Read NT LS 2005 – Инжил ЛС (2005 Zabur 113 Bible Online

Zabur 113 - NT LS 2005 – Инжил ЛС (2005 bible

Zabur 113

¹Israyıl eli Misirden, Jakıptın tukumu bölök elderdin arasınan çıkkan kezde,

²Jüyüt Teŋirdin ıyık eli bolup kaldı, Israyıl Anın ençisi bolup kaldı.

³Munu körüp, deŋiz artka kaçtı; İordan arttı közdöy aktı.

⁴Toolor koylordoy, adırlar kozularday sekirdi.

⁵Deŋiz, saga emne boldu, emnege artka kaçtıŋ? İordan, saga emne boldu, emnege arttı közdöy aktıŋ?

⁶Toolor, siler emne üçün koylordoy, adırlar, siler emne üçün kozularday sekirip jatasıŋar?

⁷Jer, Teŋirdin aldında, Jakıptın Kudayının aldında titire.

⁸Al askanı köldün suusuna, taştı bulakka aylandırat.

⁹Bizdi emes, Teŋir, bizdi emes, Öz ırayımıŋ üçün, Öz çındıgıŋ üçün Öz ısımıŋdı daŋkta!

¹⁰Butparastar: «Bulardın Kudayı kayda?» – dep aytışpasın.

¹¹Bizdin Kudayıbız asmanda; emneni kaalasa, oşonu kılat.

¹²Al emi tigilerdin jasalma kudayları – kümüş jana altın, adamdın kolu menen jasalgan nerseler.

¹³Alardın oozdoru bar, birok süylöböyt; alardın közdörü bar, birok körböyt.

¹⁴Alardın kulaktarı bar, birok ukpayt; alardın murundarı bar, birok jıt bilbeyt.

¹⁵Alardın koldoru bar, birok sezbeyt; alardın buttarı bar, birok basa albayt; alardın kömököyünön ün çıkpayt.

¹⁶Alardı jasagandar jana alardan ümüt kılgandardın baarı oşolorgo okşop kalışsın.

¹⁷Israyıl tukumu! Teŋirge tayan: Al bizdin jardam berüüçübüz jana kalkanıbız.

¹⁸Arundun tukumu! Teŋirge tayan: Al bizdin jardam berüüçübüz jana kalkanıbız.

¹⁹Teŋirden korkkondor! Teŋirge tayangıla: Al bizdin jardam berüüçübüz jana kalkanıbız.

²⁰Teŋir bizdi unutkan jok, bizge batasın berip jatat, Israyıldın tukumuna batasın berip jatat, Arundun tukumuna batasın berip jatat.

²¹Al Teŋirden korkkondorgo – çoŋdorgo da, kiçinelerge da batasın berip jatat.

²²Teŋir silerge da, silerdin baldarıŋarga da mından da köp batasın bersin.

²³Siler asman menen jerdi jaratkan Teŋirden bata algansıŋar.

²⁴Asman – Teŋirdin asmanı, al emi jerdi Al adam balasına bergen.

²⁵Teŋirdi ölgöndör, körgö kirgenderdin biri da daŋazalabayt.

²⁶Birok biz Teŋirdi azır jana tübölükkö daŋazalaybız.