Read NT LS 2005 – Инжил ЛС (2005 Ayub 29 Bible Online

Ayub 29 - NT LS 2005 – Инжил ЛС (2005 bible

Ayub 29

¹Ayub maanilüü sözdörün ulantıp, mınday dedi:

²«Oo, men murunku aylardagıday bolsom kana! Kuday meni saktap jürgön kündördögüdöy bolsom kana!

³Anın çıraktanı menin üstümdö küyüp turçu, karaŋgıda men Anın jarıgı menen jürçümün.

⁴Jaş çagımda, Kudaydın ırayımı menin çatırıma tiyip turganda, men kanday elem!

⁵Kudurettüü Kuday meni menen ele, baldarım tegeregimde bolçu!

⁶Joldoruma süt tögülüp turçu, askalar men üçün zaytun mayın çıgarıp turçu.

⁷Şaar darbazasının aldına çıkkanımda, ayantka oturguçumdu koygonumda,

⁸jigitter meni körüp, jaşınıp kalışçu, karılar ordunan turup, turup turuşçu.

⁹Törölör sözün toktotup, koldoru menen oozdorun jabışar ele.

¹⁰Ataktuulardın ünü basılıp, tilderi taŋdayına jabışıp kalar ele.

¹¹Meni ukkan kulak meni urmattap turar ele, meni körgön köz meni daŋktap turar ele.

¹²Antkeni men jardam suragan jakırdı da, karay turgan kişisi jok jetimdi da saktap kalçumun.

¹³Maga ölüp bara jatkandın batası tiyçü, jesir ayaldın jürögünö kubanıç berçümün.

¹⁴Men adilettiktin kiyimin kiyip jürçümün, kalıstıktı çapan jana baş kiyim katarı kiyip jürçümün.

¹⁵Men sokurga köz, aksakka but bolçumun.

¹⁶Kayırçılarga ata bolçumun. Özüm bilbegen adamdın talaş-tartış maselesin kıldattık menen çeçip turçumun.

¹⁷Mıyzamsızdın jaagın talkalap turçumun, uurdagandarın tişterinen suurup alıp turçumun.

¹⁸Men mınday dep aytçumun: “Öz uyamda ölöm, jaşoo kündörüm kumday köp bolot.

¹⁹Tamırım suuga jetet, butaktarıma şüüdürüm tünöyt.

²⁰Atak-daŋkım karıbayt, kolumdagı jaa bek turat”.

²¹Maga kulak salıp turuşçu, kütüp turuşçu, akıl aytkanımda unçuguşçu emes.

²²Men süylögöndön kiyin, alar süylöşçü emes, menin sözdörüm alardın kulaktarına kuyulçu.

²³Meni jamgırdı kütköndöy kütüşçü, oozdorun keç jaagan jamgırga açkansıp açıp turuşçu.

²⁴Alarga jılmayıp koysom, körgön közdörünö işenişçü emes. Alar menin jüzümdögü jarıktı öçürüşçü emes.

²⁵Men alarga jol körsötüp turçumun, alardın başında oturçumun, jookerlerdin arasındagı padışaday jaşaçumun, ıylagandardın köŋülün jubatkan soorotuuçuday bolçumun.