Read NT LS 2005 – Инжил ЛС (2005 Zabur 33 Bible Online

Zabur 33 - NT LS 2005 – Инжил ЛС (2005 bible

Zabur 33

¹Abı-Melektin aldında kelesoo bolumuş bolup, andan kutulgandagı Dööttün zaburu.

²Teŋirdi ar ubakta maktaymın, oozumdan tüşürböy daŋktaymın.

³Janım Teŋir menen maktanat, anı momundar ugup kubanat.

⁴Meni menen birge Teŋirdi maktagıla, Anın ısımın baarıbız birge daŋazalaylı.

⁵Men Teŋirdi izdedim, oşondo Al meni ugup, bardık korkunuçtan kutkardı.

⁶Aga kayrılgandardın közdörü açıldı, alar uyatka kalışpayt.

⁷Azap çegip jatkan adam çakırganda, Teŋir ugup, anı bardık azaptarınan kutkardı.

⁸Teŋirdin periştesi Kudaydan korkkondordu kurçap turat, alardı kutkarat.

⁹Tatıp körgülö, oşondo Teŋirdin kanday jakşı ekenin körösüŋör! Teŋirge tayangan adam baktıluu!

¹⁰Teŋirden korkkula, Kudaydın ıyıktarı, antkeni Kudaydan korkkondor eç nersege muktaj boluşpayt.

¹¹Jaş arstandar jokçuluktun kaarın tartıp, açka kalışat, al emi Teŋirdi izdegender eç bir jakşı nerseden kur kalışpayt.

¹²Kelgile, baldarım, meni ukkula. Silerge Teŋirden korkuunu üyrötöm.

¹³Egerde adam jaşagısı kelse, jırgal turmuştu körüp, uzak ömür sürgüsü kelse,

¹⁴anda tilin jaman sözdön, oozun jalgan sözdön saktasın.

¹⁵Jamandıktan baş tartıp, jakşılık kıl. Tınçtıktı izdep, oşogo umtul.

¹⁶Teŋirdin közdörü adil adamdardı körüp turat, kulagı alardın zar-muŋun ugat.

¹⁷Birok Teŋirdin jüzü jamandık kılgandarga karşı, alardın ısımın jer üstünön birotolo öçüröt.

¹⁸Adil adamdar çakırganda, Teŋir alardı ugup, bardık kıyınçılıktarınan kutkarat.

¹⁹Teŋir çın dilinen öküngöndörgö jakın, moyun sungandardı kutkarat.

²⁰Adil adamdın kaygısı köp, birok Teŋir anı bardık kaygısınan kutkarat.

²¹Al anın bardık sööktörün saktayt, bir da söögü sınbayt.

²²Künöökördü jamandık öltüröt, adil adamdı jek körgöndör oyron boluşat.

²³Teŋir Öz kuldarının janın kutkarat, Aga tayangandardın biri da ölböyt.