Read NT LS 2005 – Инжил ЛС (2005 Zabur 43 Bible Online

Zabur 43 - NT LS 2005 – Инжил ЛС (2005 bible

Zabur 43

¹Irçılar tobunun başçısına. Koraktın uuldarının üyrötüüsü.

²Kuday, Senin murunku zamanda, ata-babalarıbızdın ubagında emne kılganıŋdı bizge ata-babalarıbız aytıp berişken, biz öz kulagıbız menen ukkanbız.

³Sen Öz koluŋ menen elderdi talkaladıŋ, alardı bolso jaygaştırdıŋ. Uruulardı talkalap, kuup çıgardıŋ.

⁴Antkeni alar jerge öz kılıçı menen ee boluşkan jok, alardı özdörünün küçü kutkargan jok, teskerisinçe, alardı Senin oŋ koluŋ, Senin küçüŋ, Senin jüzüŋdün jarıgı kutkardı, antkeni Sen alarga ırayım kıldıŋ.

⁵Kudayım, Sen Özüŋ menin Padışamsıŋ! Jakıptı kutkar.

⁶Biz Seni menen duşmandarıbızdı süzöbüz, Senin ısımıŋ menen bizge karşı çıkkandardı tebeleybiz.

⁷Antkeni men özümdün jaama da tayanbaym, meni kılıçım da kutkarbayt.

⁸Birok Sen bizdi duşmandarıbızdan kutkarasıŋ, bizdi jek körgöndördü uyat kılasıŋ.

⁹Kudaydı kün sayın maktaybız, Senin ısımıŋdı tübölük daŋktaybız.

¹⁰Birok Sen azır bizdi taştap koyduŋ, uyatka kaltırdıŋ, bizdin askerler menen birge çıkpay jatasıŋ.

¹¹Bizdi duşmandarıbızdan kaçuuga majbur kıldıŋ, jek körgöndör bizdi talap-tonop jatışat.

¹²Bizdi koylordoy kılıp jeş üçün salıp berdiŋ, bizdi elder arasına çaçıp jiberdiŋ.

¹³Öz eliŋdi ötö arzan satıp jiberdiŋ, anın baasın kötörgön joksuŋ.

¹⁴Bizdi koŋşularıbızga şıldıŋ kıldırdıŋ, tegeregibizde jaşagandarga külkü kıldıŋ, kordottuŋ.

¹⁵Sen bizdi el arasında ılakap kıldıŋ, bötön elder baştarın çaykap, bizdi külkü kılışat.

¹⁶Kün sayın şıldıŋ bolom, uyalganımdan betim kızarat.

¹⁷Kordooçular menen uşakçılardın sözdörünön, duşmandarım menen öç aluuçulardın közdörünön uyalganımdan betim kızarat.

¹⁸Uşunun baarı başıbızga tüştü, birok biz Seni unutkan jokpuz, Senin kelişimiŋdi buzgan jokpuz.

¹⁹Sen bizdi çöölör jaşagan jerde talkalaganda, bizge ölüm kölökösün tüşürgöndö,

²⁰jürögübüz artka burulgan jok, buttarıbız Senin joluŋdan çıkkan jok.

²¹Egerde biz öz Kudayıbızdın ısımın unutup koysok, kolubuzdu başka kudayga sunsak,

²²Kuday bizdi uşul üçün jazalabay koymok bele? Antkeni Al jüröktögü sırlardı bilet.

²³Sen üçün bizdi kün sayın öltürüp jatışat. Biz alar üçün muuzdala turgan koylor sıyaktuubuz.

²⁴Orduŋan tur, Teŋir, emnege uktap jatasıŋ, oygon! Bizden birotolo baş tartıp ketpe.

²⁵Emne üçün sen bizden Öz jüzüŋdü jaşırıp jatasıŋ? Emne üçün bizdin kaygıbızdı, ezilgenibizdi unutup jatasıŋ?

²⁶Antkeni bizdin janıbız topuraktay tebelendi, içibiz topurakka jabışıp kaldı.

²⁷Bizge jardamga kel, Öz ırayımıŋ üçün bizdi kutkar.