Read NT LS 2005 – Инжил ЛС (2005 Ayub 7 Bible Online

Ayub 7 - NT LS 2005 – Инжил ЛС (2005 bible

Ayub 7

¹Adamdın jerdegi jaşoo möönötü belgilengen emespi? Anın kündörü jalçının kündöründöy ele emespi?

²Kul kölökönü eŋsegendey, jalçı jumuşunun bütüşün kütköndöy,

³menin ençime tüyşüktüü aylar tiydi, maga kaygıluu tündör eseptelip berildi.

⁴Jatarımda: “Kaçan taŋ atat?” – deym, birok tün sozula beret, men taŋ atkıça kıynalıp oodarıla berem.

⁵Denemdi kurt kaptap, karttanıp, terilerim jarılıp, iriŋdep jatat.

⁶Menin kündörüm çıgırıktan tez aylanıp, ümütsüz ötüp jatat.

⁷Menin ömürüm jel ekenin, közdörüm kayra jakşılık körböstügün esiŋden çıgarba.

⁸Meni körgön köz emi meni körböyt. Sen meni bir karaganda ele men jok bolom.

⁹Bulut suyulup, tarap ketet. Oşondoy ele ölgöndördün jayına tüşkön adam kayra çıkpayt,

¹⁰al öz üyünö kaytıp kelbeyt, anın turgan jeri anı bilbey kalat.

¹¹Men tilimdi oşonduktan tıybaym: ruhum kıynalganınan ulam süylöp jatam, jan-düynöm jabır tartkanınan ulam dattanıp jatam.

¹²Sen maga sakçı koyguday, men deŋiz belem je deŋizde jaşagan korkunuçtuu janıbar belem?

¹³“Töşögüm soorotot, jatkan jerim kaygı-kapamdı taratat”, – dep oylop jatkanımda,

¹⁴Sen meni tüştör menen korkutasıŋ, körünüştör menen üröyümdü uçurasıŋ.

¹⁵Oşondo menin janım sööktörüm kalganga karaganda, dem aluumdun toktoşun, ölümdü artık köröt.

¹⁶Jaşoodon jadadım. Tübölük jaşamak belem. Meni öz jayıma koy, antkeni menin kündörüm kurulay ubarakerçilik.

¹⁷Sen uşunçalık baalagıday, köŋül burguday, adam balası kim?

¹⁸Aga ar taŋda kelip turasıŋ, köz irmem sayın anı sınap turasıŋ.

¹⁹Sen kaçan menden közüŋdü alasıŋ, kaçan koё beresiŋ, kaçan şilekeyimdi jutkanga mümkünçülük beresiŋ?

²⁰Egerde men künöö kılgan bolsom, adam küzötçüsü bolgon Saga emne kıla alam? Emne üçün Sen meni Özüŋö buta kılıp aldıŋ? Men özümö özüm jük bolup kaldım.

²¹Emne üçün menin künöömdü juup, mıyzamsız işterimdi keçirbeysiŋ? Antkeni men emi topurakka jatam. Erteŋ meni izdeysiŋ, birok men jok bolom».