Read NT LS 2005 – Инжил ЛС (2005 Ayub 38 Bible Online

Ayub 38 - NT LS 2005 – Инжил ЛС (2005 bible

Ayub 38

¹Teŋir boroondun içinen Ayubga mınday dep joop berdi:

²«Maanisi jok sözdörü menen Kudaydın çeçimin karaŋgılatkan bul kim?

³Erkektey bolup beliŋdi buu, Men senden surayın, sen Maga tüşündürüp ber!

⁴Men jerdin negizin jaratkanda, sen kayda eleŋ? Ayt, eger bilseŋ.

⁵Anın kölömün kim çektedi? Ayt, eger bilseŋ. Anı kim jip menen çenep çıktı?

⁶Anın negizi emnenin üstünö ornotulgan? Je bolboso anın burçka koyuluuçu taşın kim koygon?

⁷Taŋkı jıldızdardın kubanıçtuu ırının koştoosunda Kudaydın bardık uuldarı kubanıçtan kıykırıp turganda, sen kayda eleŋ?

⁸Deŋiz enenin kursagınan çıkkansıp çıkkanda, anı darbaza menen kim tostu?

⁹Men aga buluttu kiyim kılıp, munarıktı jalayak kılıp bergende, sen kayda eleŋ?

¹⁰Men aga çek koyup, darbaza, kulpu salıp:

¹¹“Uşuga çeyin jetesiŋ, andan arı ötpöysüŋ, tekeberdüü tolkunuŋdun çegi uşul jer bolot”, – dep aytkanda, sen kayda eleŋ?

¹²Sen öz ömürüŋdö taŋga buyruk berdiŋ bele? Taŋ nuruna öz ordun körsöttüŋ bele?

¹³Sen aga tögöröktün tört burçun nurga bölö dediŋ bele? Jer jüzünön mıyzamsızdardı silkip sal dediŋ bele?

¹⁴Çopo möördün astında özgörülgöndöy, jer da özgörülüp, türdüü tüstögü kiyimdey bolup kalsın dediŋ bele?

¹⁵Mıyzamsızdardın çıragı öçsün dediŋ bele? Alardın suuk koldoru sınsın dediŋ bele?

¹⁶Sen deŋizdin tereŋine tüştüŋ bele? Tüpkürdün tübün izildegeni tüştüŋ bele?

¹⁷Sen üçün ölüm darbazası açıldı bele? Ölüm kölökösünün darbazasın kördüŋ bele?

¹⁸Jerdin keŋdigin karap çıktıŋ bele? Egerde uşulardın bardıgın bilseŋ, tüşündürüp ber.

¹⁹Jarık jaşagan jerge barçu jol kayda? Karaŋgının turgan jeri kayda?

²⁰Anın çegine jetkeniŋ çın, anın üyünö alıp baruuçu joldu bileriŋ çın.

²¹Sen munu bilesiŋ, antkeni sen oşol kezde ele törölgönsüŋ, sen jaşagan kündördün sanı ötö köp.

²²Sen kar saktagıç kampaga kirdiŋ bele? Möndürlör saktalgan kazınanı kördüŋ bele?

²³Men alardı alaamat kündörgö, salgılaş menen kan maydan kündörünö saktap turam.

²⁴Jarık kaysı jol menen jayılat? Çıgış şamalı jer üstünön kaysı jol menen ötöt?

²⁵Suulardın nugun kim burup turat, çartıldagan çagılgandın jolun kim salıp turat?

²⁶El jaşabagan jerlerge, adam jaşabagan erme çöldörgö kim jamgır jaadırıp jatat?

²⁷Çöldör menen talaalardın suusunun kim kandırıp jatat? Kim çöptördün tamırın jibitip, ösköngö türtkü berip jatat?

²⁸Jamgırdın atası barbı? Je şüüdürümdün tamçıların kim jaratıp jatat?

²⁹Muz kimdin kursagınan çıgat, asman bubagın kim jaratıp jatat?

³⁰Suular taştay bolup katat, tüpsüzdüktün üstü toŋot.

³¹Sen Kim top jıldızının tüyünün baylay alasıŋbı, Kesil top jıldızının tüyünün çeçe alasıŋbı?

³²Top jıldızdı öz maalında çıgara alasıŋbı? Aştı baldarı menen alıp jürö alasıŋbı?

³³Asmandın mıyzamdarın bilesiŋbi, jer jüzünö anın biyligin ornoto alasıŋbı?

³⁴Suu mol bolup, seni kaptaş üçün, buluttarga ünüŋdü kötörö alasıŋbı?

³⁵Çagılgandardı jibere alasıŋbı? Alar saga kelip: “Biz mına”, – dep aytışmak bele?

³⁶Jürökkö akılmandıktı kim saldı, je bolboso akılga maanini kim berdi?

³⁷Kim öz akılı menen buluttardı sanap çıga alat? Kim asman idişterindegi suulardı toktoto alat?

³⁸Topurak çılaga aylanıp, çoŋ kesekter biri-birine jabışıp jatkanda, alardı kim toktoto alat?

³⁹Urgaaçı arstandın tamagın sen taap berip jatasıŋbı? Arstandın baldarın sen toyguzup jatasıŋbı?

⁴⁰Alar çeende jatkanda je kölökölüü bukturmada jem aŋdıp oturganda, tamagın sen kamdap berip jatasıŋbı?

⁴¹Balapandarı tamak tappay kaŋgıp, Kudayga kayrılıp çıypıldap jatkanda, kargalardın jemin kim dayardap berip jatat?