Read NT LS 2005 – Инжил ЛС (2005 Zabur 142 Bible Online

Zabur 142 - NT LS 2005 – Инжил ЛС (2005 bible

Zabur 142

¹Dööttün zaburu. Teŋir! Menin sıyınuumdu uk, Öz işenimdüülügüŋ boyunça menin jalınuuma kulak sal, maga Öz adilettigiŋ menen joop ber.

²Öz kuluŋ menen sottoşpo, antkeni Senin aldıŋda bir da tirüü jan aktala albayt.

³Duşman meni aŋdıp jüröt, ömürümdü jerge tepsep, nebak ölgön kişidey karaŋgılıkta jaşoogo majbur kıldı.

⁴Oşondo ındınım öçüp kaldı, jürögüm seneyip katıp kaldı.

⁵Bayırkı kündördü estep, Senin bardık işteriŋ jönündö oylonom, koluŋdun işteri jönündö oy jügürtöm.

⁶Saga kolumdu sunam; suuga çaŋkagan jerdey bolup, janım Saga tartılat.

⁷Meni tezireek uk, Teŋirim, ruhum alsırap bara jatat. Menden jüzüŋdü jaşırba, kördö jatkandarga okşop kalbayın.

⁸Senin ırayımıŋdı ertereek ugayın, antkeni men Saga tayanam. Maga jürö turgan jolumdu körsöt, antkeni janımdı Senin aldıŋa alıp kelem.

⁹Teŋirim, meni duşmandarımdan kutkar, Saga korgoloym.

¹⁰Maga Özüŋdün erkiŋdi atkaruunu üyröt, antkeni Sen menin Kudayımsıŋ. Senin jakşı Ruhuŋ meni çındık öküm sürgön jerge alıp barsın.

¹¹Teŋirim, meni Öz ısımıŋ üçün tirilt, Öz çındıgıŋ üçün janımdı müşküldön kutkar.

¹²Öz ırayımıŋ menen duşmandarımdı jok kıl, janımdı jabır tarttırgandardın baarın jok kıl, antkeni men Senin kuluŋmun.