Read NT LS 2005 – Инжил ЛС (2005 Ayub 5 Bible Online

Ayub 5 - NT LS 2005 – Инжил ЛС (2005 bible

Ayub 5

¹Egerde saga joop bere turgan biröö bolso, anda çakır. Iyıktardın kimisine kayrılasıŋ?

²Oşentip, akılsızdı kaarduulugu öltüröt, esi joktu tutalangıçtıgı öltüröt.

³Men akılsızdın kantip tamır jayganın kördüm. Oşol zamat anın üyün kargadım.

⁴Anın baldarı bakıttan alıs, alardı darbazanın aldında urup-soguşat, alarga boluşar eç kim bolboyt.

⁵Anın tüşümün açka adam jeyt, al anı tikenektin arasında öskön jerinen da jıynap alat, anın mal-mülkün suusagandar jutup alışat.

⁶Oşonduktan kaygı topuraktan çıkpayt, müşkül jerden ösüp çıkpayt.

⁷Birok adam biyikke uçkan uçkun sıyaktuu azapka tuulat.

⁸Birok men Kudayga kayrılar elem, işimdi Kudayga tapşırar elem,

⁹Al izildegis, sansız köp, ukmuştuu, uluu işterdi jaratıp jatat.

¹⁰Al jer üstünö jamgır beret, talaaga suulardı jayat.

¹¹Kemsintilgenderdi jogoru kötöröt, kaygı tartkandar kutkarılat.

¹²Al jüzü karalardın aram oylorun buzup salat, oşonduktan alar iygilikke jete alışpayt.

¹³Al akılmandardı özdörünün ele amalı menen karmayt, mitayımdardın oyloru işke aşpayt.

¹⁴Kündüz alar karaŋgıga tuş boluşat, çak tüştö tündögüdöy sıypalap basışat.

¹⁵Al jakırdı kılıçtan, alardın oozunan jana küçtüünün kolunan kutkarat.

¹⁶Oşonduktan jakırdın ümütü bar, jalgan öz oozun jabat.

¹⁷Kuday esine keltirgen adam baktıluu, oşonduktan kudurettüü Kudaydın jazasın çetke kakpa!

¹⁸Antkeni Al Özü jaradar kılat da, Özü jarattı taŋat. Al urup jaradar kılat da, kayra ele Öz kolu menen darılayt.

¹⁹Al seni altı kaygıdan kutkarat, jetinçisinde saga jamandık joloboyt.

²⁰Al açarçılıkta seni ajaldan alıp kalat, maydanda kılıçtan kutkarat.

²¹Kamçıday tiygen tilden jaşınıp kalasıŋ, kıyroo kelgende, korkpoysuŋ.

²²Kıyroo jana açarçılık kelgende, külösüŋ, jer üstündögü jırtkıçtardan üröyüŋ uçpayt,

²³antkeni sen talaadagı taştar menen tınçtıktasıŋ, talaadagı jırtkıçtar menen ıntımaktasıŋ.

²⁴Oşondo öz çatırıŋ koopsuz ekenin bilip, öz üyüŋö köz salıp, künöögö batpay jaşaysıŋ.

²⁵Öz uruguŋdun san jetpey köböygönün, öz tukumuŋdun jer üstündögü çöptöy öskönün körösüŋ.

²⁶Buuday booloru öz maalında jıyılganday, sen da körgö karılıkka jetip kiresiŋ.

²⁷Biz uşulardın baarın izildesek, uşunday eken. Munu sen da ugup, kökürögüŋö tüyüp al».