Read NT LS 2005 – Инжил ЛС (2005 Zabur 143 Bible Online

Zabur 143 - NT LS 2005 – Инжил ЛС (2005 bible

Zabur 143

¹Dööttükü. Kolumdu soguşka, muştumumdu uruşka üyrötkön menin aska-zoomo – Teŋirge daŋk!

²Teŋir menin ırayım kıluuçum, çebim, tayanıçım, Kutkaruuçum, kalkanım, men Aga tayanam. Al maga elimdi baş iydiret.

³Teŋirim! Sen köŋül burguday, adam balası kim? Adam jönündö oylonguday, adam kim?

⁴Adam jeldey, anın kündörü ötüp ketçü kölöködöy.

⁵Teŋirim! Asmanıŋdı jantaytıp, jerge tüş. Toolorgo koluŋ tiyse, alar tütöp ketet.

⁶Çagılgan çartıldatıp, duşmandardı tuş-tuşka çaçırat. Öz jebeleriŋdi jaadırıp, alardı talkala.

⁷Jogorudan koluŋdu sunup, meni kutkar, meni çoŋ suulardan, bötön elderdin kolunan sakta.

⁸Alardın oozdoru jalgandı süylöyt, alardın oŋ kolu – jalgandıktın oŋ kolu.

⁹Kudayım! Men Saga jaŋı ır ırdap berem, men Saga on kılduu arfa çertip berem.

¹⁰Padışalardı kutkargan, Öz kulu Dööttü jalaŋdagan kılıçtan kutkargan Saga ırdaym.

¹¹Meni kutkar, bötön elderdin kolunan sakta, alardın oozdoru jalgandı süylöyt, alardın oŋ kolu – jalgandıktın oŋ kolu.

¹²Uuldarıbız jaş çagında dürküröp öskön ösümdüktöy bolsun, kızdarıbız ak saraylardagı çeberlik menen koozdolgon mamılarday bolsun.

¹³Kampalarıbız tolup, ar kanday dan mol bolsun. Koylorubuz miŋdep, tümöndöp töldöp, jayıttarda jayılıp jürsün.

¹⁴Ögüzdörübüz semiz bolsun. Eç nerse talanıp-tonolbosun, uurdalbasın, köçölörübüzdö ıy bolbosun.

¹⁵Kaysı elde uşunday bolso, oşol el baktıluu. Kaysı eldin Teŋiri Kuday bolso, oşol el baktıluu.