Read NT LS 2005 – Инжил ЛС (2005 Zabur 103 Bible Online

Zabur 103 - NT LS 2005 – Инжил ЛС (2005 bible

Zabur 103

¹Menin janım, Teŋirdi daŋkta! Teŋirim, Kudayım! Sen ukmuştuuday uluusuŋ, Sen daŋk menen uluulukka çulgangansıŋ.

²Sen jarıktı çapanday kiesiŋ, asmandı çatırday jayasıŋ.

³Sen üstünkü bölmölörüŋdü suulardın üstünö kurgansıŋ, buluttardı Özüŋö araba kılasıŋ, şamaldın kanattarının üstündö jürösüŋ.

⁴Sen Öz perişteleriŋdi şamal, Öz kızmatçılarıŋdı jalındagan ot kılasıŋ.

⁵Sen jerdi bekem negizge ornottuŋ: al kılımdan kılımga bekem turat.

⁶Sen anın üstün tüpsüzdük menen jabuu japkanday japtıŋ. Toolorgo suulardı jaygaştırdıŋ.

⁷Senin katuu buyruguŋdan suular kaçtı, Senin kürkürögön ünüŋdön kaçkança şaşıştı.

⁸Alar Sen dayındagan toolorgo çıgışat, örööndörgö tüşüşöt.

⁹Sen alar ötö algıs çek koyduŋ, oşonduktan alar jerdi jabış üçün kayrılıp kelbeyt.

¹⁰Sen bulaktın suuların jiberdiŋ: alar too arasınan agıp jatışat,

¹¹alar talaadagı janıbarlardın baarın sugarat; japayı eşekter suusunun kandırıp jatışat.

¹²Alardın janında asman kuştarı jaşaşat, butaktardın arasınan ün salıp turuşat.

¹³Öz biyiktikteriŋden toolordu sugarıp turasıŋ, jer Senin işteriŋdin jemişine toёt.

¹⁴Sen mal üçün çöp östürösüŋ, adamdın paydası üçün ösümdük östürösüŋ, jerden azık öndürösüŋ.

¹⁵Adamdın jürögün kubandırgan şaraptı, adamdın jüzün jıltıratkan zaytun mayın, adamga kubat bergen nandı beresiŋ.

¹⁶Teŋir Özü oturguzgan Teŋirdin daraktarı, Lebanon kedrleri, sugarılat.

¹⁷Alardın üstünö kuştar uya salışat: karagaylar – ilegilekterdin turak jayı,

¹⁸biyik toolor – kiyikterdin jayı, askalar – suurlardın baş paanegi.

¹⁹Aydı Al ubakıttı bildirüü üçün jarattı, kün özünün kaçan batarın bilet.

²⁰Sen karaŋgılık kaptatasıŋ, oşondo tün bolot. Tün içinde büt tokoy janıbarları jortup jürüşöt.

²¹Arstandar jem izdep aykırışat, Kudaydan özdörünö tamak suraşat.

²²Kün çıkkanda alar çogulup, özdörünün üŋkürlörünö jatışat.

²³Adam özünün jumuşuna çıgıp, keçke çeyin işteyt.

²⁴Senin işteriŋ kanday köp, Teŋir! Sen baarın daanışmandık menen jasagansıŋ. Jer Sen jaratkan nerselerge tolgon.

²⁵Mına, çalkıgan uluu deŋiz. Andagı tirüü jandıktarga, çoŋ-kiçine janıbarlarga san jetpeyt.

²⁶Anda kemeler süzüp jüröt, anda Sen jaratkan lebiyatan oyun salıp jüröt.

²⁷Bardıgı Senin öz maalında tamak berüüŋdü kütüşöt.

²⁸Alarga berseŋ – jeşet, koluŋdu açsaŋ – berekeŋe toyuşat.

²⁹Jüzüŋdü jaşırsaŋ – dürbölöŋgö tüşüşöt, alardın janın alsaŋ – ölüp, kayra topurakka aylanışat.

³⁰Egerde Özüŋdün ruhuŋdu jiberseŋ – alar jaralışat. Oşentip, Sen jer betin kayradan jaŋırtasıŋ.

³¹Teŋir tübölükkö daŋktala bersin! Teŋir Öz işterin körüp kubansın!

³²Jerdi karasa, jer titireyt; toolorgo tiyse, toolor tütöyt.

³³Ömürüm ötkönçö, Teŋirdi daŋktap ırday berem; közüm tirüü turganda, Kudayımdı ırdap daŋktay berem.

³⁴Irdagan ırım Aga jaksın, Teŋir menen kubanam.

³⁵Künöökörlör jer üstünön jok boluşsun, mıyzamsızdar birotolo jok boluşsun. Menin janım, Teŋirdi daŋkta! Teŋirdi daŋktagıla!