Read NT LS 2005 – Инжил ЛС (2005 Ayub 33 Bible Online

Ayub 33 - NT LS 2005 – Инжил ЛС (2005 bible

Ayub 33

¹Oşonduktan, Ayub, menin sözdörümö kulak sal, menin bardık sözdörümdü uk.

²Mına, men oozumdu açıp jatam, menin tilim kömököyümdö süylöp jatat.

³Menin sözdörüm taza jüröktön çıgat, oozum taza bilimdi süylöyt.

⁴Meni Kudaydın Ruhu jaratkan, maga kudurettüü Kudaydın demi jan bergen.

⁵Egerde joop bere alsaŋ, joop ber, dayardan, menin aldımda süylö.

⁶Kudaydın aldında men da sendeymin, men da saga okşop topuraktan jaratılgam.

⁷Oşonduktan menden korkup tınçıŋ ketpesin, menin kolum sen üçün oor bolbosun.

⁸Sen menin kulagıma süylödüŋ, men senin süylögön ünüŋdü uktum.

⁹Sen: “Men tazamın, kemçiligim jok, künöölüü emesmin, mende jalgançılık jok.

¹⁰Birok Kuday menden ayıp taptı, meni Özünün duşmanı dep esepteyt.

¹¹Menin buttarımdı közönök jıgaçka salıp, menin bardık joldorumdu karap turat”, – dediŋ.

¹²Senin uşintip aytkanıŋ tuura emes, men saga munu dalildep berem, antkeni Kuday adamdan jogoru.

¹³Emne üçün sen Anı menen aytışıp jatasıŋ? Al Özünün işterinin birinin da esep-kısabın berbeyt.

¹⁴Kuday bir jolu aytat, egerde anı baykabay kalışsa, ekinçi jolu:

¹⁵tüşündö, tünkü körünüştö, adamdardın baarı uktap jatkanda, töşögündö ürgülöp jatkanda aytat.

¹⁶Oşol uçurda Al adamdın kulagın açıp, Özünün nasaatın kuyat.

¹⁷Adamdı kandaydır bir jaman işten burup ketiş üçün jana anın tekeberligin jok kılış üçün,

¹⁸anın janın tuŋguyuktan saktaş üçün jana anın ömürün kılıçtan ölüüdön saktaş üçün oşentet.

¹⁹Je bolboso al ooru arkıluu, say-söögün sızdatkan ooru arkıluu töşöktö jatıp esine kelet.

²⁰Anın nanga köŋülü çappay kalat, janı jaktırgan tamaktı jeerip kalat.

²¹Eti kaçat, körünbögön sööktörü körünüp, orkoyup çıgat.

²²Anın janı körgö, ömürü ölümgö jakındayt.

²³Egerde anın adamga tüz jol körsötüüçü, miŋdegen periştelerdin biri bolgon nasaatçı periştesi bar bolso,

²⁴Kuday aga boor oorup: “Anı kördön kutkar, Men anın janı üçün tölönüüçü kun taptım”, – deyt.

²⁵Oşondo anın denesi jaş kezindegiden da jaş bolup kalat. Al özünün jaş çagına kayrılıp kelet.

²⁶Kudayga sıyına turgan bolso, Al aga ırayım kılat. Al anın jüzünö kubanıç menen karayt. Adamga adildigin kayra beret.

²⁷Oşondo al adamdarga karap, mınday dep aytat: “Men künöögö batıp, çındıktı burmalagam, birok jazalangan emesmin.

²⁸Al menin janımdı kördön kutkardı, oşonduktan menin ömürüm jarıktı körüp jatat”.

²⁹Kuday adamga uşunun baarın eki-üç jolu kılat.

³⁰Anın janın kördön alıp kalış üçün jana tirüülördün jarıgı menen jarık kılış üçün, uşunday kılat.

³¹Köŋül bur, Ayub. Uk meni, ündöbö, men süylöyün!

³²Eger aytar joobuŋ bolso ayt, süylö, antkeni men senin aktanışıŋdı kaalar elem.

³³Eger jok deseŋ, anda meni uk, unçukpa, men seni akılmandıkka üyrötöm».