Read NT LS 2005 – Инжил ЛС (2005 Ayub 20 Bible Online

Ayub 20 - NT LS 2005 – Инжил ЛС (2005 bible

Ayub 20

¹Naamalık Sopar mınday dep joop berdi:

²«Özümdün oylorum meni joop berüügö türtüp jatat, oşonduktan men anı bildirüügö şaşılam.

³Meni ıza kılgan jemeni uktum, men üçün akıl-esim joop beret.

⁴Sen emne, bayırtadan beri, adam balası jer betine koyulgandan beri emne bolgonun bilbeysiŋbi?

⁵Mıyzamsızdardın şattıgı ubaktıluu ekenin, eki jüzdüünün kubanıçı köz irmem ekenin bilbeysiŋbi?

⁶Anın darajası asmanga jetse da, töbösü buluttarga tiyse da,

⁷özünün zaŋına okşop, al tübölükkö jogolot. Anı körgöndör: “Al kayda?” – deşet.

⁸Körgön tüştöy közdön kayım bolot, anı tappay kalışat. Al tünkü körünüştöy jogolot.

⁹Anı körgön köz anı ekinçi körböyt, al oturgan orun anı bilbey kalat.

¹⁰Anın uuldarı jakırlardan kayır surap kalat, al uurdagandarın öz kolu menen kayrıp beret.

¹¹Anın sööktörü jaştıktın küçünö tolgon, birok al anı menen birge topurakka jatat.

¹²Egerde kıyanattık anın oozunda balday tattuu bolso, al anı tilinin astında jaşırıp tursa,

¹³anı saktap jürsö, taştap salbay, oozunda karmap jürsö,

¹⁴anda anın uşul tamagı içinde uuluu jılandın uusuna aylanat.

¹⁵Al jutup algan baylıgın kayra kusat. Kuday anı anın kursagınan çıgarat.

¹⁶Al jılandın uusun sorup jatat, anı uuluu jılandın tili öltüröt.

¹⁷Al bal menen süt akkan özöndördü, darıyalardı körböy ötöt.

¹⁸Tapkanın kaytarıp beret, jutpayt. Anın algan jazası da baylıgına jaraşa bolot, kubanbayt.

¹⁹Antkeni al jakırlardı ezgen, kuru kol koё bergen, özü kurbagan üylördü tartıp algan.

²⁰Kursagı toygonun bilbegen, aç közdügünön eç nerseni ayagan emes.

²¹Anın sorgoktugunan eç nerse kaçıp kutulgan emes. Oşon üçün anın baktısı turuktuu emes.

²²Aşıp-taşıgan molçuluk bolup tursa da, al kıstalışta kalat. Iza bolgon ar kim aga kol kötöröt.

²³Al kursagın tolturgandan kiyin, Kuday aga Özünün kaarın çaçat da, anın denesine dart jaadırat.

²⁴Al temir kuraldan kaçıp kutulsa, anı jez jebe teşip ötöt.

²⁵Jebeni suurup alayın dese, al denesin teşip çıgat, jark etip, ötün teşip çıgat. Anı ölüm korkunuçu basıp kalat!

²⁶Bardık karaŋgı nerseler anın içinde jaşırılgan. Anı eç kim tutantpagan ot jalmayt. Anın çatırında tirüü kalganın da kırsık basat.

²⁷Anın mıyzamsızdıgın asman açat, jer aga karşı çıgat.

²⁸Anın üyünö jıyganı jok bolot, Kudaydın kaarı kelgen künü bardıgı agıp jok bolot.

²⁹Mıyzamsız kişige Kuday bergen ülüş uşul, kudurettüü Kuday bölüp bergen muras uşul».