Read NT LS 2005 – Инжил ЛС (2005 Ayub 36 Bible Online

Ayub 36 - NT LS 2005 – Инжил ЛС (2005 bible

Ayub 36

¹Eliyu sözün mınday dep ulanttı:

²«Bir az çıday tur, Kudaydın atınan dagı ayta turgan sözüm bar ekenin men saga körsötöyün.

³Men pikirimdi alıstan baştaym, Jaratkanımdın adilettüülügün dalildep berem.

⁴Antkeni, çınında ele, menin sözdörüm jalgan emes. Senin aldıŋda bilimi jetkileŋ biröö turat.

⁵Mına, Kuday kudurettüü, Al jürögü taza adamdı çetke kakpayt!

⁶Al mıyzamsızdardı koldoboyt, ezilgenderge tieşelüüsün beret.

⁷Al adilderden közün albayt, alardı padışalardın tagına oturguzat, alardı jogorulatat.

⁸Egerde alar çınjır menen kişendelip, kırsıktın kişenderinde karmalıp turuşsa,

⁹anda Al alardın işterin özdörünö körsötöt, alardın mıyzamsızdıgı köböyüp ketkenin özdörünö körsötöt.

¹⁰Eskertiş üçün, alardın kulaktarın açat, alarga: “Mıyzamsız işterden baş tartkıla”, – deyt.

¹¹Egerde til alıp, Aga kızmat kılışsa, anda öz kündörün jırgalçılıkta, öz jıldarın şattıkta ötkörüşöt.

¹²Egerde til alışpasa, anda jaa jebesinen ölüşöt, akıldan ajırap ölüşöt.

¹³Birok eki jüzdüülör jürögünö kaar toptoyt, Kuday alardı kişendep salganda, Aga kayrılışpayt.

¹⁴Oşonduktan alardın janı jaş çagında ölöt, ömürlörü buzulgandar menen ötöt.

¹⁵Al jakırdı başına tüşkön kırsıktan kutkarat, ezilip jatkanda, anın kulagın açat.

¹⁶Al seni da tar jerden kısımçılık jok, keŋ jerge alıp çıgat ele, dastorkonuŋ mayga tolot ele.

¹⁷Birok sen mıyzamsızdardın tüşünüktörünö jık tolgonsuŋ: tüşünük menen ayıptoo saga jakın.

¹⁸Kudaydın kaarı seni jazalap, öltürüp koybosun! Seni çoŋ kun kutkarbayt.

¹⁹Al senin baylıgıŋdı baalamak bele? Jok! Altınıŋdı da, baylıgıŋdı da baalabayt.

²⁰Elder özdörünün turgan jerinde kırılıp jatkan oşol tündü tilebe.

²¹Saktan, mıyzamsızdıkka barba, antkeni sen azap tartkandı mıyzamsızdık kılgandan artık kördüŋ.

²²Kuday Özünün kudureti menen biyik, Anday nasaatçı barbı?

²³Kim Aga Anın jolun körsötöt? “Sen adiletsiz iş kılıp jatasıŋ”, – dep, Aga kim ayta alat?

²⁴Adamdar körüp turgan Anın işterin daŋazaloonu unutpa.

²⁵Anın işterin ar bir adam körö alat, adam alardı alıstan baykay alat.

²⁶Mına, Kuday uluu, oşonduktan biz Anı taanıp bile albaybız; Anın jıldarının sanı izildengis.

²⁷Al suu tamçıların çogultat, alar köp bolgondo, jamgır bolup tögülöt.

²⁸Jamgır buluttardan tamçılayt, adamdarga mol tögülöt.

²⁹Oşondoy ele buluttardın jayılışın, Anın çatırının kürkürögönün kim tüşünö alat?

³⁰Azır alardın üstünö Al Öz jarıgın çaçıratıp, deŋiz tübün jaap jatat.

³¹Al jaktan Al elderdi başkarıp, tamak-aştı mol berip jatat.

³²Al çagılgandı Öz koldoruna jaşırıp, aga kimdi uruunu buyruyt.

³³Anın kürküröösü Özü jönündö bildiret, janıbarlar da emne bolup jatkanın sezişet.