Read NT LS 2005 – Инжил ЛС (2005 Zabur 118 Bible Online

Zabur 118 - NT LS 2005 – Инжил ЛС (2005 bible

Zabur 118

¹Tuura joldo jürgöndör, Teŋirdin mıyzamın saktagandar baktıluu.

²Anın mıyzamdarın saktagandar, Anı çın jürögü menen izdegender baktıluu.

³Alar mıyzamsız işterdi kılışpayt, Anın joldoru menen jürüşöt.

⁴Sen Özüŋdün buyruktarıŋdı bekem saktoonu osuyat kılgansıŋ.

⁵Oo, menin joldorum Senin mıyzamdarıŋdı atkaruuga bagıt alsa kana!

⁶Anda men Senin osuyattarıŋdı karap, uyat bolbos elem.

⁷Men Senin adilet mıyzamdarıŋdı üyrönüp, Seni taza jürögüm menen daŋktar elem.

⁸Senin körsötmölörüŋdü saktaym, meni taptakır taştap koybo.

⁹Jaş jigit öz jolun kantkende taza saktap jürö alat? Özün Senin sözüŋ boyunça saktaganda gana.

¹⁰Seni büt jürögüm menen izdeym, Özüŋdün osuyattarıŋdan çettep ketüümö jol berbe.

¹¹Senin aldıŋda künöö kılbaş üçün, men Senin sözüŋdü jürögümö katıp aldım.

¹²Teŋir, Saga daŋk! Maga Öz mıyzamdarıŋdı üyröt.

¹³Senin oozuŋdan çıkkan ökümdörüŋdün baarın öz oozum menen jar saldım.

¹⁴Men Senin osuyattarıŋdı atkarganda, ar kanday baylıkka kubangandarday kubanam.

¹⁵Senin osuyattarıŋ jönündö oylonom, Senin joldoruŋa nazar salam.

¹⁶Senin körsötmölörüŋ menen sooronom, Senin sözdörüŋdü esimden çıgarbaym.

¹⁷Senin sözdörüŋdü saktap jaşaşım üçün, Öz kuluŋa ırayımıŋdı körsöt.

¹⁸Senin mıyzamıŋdın keremetterin körüşüm üçün, menin közdörümdü aç.

¹⁹Men jer üstündö kelginmin, menden Özüŋdün osuyattarıŋdı jaşırba.

²⁰Ar ubakta Senin mıyzamdarıŋdı eŋsegendikten, janım kıynalıp büttü.

²¹Sen tekeberlerdi, kargış tiygenderdi, Özüŋdün osuyattarıŋdan baş tartkandardı moyun sundurduŋ.

²²Meni şıldıŋ menen korduktan kutkar, antkeni men Senin osuyattarıŋdı saktap jüröm.

²³Törölör oturup alıp, maga karşı süylöşüp jatışat. Senin kuluŋ bolso Senin mıyzamdarıŋ jönündö oylonup jatat.

²⁴Senin osuyattarıŋ menin sooronuçum, menin keŋeşçilerim.

²⁵Janım topurakka matırıldı, meni Özüŋdün sözüŋ menen tirilt.

²⁶Men öz joldorum jönündö aytıp berdim, Sen meni uktuŋ. Maga Özüŋdün mıyzamdarıŋdı üyröt.

²⁷Maga Özüŋdün buyruktarıŋdın jolun tüşünüügö akıl ber, oşondo men Senin keremetteriŋ jönündö oy jügürtöm.

²⁸Menin janım kaygıdan alsırap bara jatat, maga Özüŋdün sözüŋ menen küç ber.

²⁹Meni jalgan joldon alıstat, maga Öz mıyzamıŋdı ber.

³⁰Men çındık jolun tandap aldım, Senin mıyzamdarıŋdı özümdün aldıma koydum.

³¹Men Senin osuyattarıŋa jabıştım, Teŋir, meni uyatka kaltırba.

³²Sen menin jürögümdü kenen açkanda, men Senin osuyattarıŋdın joldoru menen jüröm.

³³Maga Öz mıyzamdarıŋdın jolun körsöt, Teŋir, oşondo men Senin mıyzamdarıŋdı ömürümdün ayagına çeyin saktaym.

³⁴Meni akılga keltir, oşondo men Senin mıyzamıŋdı saktaym, anı büt jürögüm menen atkaram.

³⁵Meni osuyattarıŋdın çıyır joluna sal, antkeni men oşol joldu kaalaym.

³⁶Menin jürögümdü dünüyökordukka emes, Özüŋdün osuyattarıŋa bur.

³⁷Kurulay ubarakerçilikten közümdü bur. Öz joluŋda jürüügö küç ber.

³⁸Senden korkuşu üçün, Öz kuluŋdun jürögündö Öz sözüŋdü bekemde.

³⁹Meni özüm korkup jatkan korduktan kutkar, antkeni Senin ökümdörüŋ jakşı.

⁴⁰Mına, Men Senin buyruktarıŋdı kaalap jatam, meni Öz çındıgıŋ menen tirilt.

⁴¹Teŋir, maga Özüŋdün ırayımıŋ, Özüŋdün sözüŋ boyunça kutkaruuŋ kelsin.

⁴²Oşondo men özümdü kordogongo joop bere alam, antkeni men Senin sözüŋö tayanam.

⁴³Çındık sözdörüŋdü menin oozumdan taptakır alıp salba, antkeni men Senin adilet ökümüŋdü kütüp jatam.

⁴⁴Senin mıyzamıŋdı dayıma, tübölükkö saktaym.

⁴⁵Erkin bolom, antkeni Senin buyruktarıŋdı izdedim.

⁴⁶Senin osuyattarıŋ tuuraluu padışalardın aldında aytam, uyalbaym.

⁴⁷Özüm süygön Senin osuyattarıŋ menen sooronom.

⁴⁸Koldorumdu özüm süygön Senin osuyattarıŋa sunam, Senin mıyzamdarıŋ jönündö oy jügürtöm.

⁴⁹Kuluŋa aytkan Öz sözüŋdü este, Sen oşol sözüŋ arkıluu maga ümüt bergensiŋ.

⁵⁰Al menin kıyınçılık uçurundagı sooronuçum, antkeni Senin sözüŋ meni tiriltet.

⁵¹Tekeberler meni abdan şıldıŋdaştı, birok men Senin mıyzamıŋdan çettegen jokmun.

⁵²Teŋir, men Senin bayırkı mıyzamdarıŋdı estep sooronom.

⁵³Senin mıyzamıŋdı taştap salgan kudaysızdardı körgöndö, üröyüm uçat.

⁵⁴Men jer kezgen jerlerde Senin mıyzamdarıŋ menin ırım boldu.

⁵⁵Teŋirim, tün içinde da Senin ısımıŋdı estedim, Senin mıyzamıŋdı saktadım.

⁵⁶Al meniki bolup kaldı, antkeni men Senin mıyzamdarıŋdı saktap jüröm.

⁵⁷«Teŋirim, Senin sözdörüŋdü atkaruu – menin ençim», – dep ayttım.

⁵⁸Men Saga çın jürögümdön: «Maga Öz sözüŋ boyunça ırayım kıl», – dep sıyıngam.

⁵⁹Öz joldorum jönündö oylonup, buttarımdı Senin osuyattarıŋa burdum.

⁶⁰Senin osuyattarıŋdı daroo atkaruuga aşıktım.

⁶¹Kudaysızdar maga tor jayıştı, birok men Senin osuyattarıŋdı unutkan jokmun.

⁶²Seni adilet ökümdörüŋ üçün daŋktoogo tün ortosunda turçumun.

⁶³Senden korkkondorgo, Senin buyruktarıŋdı atkargandarga şerikmin.

⁶⁴Jer beti Senin ırayımıŋa tolgon, Teŋirim. Maga Özüŋdün mıyzamdarıŋdı üyröt.

⁶⁵Teŋirim, Öz sözüŋ boyunça kuluŋa jakşılık kıldıŋ.

⁶⁶Meni tuura oy jügürtüügö üyröt, tuura tüşünük ber, antkeni men Senin osuyattarıŋa işenem.

⁶⁷Azap tartkanga çeyin, men adaşıp jürgöm, azır bolso Senin sözüŋdü saktap jüröm.

⁶⁸Sen jakşısıŋ, jakşılık kılasıŋ, maga Özüŋdün mıyzamdarıŋdı üyröt.

⁶⁹Tekeberler men jönündö jalgan uşak taratıp jatışat, men bolso Senin buyruktarıŋdı çın jürögümdön atkaram.

⁷⁰Alardın jürögün may bastı, men bolso Senin mıyzamıŋ menen sooronom.

⁷¹Senin mıyzamdarıŋdı üyrönüş üçün, azap tartkanım jakşı boldu.

⁷²Senin oozuŋdan çıkkan mıyzam men üçün miŋdegen altından da, kümüştön da artık.

⁷³Meni Senin koldoruŋ jarattı, meni Senin koldoruŋ jasadı. Maga akıl ber, oşondo men Senin osuyattarıŋdı üyrönöm.

⁷⁴Senden korkkondor Senin sözüŋö tayanganımdı körüp kubanışat.

⁷⁵Teŋir, Senin ökümdörüŋ adilet ekenin, meni adilettik menen jazalaganıŋdı bilem.

⁷⁶Senin ırayımıŋ Öz kuluŋa aytkan sözüŋ boyunça menin sooronuçum bolso eken.

⁷⁷Maga boor oorusaŋ eken, oşondo men jaşaym, antkeni Senin mıyzamıŋ menin sooronuçum.

⁷⁸Tekeberler uyatka kalışsın, antkeni alar meni ak jerden kıynap jatışat. Men bolso Senin buyruktarıŋ jönündö oylonup jatam.

⁷⁹Senden korkkondor, Senin osuyattarıŋdı bilgender maga kayrılışsın.

⁸⁰Uyatka kalbaşım üçün, jürögüm Senin mıyzamdarıŋ boyunça taza bolsun.

⁸¹Senin kutkaruuŋdu kütö berip, janım alsırap baratat. Birok Senin sözüŋö tayanam.

⁸²Senin sözüŋdü kütö berip, közüm talıdı. «Meni kaçan soorotosuŋ?» – deym.

⁸³Men ıştalgan çanaçtay bolup kaldım, birok Senin mıyzamdarıŋdı unutkan jokmun.

⁸⁴Kuluŋ dagı kança kün kütsün? Meni kuuguntuktagandardı kaçan jazalaysıŋ?

⁸⁵Senin mıyzamıŋa karşı tekeberler maga or kazıştı.

⁸⁶Senin osuyattarıŋdın baarı – çındık. Meni ak jerden kuuguntuktap jatışat, maga jardam ber.

⁸⁷Alar meni jer üstünön jok kılıp koё jazdaştı, birok men Senin buyruktarıŋdı unutkan jokmun.

⁸⁸Meni Özüŋdün ırayımıŋ menen tirilt, oşondo men Senin oozuŋdan çıkkan buyruktardı atkaram.

⁸⁹Teŋirim, Senin sözüŋ asmanda tübölükkö ornogon.

⁹⁰Sen tübölükkö işenimdüüsüŋ. Jerdi Sen ornottuŋ, al oşon üçün turat.

⁹¹Bardıgı uşul ubakka çeyin Senin mıyzamdarıŋ boyunça turat, antkeni baarı Saga kızmat kılat.

⁹²Senin mıyzamıŋ maga sooronuç bolbogondo, men kaygıdan ölüp kalmakmın.

⁹³Senin buyruktarıŋdı tübölükkö unutpaym, antkeni Sen meni oşolor arkıluu tirilttiŋ.

⁹⁴Men Senikimin, meni kutkar, antkeni men Senin buyruktarıŋdı izdedim.

⁹⁵Kudaysızdar meni öltürüş üçün, aŋdıp jürüşöt. Men bolso Senin osuyattarıŋa köŋül koёm.

⁹⁶Men ar kanday jetkileŋdiktin çegin kördüm, birok Senin osuyatıŋdın çegi jok.

⁹⁷Men Senin mıyzamıŋdı kanday jakşı köröm! Künü boyu oşol jönündö oylonom.

⁹⁸Öz osuyatıŋ menen Sen meni duşmandarımdan akılduu kıldıŋ, antkeni al dayıma meni menen.

⁹⁹Ustattarımdın baarınan akılduu bolup kaldım, antkeni men Senin osuyattarıŋ jönündö oylonom.

¹⁰⁰Karıyalarga karaganda köptü bilip kaldım, antkeni men Senin buyruktarıŋdı atkarıp jüröm.

¹⁰¹Senin sözüŋdü saktaş üçün, buttarımdı ar kanday jaman joldordon saktaym.

¹⁰²Senin mıyzamdarıŋdan çettebeym, antkeni Sen meni üyrötüp jatasıŋ.

¹⁰³Senin sözdörüŋ menin taŋdayımda kanday tattuu! Alar menin oozumda baldan da tattuu.

¹⁰⁴Men Senin buyruktarıŋ arkıluu akılıma kelgem, oşonduktan ar kanday jalgan joldu jek köröm.

¹⁰⁵Senin sözüŋ – butuma şam, joluma jarık.

¹⁰⁶Men Senin adilet mıyzamdarıŋdı saktoonu ubada kılgam, oşonduktan atkaram.

¹⁰⁷Teŋir, men abdan kıynaldım, meni Öz sözüŋ boyunça tirilt.

¹⁰⁸Teŋirim, menin oozumdan çıkkan maktoo kurmandıgın kabıl al, maga Özüŋdün mıyzamıŋdı üyröt.

¹⁰⁹Menin janım ar dayım korkunuçta, birok Senin mıyzamıŋdı unutpaym.

¹¹⁰Kudaysızdar maga tor jayıştı, birok men Senin buyruktarıŋdan çettegen jokmun.

¹¹¹Senin osuyattarıŋdı tübölük muras katarı kabıl aldım, antkeni alar – menin jürögümdün kubanıçı.

¹¹²Men jürögümdü Senin buyruktarıŋdı dayıma, ömürümdün akırına çeyin atkaruuga burdum.

¹¹³Jaman oyluu adamdardı jek köröm, al emi Senin mıyzamıŋdı süyöm.

¹¹⁴Sen menin baş kalkalar jayımsıŋ, kalkanımsıŋ. Senin sözüŋö tayanam.

¹¹⁵Mıyzamsızdar, maga jolobogula, men özümdün Kudayımdın osuyattarın atkaram.

¹¹⁶Jaşaşım üçün, maga Öz sözüŋ boyunça küç ber. Ümüttöngönüm üçün, meni uyatka kaltırba.

¹¹⁷Meni koldo, oşondo men kutkarılam. Senin mıyzamdarıŋa dayıma köŋül koёm.

¹¹⁸Mıyzamdarıŋdan çettegenderdin baarın Sen kulatasıŋ, antkeni alardın kuulugunan eç nerse çıkpayt.

¹¹⁹Jer üstündögü kudaysız adamdardın baarın Sen küldöy sapırasıŋ, oşonduktan men Senin osuyattarıŋdı süyöm.

¹²⁰Senin korkunuçuŋdan denem titireyt, men Senin jazalarıŋdan korkom.

¹²¹Men baarın adilettik jana çındık boyunça kıldım, meni kuuguntuktooçularımdın koluna salıp berbe.

¹²²Öz kuluŋa boluş, tekeberler ezbesin.

¹²³Senin kutkaruuŋdu jana akıykat sözdörüŋdü kütö berip közüm talıdı.

¹²⁴Öz kuluŋa Öz ırayımıŋ boyunça ırayım kıl, maga Öz mıyzamdarıŋdı üyröt.

¹²⁵Men Senin kuluŋmun, maga akıl ber, oşondo men Senin osuyattarıŋdı tüşünöm.

¹²⁶Teŋirdin çara körö turgan ubakıtı keldi, antkeni Senin mıyzamıŋdı buzuştu.

¹²⁷Men bolso Senin osuyattarıŋdı altından da, taza altından da jakşı köröm.

¹²⁸Senin buyruktarıŋdın baarın adilettüü dep esepteym, jalgan joldordu jek köröm.

¹²⁹Senin osuyattarıŋ keremettüü, oşonduktan alar menin jürögümdö saktaluu.

¹³⁰Senin sözdörüŋdön algan açılış közdü açat, jönököylörgö akıl beret.

¹³¹Men oozumdu açıp akaktap jatam, antkeni Senin osuyattarıŋdı eŋsep turam.

¹³²Isımıŋdı süygöndörgö kanday nazar salıp, ırayım kılsaŋ, maga da oşondoy kıl.

¹³³Buttarımdı Senin sözdörüŋ menen jürgüdöy kılıp bekemde, eç bir mıyzamsız iştin meni biylep aluusuna jol berbe.

¹³⁴Meni adamdın ezüüsünön kutkar, oşondo Senin buyruktarıŋdı atkaram.

¹³⁵Öz kuluŋdu Öz jüzüŋ menen jarık kıl, maga Özüŋdün mıyzamdarıŋdı üyröt.

¹³⁶Senin mıyzamıŋdı saktabay jatışkandıktan, közümdün jaşı köl boldu.

¹³⁷Sen adiletsiŋ, Teŋirim, Senin mıyzamdarıŋ da adilet.

¹³⁸Osuyat kılgan körsötmölörüŋ adilet, tuptuura.

¹³⁹Meni kızganıç jep jatat, antkeni menin duşmandarım Senin sözdörüŋdü unutup koyuştu.

¹⁴⁰Senin sözüŋ abdan taza, Senin kuluŋ anı süyöt.

¹⁴¹Men kiçinekey, jek köründü adammın, birok Senin buyruktarıŋdı unutkan jokmun.

¹⁴²Senin adilettigiŋ tübölüktüü, Senin mıyzamıŋ – çındık.

¹⁴³Başıma kıyınçılık tüşüp, azap tartıp jatam, birok Senin osuyattarıŋ – menin sooronuçum.

¹⁴⁴Senin körsötmölörüŋ tübölükkö adilettüü. Meni akılıma keltir, oşondo men jaşaym.

¹⁴⁵Seni çın jürögümdön çakıram, Teŋirim, meni uk, oşondo men Senin mıyzamdarıŋdı saktaym.

¹⁴⁶Seni çakıram, meni kutkar, oşondo Senin osuyattarıŋdı saktaym.

¹⁴⁷Taŋ zaardan Seni çakıram. Senin sözüŋö tayanam.

¹⁴⁸Senin sözüŋdü tereŋ tüşünüş üçün, tünü menen kirpik kakpay çıgam.

¹⁴⁹Özüŋdün ırayımıŋ boyunça menin ünümdü uk, Teŋirim. Öz adilettigiŋ boyunça meni tirilt.

¹⁵⁰Jamandık oylogondor maga jakındap kalıştı, alar Senin mıyzamıŋdan alıs.

¹⁵¹Sen jakınsıŋ, Teŋirim, Senin osuyattarıŋdın baarı – çındık.

¹⁵²Özüŋdün osuyattarıŋdı tübölükkö ornotkonuŋdu men muruntan ele bilem.

¹⁵³Menin azap tartıp jatkanıma nazarıŋdı salıp, meni kutkar, antkeni men Senin mıyzamıŋdı unutkan jokmun.

¹⁵⁴Menin işime kirişip, meni korgo. Meni Öz sözüŋ boyunça tirilt.

¹⁵⁵Kutkarıluu kudaysızdardan alıs, antkeni alar Senin mıyzamdarıŋdı izdeşpeyt.

¹⁵⁶Senin boorukerdigiŋ çeksiz, Teŋirim. Meni Öz adilettigiŋ boyunça tirilt.

¹⁵⁷Meni kuuguntuktagandar, duşmandarım köp, birok men Senin osuyattarıŋdan çettegen jokmun.

¹⁵⁸Senin sözüŋdön çettegenderdi körüp kapa bolom, antkeni alar Senin sözüŋdü saktaşkan jok.

¹⁵⁹Senin buyruktarıŋdı kanday süyörümdü kör. Özüŋdün ırayımıŋ boyunça meni tirilt.

¹⁶⁰Senin sözüŋdün negizi – çındık, Senin ar bir adilet ökümüŋ tübölüktüü.

¹⁶¹Törölör meni sebepsiz kuuguntuktap jatışat, birok menin jürögüm Senin sözüŋdön korkot.

¹⁶²Ötö çoŋ oljogo ee bolgondoy, Senin sözüŋö kubanam.

¹⁶³Jalgançılıktı jek köröm, andan jiyirkenem, Senin mıyzamıŋdı bolso süyöm.

¹⁶⁴Adilet ökümdörüŋ üçün Seni bir kündö jeti jolu daŋktaym.

¹⁶⁵Senin mıyzamıŋdı süygöndördün tınçtıgı zor, alarga bögöt jok.

¹⁶⁶Senin jardamıŋa tayanam, Teŋirim, Senin osuyattarıŋdı atkaram.

¹⁶⁷Senin osuyattarıŋ menin jürögümdö saktaluu, men alardı abdan süyöm.

¹⁶⁸Senin buyruktarıŋ menen osuyattarıŋdı atkaram, antkeni menin bardık jolum Senin aldıŋda.

¹⁶⁹Menin zar-muŋum Saga jetsin, Teŋirim. Öz sözüŋ boyunça maga akıl ber.

¹⁷⁰Menin jalınuum Senin aldıŋa kelsin. Özüŋdün sözüŋ boyunça meni kutkar.

¹⁷¹Sen maga Özüŋdün mıyzamdarıŋdı üyrötköndö, menin oozumdan Seni maktagan sözdör çıgat.

¹⁷²Menin tilim Senin sözüŋdü jarıya kılat, antkeni Senin osuyattarıŋdın baarı adilet.

¹⁷³Senin koluŋ maga jardam berüügö dayar bolsun, antkeni men Senin buyruktarıŋdı tandap aldım.

¹⁷⁴Senin jardamıŋdı zarıgıp kütüp jatam, Teŋirim, Senin mıyzamıŋ – menin sooronuçum.

¹⁷⁵Menin janım jaşasın, Seni daŋktasın, Senin adilettigiŋ maga jardam bersin.

¹⁷⁶Men jogolgon koydoy adaşıp kaldım. Öz kuluŋdu izdep tap, antkeni men Senin osuyattarıŋdı unutkan jokmun.