Read NT LS 2005 – Инжил ЛС (2005 Zabur 21 Bible Online

Zabur 21 - NT LS 2005 – Инжил ЛС (2005 bible

Zabur 21

¹Irçılar tobunun başçısına. Taŋ atarda ırdoo üçün. Dööttün zaburu.

²Kudayım! Kudayım! Sen meni emnege taştap koyduŋ? Menin kutkaruu surap bozdogon ünüm Saga jetpey jatat.

³Kudayım! Kündüz jalınsam da, Senden maga joop jok, tündö jalınsam da tınçtana albaym.

⁴Birok Sen, Iyık, Israyıldın daŋktoo ırlarının arasında jaşaysıŋ.

⁵Bizdin ata-babalarıbız Saga tayanışkan, alar Saga tayanışkandıktan, Sen alardı kutkarıp turgansıŋ.

⁶Alar Seni çakırışkan, oşon üçün kutkarılışkan. Alar Saga tayanışkan, oşon üçün uyatka kalışkan emes.

⁷Men bolso adam emes ele, kurt bolup kaldım. Adamdarga şıldıŋ, elderge jek köründü boldum.

⁸Meni karap turgandar baştarın çaykap, mınday dep şıldıŋdap jatışat:

⁹«Al Teŋirge tayançu, Teŋir anı kutkarıp alsın. Eger al Teŋirge jaksa, anda anı kutkarıp alsın».

¹⁰Birok Sen meni enemdin kursagınan çıgargansıŋ, emçektegi kezimde ele Özüŋö tayanuunu üyrötkönsüŋ.

¹¹Enemdin içinde jatkandan tartıp ele, Saga tapşırılganmın, enemdin içinen çıkkanda ele, Sen menin Kudayım bolçusuŋ.

¹²Menden alıstaba, antkeni kaygı jakın, antkeni jardam berüüçü jok.

¹³Köp bukalar meni tegerektep alıştı, Başandın semiz ögüzdörü meni kurçap alıştı.

¹⁴Alar maga oljosuna julunup aykırgan arstanday oozdorun açıştı.

¹⁵Men suuday tögüldüm, sööktörüm çaçırap ketti, jürögüm momdoy eridi.

¹⁶Küç-kubatım karapaday kurgadı, tilim taŋdayıma jabıştı, Sen meni ölüm topuragına tüşürdüŋ.

¹⁷Antkeni meni döböttör kurçap alıştı, eki jüzdüülördün tobu meni tegerektep alıştı, kolu-butumdu teşişti.

¹⁸Menin bardık sööktörüm sanalgıday. Alar bolso meni karap, tamaşa kılıp jatışat.

¹⁹Çapanımdı öz ara bölüp alıp jatışat, kiyimim üçün ökçömö taş ırgıtıp jatışat.

²⁰Birok, Teŋirim, Sen menden alıstaba. Menin küç-kubatım, maga jardam bergenge şaşıl.

²¹Janımdı kılıçtan, ömürümdü döböttördön saktap kal.

²²Meni arstandın oozunan kutkar, Sen meni uktuŋ. Buyuboldun müyüzünön kutkar.

²³Senin ısımıŋdı bir tuugandarıma aytıp daŋktaymın, eldin arasında bir Özüŋdü maktaymın.

²⁴Kudaydan korkkondor! Anı maktagıla. Jakıptın büt tukumu! Anı daŋkta! Israyıldın büt tukumu Anın aldında korkup tursun!

²⁵Antkeni Al azap tartkandın kaygısına nazar salbay koygon jok, anı esine albay koygon jok. Andan Öz jüzün jaşırgan jok, al Anı çakırganda, anı uktu.

²⁶Çoŋ jıyında Seni daŋktaym. Senden korkkondordun aldında Saga bergen ubadalarımdı atkaram.

²⁷Jardılar jesin, toysun. Teŋirdi izdegender Anı daŋktaşsın, jürögüŋör tübölük jaşasın!

²⁸Teŋirdi estep, büt jer jüzü Aga kayrılat. Bardık butparas elder Saga taazim kılışat.

²⁹Antkeni padışaçılık Teŋirdiki. Al – bardık elderdin Egederi.

³⁰Jer jüzündögü bardık ataktuu adamdar toyloşot jana tabınışat. Topurakka aylana turgandar, öz ömürün saktap kala albay turgandar Aga taazim etişet.

³¹Menin tukumum Aga kızmat kılat jana tübölükkö Teŋirdiki dep atalat.

³²Alar kelip, Teŋirdin adilettigin, işterin kiyinki muunga jarıyalaşat.