Read NT LS 2005 – Инжил ЛС (2005 Zabur 40 Bible Online

Zabur 40 - NT LS 2005 – Инжил ЛС (2005 bible

Zabur 40

¹Irçılar tobunun başçısına. Dööttün zaburu.

²Bey-beçaranı oylogon adam baktıluu! Kıyınçılık künü anı Teŋir kutkarat.

³Teŋir anı korgop, ömürün saktap kalat. Jer üstündö al baktıluu bolot. Teŋir, Sen anı duşmandın koluna salıp berbeysiŋ.

⁴Al oorup jatkanda, Teŋir aga küç beret. Sen anı töşögünön turguzasıŋ, dartınan arıltasıŋ.

⁵«Teŋir! Maga ırayım kıl, janımdı sakayt, antkeni men Senin aldıŋda künöö kıldım», – dedim.

⁶Duşmandarım men jönündö «Al kaçan ölöt? Anın ısımı kaçan öçöt?» degen jaman sözdördü aytışat.

⁷Meni körgönü kelgen adam jalgan süylöyt. Jürögünön jalgandı oylop çıgarat da, sırtka çıgarı menen elge jayat.

⁸Meni jek körgöndördün bardıgı maga karşı çıgıp, öz ara şıbıraşıp, maga jamandık oyloşot:

⁹«Al ayıkpas dartka çaldıktı. Al jıgıldı, emi turbayt».

¹⁰Atügül, meni menen tınçtıkta bolgon, men işenip jürgön, menin nanımdı jegen adam maga sogonçogun kötördü.

¹¹Sen bolso, Teŋir, maga ırayım kıl, meni turguz, men alardın jazasın berem.

¹²Egerde duşmanım maga üstömdük kıla albasa, oşondon Senin maga ırayım kılganıŋdı bilem.

¹³Meni bolso aman saktap, Özüŋdün aldıŋa tübölük turguzasıŋ.

¹⁴Teŋir, Israyıl Kudayı, kılımdan kılımga daŋktalsın! Oomiyin, oomiyin!