Read NT LS 2005 – Инжил ЛС (2005 Ayub 30 Bible Online

Ayub 30 - NT LS 2005 – Инжил ЛС (2005 bible

Ayub 30

¹Azır bolso meni özümdön kiçüülör şıldıŋ kılıp jatışat, men alardın ataların koylorumdu kaytargan itterimdin janına da jatkırganga makul bolboyt elem.

²Alardın küçtüü kolunun maga emne keregi bar? Alardın ubagı ötüp ketken.

³Jakırçılık menen açarçılıktan alsıragandar tünörgön, een kalgan, suusuz talaada kaŋgıp jürüşöt.

⁴Tikenektin tübünön mayda çöp terip jeşet, tikenektüü badaldın mömösü – alardın tamagı.

⁵Alardı el içinen kubalap, uuruga kıykırganday kıykırışat.

⁶Oşonduktan alarga say-saydın jarlarında, kapçıgay boorlorunda, aska-zoolordun koŋuldarında jaşoogo tuura kelet.

⁷Alar tikenektin arasında ıylaşat, badaldın tübünö korgoloşot.

⁸Alar – çetke kagılgan adamdar, atsız-narksız adamdar, jer jüzünün taştandıları!

⁹Azır men oşolordun ırdar ırı boldum, oozunan tüşpögön sözü boldum.

¹⁰Alar meni jek körüşöt, menden kaçışat, menin betime tükürüüdön tartınışpayt.

¹¹Teŋir menin jaamdın jibin üzüp, meni talkaladı, oşon üçün alar menin köz aldımda özdörünün oozdorundagı oozduktu alıp salıştı.

¹²Bul jer jaynagan el menin oŋ kaptalıman çıgıp, meni buttan çalıp jatat, özdörünün kıyratuuçu joldorun meni közdöy burup jatışat.

¹³Menin jolumdu bolso buzuştu, jardamçısız ele menin ölümüm üçün bardıgın kamdoogo ülgürüştü.

¹⁴Alar maga çoŋ teşikten tüşkönsüp tüşüp kelişti, çuru-çuu menen maga kol salıştı.

¹⁵Ötö jaman korkunuçtar maga bet aldı. Menin kadır-barkım şamalday uçup ketti, bak-taalayım buluttay tarap ketti.

¹⁶Azır bolso içimdegi janım kıynalıp jatat: meni kaygıluu kündör kurçadı.

¹⁷Tünküsün say-söögüm sızdayt, taramıştarımdın tınçı ketti.

¹⁸Istümdögü kiyimim ötö kıyınçılık menen çeçilet, köynögümdün jakası kısıp turat.

¹⁹Al meni ılayga taştadı, men kül menen topurakka okşop kaldım.

²⁰“Men Senden jardam surap jatam, birok Sen maga joop berbeysiŋ, Senin aldıŋda turam, birok Sen maga köŋül burbaysıŋ.

²¹Sen maga ırayımsız bolup kaldıŋ, kubattuu koluŋ menen maga karşı çıgıp jatasıŋ.

²²Sen meni kötörüp, katuu şamal menen koşo uçurup jatasıŋ, boroon menen kötörüp çaap jatasıŋ.

²³Oşonduktan men bilem, Sen meni ölümgö duuşar kılıp, bardık jaşooçular çogula turgan jayga alıp barasıŋ”.

²⁴Urandılardın astında kalgan adam jardam surap kolun sunbay koymok bele? Başına kırsık tüşkön adam kıykırbay koymok bele?

²⁵Men başına müşkül tüşköndördü körgöndö, ıylagan jok belem? Jardılardı körgöndö, janım kıynalgan jok bele?

²⁶Men jakşılıktı eŋsep turganda, jamandık keldi, jarıktı kütüp turganda, karaŋgılık keldi.

²⁷Menin içim kaynap jatat, basılbayt, men kaygıluu küngö tuş keldim.

²⁸Men kapkara bolup basıp jüröm, birok bul kündön emes. El arasında turup, jardam surap kıykırıp jatam.

²⁹Men çöölördün bir tuuganı bolup kaldım, töö kuştardın dosu bolup kaldım.

³⁰Menin terim kararıp ketti, sööktörüm ısıktan kuykalandı.

³¹Liramdın ünü kaygıluu çıgıp kaldı, sıbızgımdın ünü ıyga okşop kaldı.