Read NT LS 2005 – Инжил ЛС (2005 Ayub 24 Bible Online

Ayub 24 - NT LS 2005 – Инжил ЛС (2005 bible

Ayub 24

¹Emne üçün mezgilder kudurettüü Kudaydan jaşırılgan emes? Emne üçün anı bilgender Anın kündörün körüşpöyt?

²Mıyzamsızdar jer çekterin jıldırıp, jayılgan maldardı aydap ketip, öz jayıttarında jayıp jürüşöt.

³Jetimdin eşegin tartıp alıp, jesirdin ögüzün küröögö alışat.

⁴Jakırlardı joldon türtüp ketişet, alardan jerdegi korduk körgöndördün baarı jaşırınuuga majbur.

⁵Mına, alar çöldögü japayı eşekterdey, jem tabış üçün erteŋ menen erte turup, öz işterine çıgışat! Talaa alarga da, alardın baldarına da azık beret.

⁶Alar özdörünün emes, başkalardın talaalarınan egin oruşat, mıyzamsızdın jüzümün jıynaşat.

⁷Jılaŋaçtar suukta jamınçısız, kiyimsiz tünöşöt.

⁸Toolordogu jamgırdan suu boluşat, baş paana tappay, askalardın jarakalarına korgoloşot.

⁹Jetimdi emçekten ajıratışat, jakırdan küröö alışat.

¹⁰Kiyimsiz, jılaŋaç jürüügö majbur kılışat, açkalarga maşak berişet.

¹¹Dubaldardın ortosunda zaytun mayın sıgışat, jüzüm sıgıluuçu jayda jüzüm tebeleşet, birok suusap jürüşöt.

¹²Şaarda adamdar ontop jatışat, öltürülgön adamdardın janı jardam surap bakırıp jatat, birok Kuday mınday mıyzamsızdıkka tıyuu salbayt.

¹³Alardın arasında jarıktın duşmandarı bar, alar Kudaydın jolun bilişpeyt, Anın jolu menen jürüşpöyt.

¹⁴Adam öltürüüçü taŋ ata elekte turup, jardı menen kayırçını öltüröt, al emi tün kirgende uuruluk kılat.

¹⁵Buzulgan adam küügümdü kütüp: “Meni eç kim körböyt”, – dep, betin jaap alat.

¹⁶Kündüz belgilep koygon üygö tün içinde astınan kazıp kirişet. Alar jarıktı bilişpeyt.

¹⁷Alar üçün taŋ – ölüm kölökösü, sebebi alar ölüm kölökösünün korkunuçun bilişet.

¹⁸Al suu üstündö jeŋil, anın jerdegi ülüşü kargışka kalgan, al jüzümzarga ketken jolgo karabayt.

¹⁹Kurgakçılık menen ısık aptap kar suuların jutup turat. Ölgöndör jatkan jay da künöökörlördü oşondoy jutup turat.

²⁰Anı enenin jatını unutsun. Anı kurt tamşanıp jesin. Anın atı jer üstünön öçsün. Mıyzamsız adam jıgaçtay sınsın.

²¹Al töröbögön balasız ayaldı kordogon, jesir ayalga jakşılık kılgan emes.

²²Al küçtüülördü da öz küçü menen özünö tartat. Al ordunan turganda, eç kim tirüü kalarına közü jetpey kalat.

²³Al aga koopsuz boluşu üçün bardıgın beret, al oşogo tayanat. Anın közdörü alardın baskan jolun körüp turat.

²⁴Alar jogoru kötörülüşöt, anan jok boluşat. Alar bardık adamdarday ele kulaşat, anan ölüşöt, maşaktay bolup oruluşat.

²⁵Egerde mınday emes bolso, jalgan ayttı dep, meni kim aşkereleyt jana kim menin sözümdü jokko çıgarat?»