Read NT LS 2005 – Инжил ЛС (2005 Ayub 22 Bible Online

Ayub 22 - NT LS 2005 – Инжил ЛС (2005 bible

Ayub 22

¹Teymandık Elipaz mınday dep joop berdi:

²«Adam Kudayga payda keltire almak bele? Akılduu özünö payda keltiret.

³Senin adil bolgonuŋdan kudurettüü Kuday kanday ırahat almak ele? Öz joluŋdu taza saktaganıŋdan Aga kanday payda?

⁴Al senden korkup ketip, seni menen talaşıp-tartışmak bele? Seni menen sottoşmok bele?

⁵Çın ele, senin kıyanattıgıŋ çoŋ bolso kerek, senin mıyzamsızdıgıŋa çek jok bolso kerek.

⁶Çın ele, sen eç nerse berbey turup, bir tuugandarıŋdan küröö alsaŋ kerek, aç-jılaŋaçtardın kiyimin sıyrıp alsaŋ kerek.

⁷Suusaganga suu berbeseŋ kerek, açkaga nan berbeseŋ kerek.

⁸Al emi alduu-küçtüügö jer berseŋ kerek, al jerge mansabı çoŋ kişi oturuktaşsa kerek.

⁹Jesirlerdi eç nerse berbey ketirseŋ kerek, jetimderdi kuru kol kaltırsaŋ kerek.

¹⁰Oşon üçün tuş tarabıŋa tuzak koyuldu, seni kütülbögön korkunuç bastı.

¹¹Je bolboso közgö saysa körüngüs karaŋgılık kaptadı, taşkındagan sel astında kaldıŋ.

¹²Kuday asmandan da jogoruda emespi! Tee biyiktegi jıldızdardı karaçı, alar kançalık biyik!

¹³Sen bolso: “Kuday emneni bilet? Al karaŋgılıktan bizdi körüp, sottoy almak bele?

¹⁴Bulut – Anın pardası, oşonduktan Al eç nerse körböyt, asman meykindiginde gana jüröt”, – deysiŋ.

¹⁵Sen, çın ele, bayırkılardın jolun joldop jürsöŋ kerek. Al jol menen mıyzamsız adamdar jürüşkön,

¹⁶alardın negizinin astın suu kaptaganda, alar mezgilsiz kırılışkan.

¹⁷Alar Kudayga: “Bizden oolak bol” – deşken. Alar: “Kudurettüü Kuday bizge emne kıla almak ele?” – deşken.

¹⁸Birok alardın üylörün Al mal-mülkkö tolturdu. Birok mıyzamsızdardın keŋeşi menden alıs bolsun!

¹⁹Adilder körüp kubanıştı, takıbaa adam alarga:

²⁰“Duşmanıbız kırıldı, alardan emne kalsa, oşonu ot jalmadı”, – dep küldü.

²¹Kudayga jakında, Anı menen eldeş, uşul arkıluu saga jakşılık kelet.

²²Anın oozunan çıkkan mıyzamdı kabıl al, Anın sözdörün kökürögüŋö tüyüp al.

²³Egerde kudurettüü Kudayga kayrılsaŋ, anda kayra kalıbıŋa kelesiŋ, üyüŋdü mıyzamsızdıktan arıltasıŋ.

²⁴Altın sen üçün topuraktay, Opir altındarı suudagı taştarday bolup kalat.

²⁵Kudurettüü Kuday senin altınıŋ jana jarkıragan kümüşüŋ bolot.

²⁶Oşondo sen kudurettüü Kudaydan kubanıç alasıŋ, Kudayga başıŋdı kötörösüŋ.

²⁷Sıyınasıŋ, ünüŋdü ugat, sen da öz ubadalarıŋdı orundatasıŋ.

²⁸Bir nerseni niet kılasıŋ, al nietiŋ işke aşat, joluŋa jarık çaçırayt.

²⁹Kimdir biröö kemsintilgende, sen: “Jogoru kötörülüü”, – deysiŋ. Oşondo Al köŋülü çökköndü kutkarat.

³⁰Al ayıptuu adamdı da kutkarat. Al adam senin koluŋdun tazalıgı menen kutkarılat».