Read NT LS 2005 – Инжил ЛС (2005 Zabur 36 Bible Online

Zabur 36 - NT LS 2005 – Инжил ЛС (2005 bible

Zabur 36

¹Dööttün zaburu. Zulumdarga açuulanba, mıyzamsız iş kılgandarga suktanba.

²Antkeni alar tez ele çöptöy kuuraşat, kök çöptöy sooluşat.

³Teŋirge tayan, jakşılık kıl, jer üstündö jaşa, çındıktı sakta.

⁴Teŋir menen kuban, oşondo Al jürögüŋdögü kaaloolordu işke aşırat.

⁵Teŋirge öz joluŋdu tapşır, Aga tayan, oşondo Al işke aşırat.

⁶Çındıgıŋdı jarıktay, adilettigiŋdi çak tüştö tiygen kündöy kılat.

⁷Teŋirdi unçukpay küt, Andan ümüttön. Öz jolunda iygilikke jetken, aram oylorun işke aşırgan adamga ataandaşpa.

⁸Açuuŋdu toktot, kıjırlanba. Jamandık kılganga çeyin barbaş üçün, ataandaşpa.

⁹Antkeni jamandık kılgandar kırılışat, al emi Teŋirden ümüttöngöndör jerdi muraska alışat.

¹⁰Bir az ubakıt ötköndön kiyin kudaysız jok bolot, anın ordun karap, tappay kalasıŋ.

¹¹Al emi momundar jerdi muraska alışat da, tınç turmuşka ırakattanışat.

¹²Kudaysız adam adil adamga jamandık izdep, tişterin kıçıratıp turat.

¹³Teŋir bolso aga külöt, antkeni Al anın künü jakın kalganın körüp turat.

¹⁴Kudaysızdar jardı menen jakırdı kulatuu üçün, tüz joldo bara jatkandardı öltürüü üçün, kılıçtarın kından suurup, jaaların atuuga dayardap turuşat.

¹⁵Alardın kılıçı özdörünün jürögünö sayılat, jaaları sınat.

¹⁶Adil adamdın az nersesi kudaysızdardın sansız baylıgınan artık.

¹⁷Antkeni kudaysızdardın küçü talkalanat, al emi adil adamdardı Teŋir koldoyt.

¹⁸Teŋir künöösüzdördün kündörün bilet, alardın baylıgı tübölük turat.

¹⁹Alar oor kündörü uyatka kalışpayt, açarçılık kündörü tok boluşat.

²⁰Al emi kudaysızdar ölüşöt, Teŋirdin duşmandarı kozunun mayınday jok bolot, tütündöy tarap ketet.

²¹Kudaysız karız alat, birok kayrıp berbeyt, al emi adil adam ırayım kılat jana beret.

²²Antkeni Kudaydın batasın algandar jerdi murastap kalışat, al emi Anın kargışına kalgandar kırılıp jok boluşat.

²³Egerde adamdın jolu Teŋirge jaksa, Al anı bekemdeyt.

²⁴Al jıgılıp bara jatsa da, kulabayt, antkeni Teŋir anı kolunan karmap turat.

²⁵Men jaş bolgom, emi karıdım, birok adil adamdı Kuday taştap koygonun je anın baldarının nan surap jürgönün körgön jokmun.

²⁶Adil adam ar künü boor oorup, karız suragandarga beret, oşonduktan anın ukum-tukumu bata alat.

²⁷Jamandıktan kaç, jakşılık kıl, oşondo tübölük jaşaysıŋ.

²⁸Antkeni Teŋir çındıktı süyöt, Özünün ıyıktarın taştabayt. Alar tübölük saktalışat, al emi kudaysızdardın tukumu kırılıp jok bolot.

²⁹Adil adamdar jerdi murastap, anda tübölük jaşaşat.

³⁰Adil adamdın oozunan akılduu sözdör çıgat, tili çındıktı süylöyt.

³¹Kudaydın mıyzamı anın jürögündö, anın buttarı tayıbayt.

³²Kudaysız adam adil adamdın artınan aŋdıp, anı öltürüünün jolun izdeyt.

³³Birok Teŋir adil adamdı anın koluna berbeyt, al sottolup jatkanda, anın ayıptaluusuna jol berbeyt.

³⁴Teŋirden ümüt kıl, Anın jolunan çıkpa. Oşondo jerdi murastap kalışıŋ üçün, Al seni saktap jüröt. Kudaysızdardın kırılıp jatkanın öz közüŋ menen körösüŋ.

³⁵Men mıyzamsız, zulum adamdı kördüm, al tamırın jaygan butaktuu daraktay ele.

³⁶Birok al ötüp ketken, emi al jok. Anı izdedim, birok tappay koydum.

³⁷Künöösüz adamdı baykap jür, adil adamdı karap jür, antkeni anday adamdın keleçegi – tınçtık.

³⁸Al emi mıyzamsızdardın baarı kırılat, kudaysızdardın keleçegi oyron bolot.

³⁹Adil adamdardın kutkarılışı Teŋirden, kaygı uçurunda Teŋir alardın korgooçusu.

⁴⁰Teŋir alarga jardam beret, alardı kutkarat. Alardı kudaysızdardan kutkarıp alat, alardı saktap kalat, antkeni alar Teŋirge tayanışat.