Read NT LS 2005 – Инжил ЛС (2005 Ayub 2 Bible Online

Ayub 2 - NT LS 2005 – Инжил ЛС (2005 bible

Ayub 2

¹Bir künü Kudaydın uuldarı Teŋirdin aldında turuş üçün kelişti, alar menen koşo şaytan da keldi.

²Oşondo Teŋir şaytandan: «Sen kaydan keldiŋ?» – dep suradı. Şaytan Teŋirge: «Men büt jer jüzün aralap, aylanıp çıktım», – dep joop berdi.

³Teŋir şaytanga: «Sen Menin kulum Ayubga köŋül burduŋbu? Antkeni jer jüzündö anday adam jok. Al – kemçiliksiz, adilettüü, Kudaydan korkkon, jamandıktan alıs jürgön adam. Al uşuga çeyin özünün kemçiliksizdiginde bek turat. Sen bolso anı jazıksız jerden öltürüş üçün, Meni aga karşı tukurduŋ», – dep ayttı.

⁴Şaytan Teŋirge mınday dep joop berdi: «Teri üçün teri, adam öz janı üçün kolunda emne bolso, oşonun bardıgın beret.

⁵Birok Sen anın denesi menen söögünö koluŋdu tiygizip körçü, al Seni daŋktar beken?»

⁶Oşondo Teŋir şaytanga: «Mına, al senin koluŋda, birok anın janına tiybe», – dep ayttı.

⁷Oşentip, şaytan Teŋirdin aldınan ketip, Ayubdun tamanınan töbösünö çeyin ötö oor pes oorusun kaptattı.

⁸Al denesindegi pes oorusun kırıp salış üçün, karapa sınıgın alıp, külgö oturdu.

⁹Oşondo aga ayalı: «Sen dagı ele özüŋdün kemçiliksizdigiŋde bek turasıŋbı? Kudayga akarat keltir da, öl», – dedi.

¹⁰Birok al ayalına: «Sen akılsız ayalday süylöp jatasıŋ. Kudaydan biz jakşılıktı kabıl alıp, jamandıktı kabıl albay koёbuzbu?» – dedi. Uşunun baarına karabay, Ayub tili menen künöögö batkan jok.

¹¹Ayubdun üç dosu: teymandık Elipaz, şuhtuk Bildat jana naamalık Sopar anın başına tüşkön bul kıyınçılıktardın baarın ugup, ar biri öz jerinen kelişti. Alar anın kaygısın bölüşüş üçün, anı soorotuş üçün çoguluştu.

¹²Alar Ayubdu alıstan körgöndö, taanışkan jok. Jakındaganda ökürüp-bakırıp, bozdop ıylaştı, ar biri öz kiyimin ayrıp, başınan öydö topurak çaçıştı.

¹³Alar jeti kün, jeti tün anı menen birge jerde oturuştu. Eç kimisi bir ooz söz süylögön jok, antkeni anın kaygısı ötö oor ekenin körüştü.