

⁸Sen emne, Kudaydın keŋeşin ugup, akılmandıkka ee bolup kaldıŋ bele?

⁹Biz bilbegendi sen bilesiŋbi? Biz tüşünbögöndü sen tüşünösüŋbü?

¹⁰Arabızda ataŋan da uluu, ak sakalduu da, karı da bar.

¹¹Saga Kudaydın soorotuusu azdık kılabı? Sen uşunu da bilbeysiŋbi?

¹²Jürögüŋ seni kayda eeliktirip jatat, emnege mınçalık tekeber karaysıŋ?

¹³Emnege Kudayga karşı ruhuŋdu bagıttaysıŋ? Mınday sözdördü kantip oozuŋa aldıŋ?

¹⁴Taza bolguday, adam kim? Ayaldan törölgön adil bolmok bele?

¹⁵Al Öz ıyıktarına da işene albayt, Anın aldında asman da taza emes.

¹⁶Adiletsizdikti suuday içken adam andan beter taza emes, ıpılas.

¹⁷Men süylöyün, sen kulak sal. Körgönümdü saga aytıp bereyin.

¹⁸Akılmandar atalarınan ukkandarın jaşırışkan emes.

¹⁹Jer alarga gana berilgen, alardın arasında bölök-bötön elder bolgon emes.

²⁰Mıyzamsız ömür boyu özün özü kıynap ötöt, zulumga ömür jıldarı jaşıruun.

²¹Anın kulagına üröy uçurgan dabıştar ugulat. Beykapar jaşap jatkanda, aga kıyratuuçu kelet.

²²Karaŋgılıktan kutularına işenbeyt. Özün kılıç kütüp turganın bilet.

²³Bir sındırım nan üçün anın kıdırbagan jeri kalbayt. Özü üçün karaŋgılıktın künü dayardalganın bilet.

²⁴Jokçuluk menen kısımçılık anın jürögünün üşün alıp, anı soguşka kamdangan padışaday basıp alat.

²⁵Antkeni al Kudayga karşı kol sunup, kudurettüü Kudayga karşı çıktı.

²⁶Kalıŋ kalkanın alıp, kekireyip, Aga karşı bet aldı.

²⁷Antkeni anın betin may bastı, sandarı joonoydu.

²⁸Al bülüngön şaarlardı, urap tüşörünö az kalgan een üylördü turak kılat.

²⁹Al bay bolboyt, anın mal-mülkü tura berbeyt, tapkanı jer jüzünö tarabayt.

³⁰Karaŋgılıktan kaçıp kutulbayt. Anın köçöttörün jalın jalmayt, anı Özünün oozunun jeli menen alıp ketet.

³¹Adaşkan adam kurulay ubarakerçilikke tayanbay ele koysun, antkeni anın şıbagası da kurulay ubarakerçilik bolot.

³²Al mezgilsiz ölöt, anın butagı kögörböyt.

³³Al jüzüm sabagı sıyaktuu, bışpagan mömösün silkip salat, zaytun daragı sıyaktuu, gülün küüp salat.

³⁴Kudaysızdardın üyü uşintip kıyrayt, parakordun üyün ört jalmayt.

³⁵Anın boyuna kıyanattık bütüp, jalgandık törödü, kursagı aldamçılık dayardayt».