Read NT LS 2005 – Инжил ЛС (2005 Zabur 7 Bible Online

Zabur 7 - NT LS 2005 – Инжил ЛС (2005 bible

Zabur 7

¹Benjemin tukumunan çıkkan Kuştun işi boyunça Dööttün Teŋir aldında zarlagan ırı.

²Teŋirim, Kudayım, men Saga tayanam. Meni kuuguntukka algandardan kutkar, meni oşolordon sakta.

³Alar meni kutkaruuçu jok kezde arstan öŋdüü tıtıp, janımdı suurup alışpasın.

⁴Teŋirim, Kudayım! Eger men bir jaman iş kılgan bolsom, kolumda jalgan iş bolso,

⁵eger meni menen tınç jaşagan adamga jamandık kılgan bolsom (maga eç sebepsiz duşman bolgon adamdı da kutkargam),

⁶anda meni duşman kuup jetip, ömürümdü tebelep, daŋkımdı külgö aylantıp salsın.

⁷Teŋir, kaarıŋ menen orduŋan tur, duşmandarımdın jaalına karşı çık; men üçün oygonup, Öz ökümüŋdü çıgar, anı Özüŋ osuyat kılgansıŋ.

⁸Senin tegeregiŋe top el jıyılat, alardın üstünön jogoru kötörül.

⁹Teŋir elderdi sottoyt. Teŋirim, maga çınçıldıgım, künöösüzdügüm boyunça öküm çıgar.

¹⁰Kudaysızdardın kıyanattıktarı toktosun, adil adamga bolso küç ber, antkeni Sen jüröktördü, içki oylordu sınaysıŋ, adilettüü Kuday!

¹¹Menin kalkanım – taza jüröktördü kutkaruuçu Kuday.

¹²Kuday – adilettüü sot, Al – ar künü katuu jazalooçu Kuday.

¹³Egerde kim kayrılbasa, Al kılıçın kurçutup, jaasın meelep tartat.

¹⁴Al üçün öltürüüçü kuraldardı dayardayt, Özünün jebelerin ottuu kılat.

¹⁵Mına, kudaysız adam jamandık seep, kuru nerseni bagıp, jalgandı jıynap aldı.

¹⁶Biröögö kazgan oruna özü tüştü.

¹⁷Anın kılgan jamandıgı öz başına körünöt, anın kılgan kıyanattıgı töbösünö tüşöt.

¹⁸Men Teŋirdi çındıgı üçün daŋktaym, bardıgınan jogoru turgan Teŋirdin ısımın maktap ırdaym.