Read NT LS 2005 – Инжил ЛС (2005 Zabur 144 Bible Online

Zabur 144 - NT LS 2005 – Инжил ЛС (2005 bible

Zabur 144

¹Dööttün daŋktoosu. Özüŋdü daŋazalaym, Teŋirim, Kudayım, Padışam, Senin ısımıŋdı tübölük daŋktaym.

²Seni kün sayın daŋktaym, Senin ısımıŋdı tübölük maktaym.

³Teŋir uluu jana maktoogo tatıktuu, Anın uluulugu akıl jetkis.

⁴Bir muun bir muunga Senin işteriŋdi maktayt, Senin küçüŋdü jarıya kılat.

⁵Al emi men Senin uluuluguŋ, uluu daŋkıŋ jana keremettüü işteriŋ jönündö jar salam.

⁶Senin korkunuçtuu işteriŋdin küçü jönündö aytışat, Senin uluuluguŋ jönündö bolso men jarıya kılam.

⁷Senin keŋ peyildigiŋdi unutpay jar salışat, Senin adilettigiŋdi daŋktap ırdaşat.

⁸Teŋir kayrımduu jana ırayımduu, çıdamduu jana abdan booruker.

⁹Teŋir bardık adamdarga jakşılık kılat, Özü jaratkandarının bardıgına kayrımduuluk kılat.

¹⁰Teŋirim, Seni Özüŋdün bardık işteriŋ daŋktasın, Seni Özüŋdün ıyıktarıŋ daŋktaşsın.

¹¹Senin padışaçılıgıŋdın daŋkı jönündö jar salışsın, Senin küçüŋ jönündö aytışsın.

¹²Adam balası Senin küçüŋdü jana Senin padışaçılıgıŋdın uluu daŋkın bilsin.

¹³Senin padışaçılıgıŋ – tübölük padışaçılık, Senin biyligiŋ muundan muunga.

¹⁴Teŋir jıgılıp baratkandardı süyöyt, kulagandardın baarın turguzat.

¹⁵Bardıgı Seni karap, kütüp turuşat; Sen alarga tamaktı öz maalında beresiŋ.

¹⁶Koluŋdu açıp, keŋ peyildigiŋ menen bardık tirüü jandardı toyguzasıŋ.

¹⁷Teŋir Özünün bardık jolunda adilet, Özünün bardık işinde işenimdüü.

¹⁸Teŋir Özün çakırgandardın bardıgına jakın, Özün çın jüröktön çakırgandardın bardıgına jakın.

¹⁹Al Özünön korkkondordun kaaloosun atkarat, alardın zar-muŋun ugat, alarga jardam beret.

²⁰Teŋir Özün süygöndördün baarın saktayt, al emi kudaysızdardın baarın kırıp jok kılat.

²¹Menin oozum Teŋirdi maktayt. Ar bir tirüü jan Anın ıyık ısımın tübölük daŋktasın.