Read NT LS 2005 – Инжил ЛС (2005 Zabur 17 Bible Online

Zabur 17 - NT LS 2005 – Инжил ЛС (2005 bible

Zabur 17

¹Irçılar tobunun başçısına. Teŋir bardık duşmandardın jana Şabuldun kolunan kutkarıp alganda, Teŋirdin kulu Dööttün Teŋirge ırdagan ırı. Oşondo al mınday dedi:

²«Seni süyöm, Teŋirim, küç-kubatım menin!

³Teŋir menin tiregim, baş paanam, kutkaruuçum; Kudayım menin aska-zoom. Men Aga gana tayanam. Al menin kalkanım, kutkaruuçu müyüzüm, tayanıçım».

⁴Tabınuuga tatıktuu Teŋirdin atın çakırıp, duşmandarımdan kutulam.

⁵Meni ölüm azaptarı kurçap aldı, kıyınçılıktardın agımı üröyümdü uçurdu.

⁶Maga ölgöndör jatkan jaydın çınjırları salındı, ölümdün toruna çalındım.

⁷Men kıstalışta kalganda, Teŋirimdi çakırdım, Kudayıma jalındım. Al Öz turagınan menin ünümdü uktu, zar-muŋum Anın kulagına jetti.

⁸Jer silkinip termeldi, toolordun negizderi ordunan kozgoldu, antkeni Kuday kaardandı.

⁹Anın kaarınan tütün kötörülüp, oozunan baarın jalmay turgan ot çıktı, Andan küyüp jatkan çoktor çaçırap jattı.

¹⁰Asmandı eŋkeytip, Al jerge tüştü, Anın but astında karaŋgılık jattı.

¹¹Al keruptardın üstünö oturup, şamaldın kanatında uçup jönödü.

¹²Karaŋgılıktı Özünö jabuu kıldı, asmandagı buluttardı, kara buluttardı Özünün tegeregine çatır kıldı.

¹³Anın aldındagı jarıktan Anın buluttarı, möndür, kızıl çoktor kaçtı.

¹⁴Asmanda Teŋir kürkürödü, Bardıgınan Jogoru Turgan ün saldı, möndür jana jalındagan çok jaadı.

¹⁵Özünün jebelerin tartıp, alardı tuş-tuşka çaçırattı; köp çagılgan jiberip, alardı tuş-tuşka kaçırdı.

¹⁶Teŋirim, Senin kaarduu ünüŋdön, Senin kaarıŋdın ilebinen suu başattarı, aalamdın negizi açıldı.

¹⁷Al asmandan kolun sunup, meni aldı, meni çoŋ suulardan tartıp çıgardı.

¹⁸Meni küçtüü duşmanımdan, menden küçtüü bolgon jek körüüçülördön kutkardı.

¹⁹Alar maga başıma müşkül tüşkön künü karşı çıgıştı. Birok Teŋir maga jölök boldu.

²⁰Al meni keŋ jerge alıp çıktı, meni kutkardı, antkeni Al meni jakşı köröt.

²¹Teŋir menin adildigime jaraşa, kolumdun tazalagına jaraşa tieşemdi berdi.

²²Antkeni men Teŋirdin jolun saktadım, Kudayımdan çettegen emesmin.

²³Antkeni Anın bardık mıyzamdarı menin aldımda, Anın körsötmölörünön çettegen jokmun.

²⁴Men Kuday aldında taza elem, künöö kılıp albayın dep saktançumun.

²⁵Teŋir Özünün köz aldındagı adildigime jaraşa, kolumdun tazalıgına jaraşa tieşemdi berdi.

²⁶Boorukerge Sen boorukerdik kılasıŋ, adil adamga adilet mamile kılasıŋ.

²⁷Tazalarga tazalıgına jaraşa mamile kılasıŋ, aldamçıga aldamçılıgına jaraşa mamile kılasıŋ.

²⁸Antkeni Sen ezilgen adamdardı kutkarasıŋ, al emi menmensinip karagandardı kemsintesiŋ.

²⁹Teŋir, Sen menin şamımdı küygüzösüŋ. Kudayım karaŋgımdı jarık kılat.

³⁰Men Seni menen askerlerdi talkalaym, Kudayım menen çepti aşıp tüşöm.

³¹Kuday! Anın jolu taza, Teŋirdin sözü taza. Al – Özünö tayangandardın baarına kalkan.

³²Teŋirden başka Kuday barbı? Bizdin Kudaydan başka Saktooçu barbı?

³³Kuday maga küç beret, maga tüz jol salat.

³⁴Buttarımdı bugunun buttarınday kılat, meni biyik jerlerime çıgarat.

³⁵Kolumdu soguşka dayardayt, oşon üçün koldorum jez jaanı sındırat.

³⁶Sen maga kutkaruuçu kalkanıŋdı berdiŋ, Senin oŋ koluŋ meni koldop turat, Senin ırayımıŋ meni jogoru kötöröt.

³⁷Sen menin basa turgan jolumdu keŋeytesiŋ, oşondo tizelerim titirebeyt.

³⁸Duşmandarımdı kuup jetip, alardı jok kılmayınça, artka kaytpaym.

³⁹Alardı talkalaym, alar tura albay kalışat, menin but aldıma jıgılışat.

⁴⁰Antkeni Sen maga soguşkanga küç berdiŋ, maga karşı kötörülgöndördü but aldıma jıgıp berdiŋ.

⁴¹Duşmandarımdı menin köz aldımda artka çeginttiŋ. Meni jek körgöndördü kıyratıp jatam.

⁴²Alar bozdop jatışat, birok alardın kutkararı jok. Teŋirge jalınıp jatışat, birok Al alardı ukpayt.

⁴³Alardı topuraktay sapırıp, köçödögü balçıktay tebeledim.

⁴⁴Sen meni el kozgoloŋunan kutkarıp alıp, bötön elderge el başçı kıldıŋ. Özüm taanıbagan el maga kızmat kılıp jatat.

⁴⁵Alar men jönündö ugup ele, maga baş iyişet. Bötön elder menin aldımda jasakerlenişet.

⁴⁶Bötön elder kumsarıp, özdörünün sepilderinde titirep oturuşat.

⁴⁷Teŋir tirüü, menin tiregim daŋktalsın! Meni kutkargan Kuday daŋazalansın!

⁴⁸Men üçün öç algan, bötön elderdi bagındırıp bergen Kuday,

⁴⁹meni duşmandarımdan kutkargan Kuday daŋktalsın! Maga karşı çıkkandardın aldında Sen meni jogoru kötördüŋ, meni kataal kişiden kutkardıŋ.

⁵⁰Oşon üçün, Teŋir, Seni daŋktaym, bötön elderdin arasında Senin ısımıŋdı daŋktap ırdaym.

⁵¹Padışanı uluu jeŋiş menen kutkargan, Özüŋ maylagan Döötkö jana anın ukum-tukumuna tübölükkö ırayım kılgan Seni daŋktap ırdaym.