Read NT LS 2005 – Инжил ЛС (2005 Ayub 34 Bible Online

Ayub 34 - NT LS 2005 – Инжил ЛС (2005 bible

Ayub 34

¹Eliyu sözün mınday dep ulanttı:

²«Ukkula, akılmandar, menin sözümdü! Akıl-estüülör, maga kulak salgıla!

³Antkeni taŋday tamaktın daamın kanday ayırmalasa, kulak sözdü oşondoy ayırmalayt.

⁴Oy-pikiribizdi ortogo salıp, emne jakşı ekenin bileli.

⁵Antkeni Ayub mınday dedi: “Meniki tuura, birok Kuday meni ukuktan ajırattı.

⁶Menin adildigimdi tögüngö çıgardı. Jazıksız algan jaraatım ayıkkıs”.

⁷Şıldıŋdı suuday içip jatkan Ayubday adam barbı?

⁸Al mıyzamsız işterdi jasagandardın uyumuna kirip, mıyzamsız adamdar menen jüröt.

⁹Antkeni al mınday dep ayttı: “Kudayga jakşı işter menen jagınuudan adamga payda jok”.

¹⁰Oşonduktan meni ukkula, akılduu adamdar! Kudayda kalp boluşu mümkün emes, kudurettüü Kudayda adiletsizdik bolboyt.

¹¹Antkeni Al özünün işterine jaraşa kılat, ar bir adamga joldoruna jaraşa beret.

¹²Çındıgında, Kuday jalgan nerse jasabayt, kudurettüü Kuday sottu burmalabayt.

¹³Jer jüzün Aga kim tapşırdı? Bütkül aalamdı Aga kim başkartıp koydu?

¹⁴Egerde Al Öz jürögün Özünö karatıp, ruhu menen demin Özünö ala turgan bolso,

¹⁵anda bardık tirüü jandar oşol zamat ölüp kalışmak, adam topurakka aylanmak.

¹⁶Oşentip, egerde sende akıl bolso, anda buga kulak sal, menin sözdörümdü köŋül koyup uk.

¹⁷Çındıktı jek körgön adam biylik kıla alabı? Bardıgınan Adilettüünü sen ayıptay alasıŋbı?

¹⁸Padışaga: “Sen adiletsizsiŋ”, – dep, törölörgö: “Siler mıyzamsızsıŋar”, – dep aytuuga bolobu?

¹⁹Birok Al törölördün jüzünö karabayt, baydı kedeyden artık körböyt, antkeni baarı Anın kolunan çıkkan.

²⁰Alar kütülbögön jerden ölüşöt, el tün içinde dürbölöŋgö tüşöt, oşentip, alar jok boluşat. Küçtüülördü kuup çıgışat, birok kol menen emes.

²¹Antkeni Anın közdörü adamdın joldorunda, Al adamdın bardık kadamdarın körüp turat.

²²Mıyzamsız işterdi kılgandar jaşına turgan karaŋgı jer jok, ölüm kölökösü da jok.

²³Oşonduktan Kudayga adamdın işin iliktep oturuunun zarıldıgı jok.

²⁴Al küçtüülördü izildebey ele jok kılat da, alardın orduna başkalardı koёt.

²⁵Antkeni alardın işterin Al açıkka çıgarat da, alardı tün içinde kıyratat, oşentip, alar tukum kurut boluşat.

²⁶Kuday alardı mıyzamsız kişiler katarı başkalardın köz aldında kıyratat.

²⁷Antkeni alar Andan baş tartıştı, Anın bardık joldorun tüşüngülörü kelgen jok.

²⁸Oşonduktan jakırlardın zar-muŋu Kudayga jetti, Al ezilgenderdin ontogonun uktu.

²⁹Egerde Al tınçtık tartuulasa, kim buza alat? Egerde Al Öz jüzün jaşırsa, kim Anı körö alat? Eldi da, adamdı da Al közömöldöp turat.

³⁰Eldi azgırgan eki jüzdüü adam padışaçılık kılbasın dep, köz salıp turat.

³¹Kudayga mınday dep aytuu kerek: “Men öz jazamdı aldım, emi künöö kılbaym.

³²Al emi men bilbegendi Sen üyröt. Egerde men mıyzamsız iş kılsam, mından arı antpeym”.

³³Al saga senin kaalooŋ boyunça berişi kerekpi? Kabıl albay jatkandan kiyin, men emes, özüŋ tandap alışıŋ kerek. Emne bilseŋ, oşonu ayt.

³⁴Akılduu adamdar jana sözümdü ukkan daanışman maga mınday dep aytışat:

³⁵“Ayub akılsız süylöp jatat, anın sözdörünün maanisi jok”.

³⁶Ayubdun mıyzamsız adamdarga okşop joop bergen joobuna jaraşa tolugu menen sınoodon ötüşün kaalar elem.

³⁷Bolboso al öz künöösünö Kudaydan çegingendigin koşup alat, arabızda alakan çaap, Kudayga mından da köp akarat keltiret».