Read NT LS 2005 – Инжил ЛС (2005 Ayub 16 Bible Online

Ayub 16 - NT LS 2005 – Инжил ЛС (2005 bible

Ayub 16

¹Ayub mınday dep joop berdi:

²«Men mındaydın dalayın ukkam. Baarıŋar eç nersege jarabagan soorotuuçusuŋar.

³Maanisiz sözüŋördün ayagı bolobu? Uşintip joop berüüŋö emne türtkü boldu?

⁴Egerde siler menin ordumda bolsoŋor, men da silerdey ele süylömökmün. Silerge karşı söz jaadırıp, başımdı çaykap turmakmın.

⁵Silerdi sözüm menen kubattap, oozumdun kıbıroosu menen soorotor elem.

⁶Aytkan menen azabım azaybayt, unçukpay koysom da, andan arılbaym.

⁷Birok azır Al meni alsıratıp büttü. “Sen menin büt üy-bülömdü kıyrattıŋ.

⁸Maga karşı kübö katarı betime bırış tüşürdüŋ. Menin jabırkaganım özümö karşı çıgıp, meni taymanbay jemelep jatat”.

⁹Anın kaarı kıynap, meni menen kastaşıp jatat. Maga tişterin kıçıratıp jatat. Duşmanım menden tikireygen közün albayt.

¹⁰Maga azuusun araanday açıştı, meni şıldıŋdap, jaakka çapkılap jatışat: baarı maga karşı süylöşüp alışkan.

¹¹Kuday meni mıyzamsızdardın koluna salıp berdi, kara niet adamdardın koluna ırgıttı.

¹²Men tınç jaşap jatkam, birok Al meni silkildetti. Jelkemen karmap urdu, Özünö buta kılıp koydu.

¹³Anın jaaçıları meni kurçap alıştı. Al kardımdı jardı, ayagan jok, ötümdü jerge töktü.

¹⁴Meni kayra-kayra teşkilep jatat, meni közdöy jookerdey atırılıp kele jatat.

¹⁵Deneme zumbal kiyip, başıma topurak jazdandım.

¹⁶Iydan betim kızardı, kabagımda – ölüm sölökötü.

¹⁷Oşondoy bolso da eç kimge zorduk körsötkön jokmun, sıyınuum da taza.

¹⁸Oo jer! Menin kanımdı jaşıra körbö, menin muŋ-zarıma orun bolbosun.

¹⁹Azır menin Küböm asmanda, menin Korgooçum jogoruda!

²⁰Köp süylögön dostorum! Köz jaşım Kudayga tögülüp jatat.

²¹Oo, adam balası öz jakını menen talaşıp-tartışkanday, Kuday menen talaşıp-tartışa alsa kana!

²²Antkeni menin körör künüm büttü, kelbes saparıma ketkeni turam.