Read NT LS 2005 – Инжил ЛС (2005 Ayub 31 Bible Online

Ayub 31 - NT LS 2005 – Инжил ЛС (2005 bible

Ayub 31

¹Kızdı karabaym dep, közüm menen kelişim tüzgöm.

²Maga jogorudan, Kudaydan kanday ülüş tiymek ele? Asmandan, kudurettüü Kudaydan kanday muras berilmek ele?

³Ölüm mıyzamsızdar üçün emespi, kırsık kıyanattık kılgandardın başına tüşpöybü?

⁴Kuday menin joldorumdu körgön jok bele? Menin baskan kadamımdı eseptegen jok bele?

⁵Egerde men jalgan joldo jürgön bolsom, egerde menin buttarım amalköylükkö şaşkan bolso,

⁶anda meni çındıktın tarazasına tartışsın, oşondo Kuday menin ayıpsızdıgımdı bilet.

⁷Egerde menin butum joldon burulgan bolso, jürögüm közümdü eerçip jürgön bolso, egerde taza emes bir nerse koluma jabışıp kalgan bolso,

⁸anda men sepkendi başka biröö jesin jana men öndürgön nerse tamırınan julunsun.

⁹Egerde menin jürögüm ayalga azgırılsa, jakınımdın eşiginin aldına tuzak koygon bolsom,

¹⁰anda menin ayalım başka biröönün jargılçagın tartsın, anı başka biröölör maskara kılışsın.

¹¹Antkeni bul – oynoştuk, bul – sotko tartıla turgan künöö.

¹²Bul – menin büt mal-mülkümdü tüp-tamırı menen jok kılıp sala turgan jalmap saluuçu ot.

¹³Kulum menen küŋüm maga karşı çıkkanda, alardın ukuktarın tootpoy koygon bolsom,

¹⁴anda Kuday maga karşı çıgar ele, oşondo men emne kılar elem? Al menin işimdi tergey baştasa, men Aga emne dep joop bere alar elem?

¹⁵Meni da, anı da enenin kursagında jaratkan Özü emespi, bizdi enenin kursagında jasagan Özü emespi?

¹⁶Jakırlardın suraganın berbey koydum bele? Jesirdin közün jaldırattım bele?

¹⁷Bir üzüm nandı jalgız jedim bele? Andan jetim da jegen jok bele?

¹⁸Antkeni al bala kününön beri menikinde atasınıkında jaşaganday jaşadı, enemdin kursagınan çıkkandan beri men jesirge köz salıp keldim.

¹⁹Men kiyimi jok ölüp bara jatkandı, jamınçısı jok jardını körgöndö,

²⁰al maga çın jüröktön batasın berbey koydu bele? Al menin koylorumdun jününö jılıngan jok bele?

²¹Darbaza aldında maga jardam berişse da, jetimge kol kötörsöm,

²²anda menin iyinim dalımdan bölünüp tüşüp kalsın, kolum çıkanagımdan sınıp tüşsün.

²³Antkeni Kudaydın jazası men üçün ötö korkunuçtuu. Anın uluulugunun aldında men turuştuk bere almak emesmin.

²⁴Men altınga tayandım bele? Baylıkka: “Menin ümütüm sensiŋ!” – dep ayttım bele?

²⁵Baylıgımdın aşıp-taşıganına, kolumdun köp tapkanına kubandım bele?

²⁶Kündün jarkırap tiyip turganın karap turup, aydın söölöttüü kalkıp baratkanın karap turup,

²⁷jürögüm jaşıruun azgırıldı bele, oozum koldorumdu öptü bele?

²⁸Anda bul da sotko tartıla turgan kılmış bolmok, antkeni men kudurettüü Kudaydan baş tartkan bolor elem.

²⁹Men duşmanımdın kıyraganına kubandım bele? Anın başına tün tüşköndö, saltanat kurdum bele?

³⁰Oozumdun anı kargap künöögö batuusuna jol bergen emesmin.

³¹Menin çatırımdagı kişiler: “Oo, anın etinen jegenderden eç kim toyboy kalgan emes!” – deşken jok bele?

³²Bötön jerden kelgen kişi köçödö tünögön emes. Jolooçuga eşigimdi açıp berçümün.

³³Egerde men adam katarı künöölörümdü jaşırıp koygon bolsom, mıyzamsız işterimdi kökürögümö katıp koygon bolsom,

³⁴anda men çoŋ jamaattan korkor elem, uruk-tuugandarımdın jek körüüsü üröyümdü uçurar ele, men ooz açpas elem, bosogodon sırtka çıkpas elem.

³⁵Oo, meni kimdir biröö uksa kana! Menin kaaloom mınday: kudurettüü Kuday maga joop berse eken, menin korgooçum bulardı kitepke jazıp koyso eken.

³⁶Men anı iyinime kötörüp jürör elem, başıma gül taajıday kiyip alar elem.

³⁷Baskan kadamımdın sanın aga kabarlar elem, aga törögö jakındaganday jakındar elem.

³⁸Egerde jerim menin üstümön arızdanıp ıylagan bolso, anın borozdoru menin üstümön dattangan bolso,

³⁹egerde men anın tüşümün akısız jegen bolsom, dıykandardın jaşoosun kıyınçılıkka salgan bolsom,

⁴⁰anda buuday orduna töö tikenek, arpa orduna karamık össün». Oşentip, Ayubdun sözü büttü.