Read NT LS 2005 – Инжил ЛС (2005 Zabur 50 Bible Online

Zabur 50 - NT LS 2005 – Инжил ЛС (2005 bible

Zabur 50

¹Irçılar tobunun başçısına.

²Dööt Bat-Şebaga jakındagandan kiyin, aga Natan paygambar kelgendegi Dööttün zaburu.

³Kudayım, meni Özüŋdün uluu ırayımıŋ boyunça aya, Özüŋdün uluu kayrımduuluguŋ boyunça künöölörümdü öçürüp sal.

⁴Künöölörümdü tazargıça juup, kılmışımdan tazala.

⁵Antkeni men künöölörümdü moynuma alam, kılmışım köz aldımdan ketpeyt.

⁶Men Saga, bir gana Saga karşı künöö kıldım, Senin köz aldıŋda jaman iş kıldım. Senin ökümüŋ adilet, Senin sotuŋ taza.

⁷Men boygo bütköndön tartıp ele künöökörmün, enemden künöökör bolup törölgöm.

⁸Sen jüröktögü çındıktı süyösüŋ, içki düynömö akıl berdiŋ.

⁹Maga issop menen kan çaç, oşondo taza bolom. Meni juu, oşondo kardan ak bolom.

¹⁰Maga kubanıç menen şattıktın ünün uguz, oşondo Sen talkalagan sööktörüm süyünöt.

¹¹Künöölörümdön jüzüŋdü bur, menin kılmıştarımdın baarın öçür.

¹²Kudayım, taza jürök jarat, ruhumdu jaŋıla.

¹³Menden jüzüŋdü burba, menden Özüŋdün Iyık Ruhuŋdu alba.

¹⁴Maga Özüŋdün kutkaruu kubanıçıŋdı kaytarıp ber, biyligi bar Ruhuŋ menen meni bekemde.

¹⁵Mıyzamsızdarga Senin joluŋdu üyrötöm, oşondo kudaysızdar Saga kayrılışat.

¹⁶Kudayım, kutkaruuçu Kudayım, meni kandan kutkar, menin tilim Senin adilettigiŋdi daŋazalayt.

¹⁷Teŋir! Menin oozumdu aç, oşondo menin oozum Senin daŋkıŋdı jar salat.

¹⁸Antkeni Sen kurmandıktı kaalabaysıŋ, men anı berer elem. Bütündöy örttölüüçü kurmandıktı jaktırbaysıŋ.

¹⁹Çın jüröktön ökünüü – Kuday aldında kurmandık. Sen ökünüp, moyun sungan jüröktü jek körböysüŋ.

²⁰Öz ırayımıŋ menen Siongo ırayım kıl. İerusalim dubaldarın kayra turguz.

²¹Oşondo adilettik kurmandıktarı, tartuular, bütündöy örttölüüçü kurmandıktar Saga jagımduu bolot. Oşondo Senin kurmandık çalınuuçu jayıŋda bukaçarlardı kurmandıkka çalışat.