Read NT LS 2005 – Инжил ЛС (2005 Zabur 71 Bible Online

Zabur 71 - NT LS 2005 – Инжил ЛС (2005 bible

Zabur 71

¹Sulaymanga. Oo Kuday! Padışaga Özüŋdün kalıstıgıŋdı, padışanın uuluna Öz adilettigiŋdi ber.

²Al Senin eliŋdi, jakırlarıŋdı sotto adilet sottosun.

³Adamdarga toolor tınçtık, adırlar çındık alıp kelsin.

⁴Al eldin jakırların tuura sottosun, kedeylerdin baldarın saktasın, zulumdardı tıysın.

⁵Kün menen ay turganda, muundan muunga Kudaydan korkuşsun.

⁶Al çabılgan şalbaaga jaagan jamgırday jaasın, jer sugargan tamçılarday tamsın.

⁷Anın kündöründö adil adam güldöyt, asmandagı ay jok bolgonço, tınçtık öküm sürüp turat.

⁸Al deŋizden deŋizge çeyinki jerdi jana darıyadan jerdin akırına çeyinki aymaktardı eeleyt.

⁹Anın aldına çöl eli jıgılıp taazim kılat, anın duşmandarı topurak jalaşat.

¹⁰Tarşış menen araldardın padışaları aga alım berişet. Arabiya jana Şeba padışaları tartuulardı alıp kelişet.

¹¹Aga bardık padışalar taazim kılışat, bardık elder kızmat kılışat.

¹²Antkeni al jardam surap kıykırıp jatkan jakırdı jana jardam berüüçüsü jok ezilgendi kutkarat.

¹³Kedey menen jakırga ırayım kılat, baykuş kedeylerdin janın kutkarat.

¹⁴Alardın janın kara nietterden, zorduk-zombuluktan kutkarat, anın köz aldında alardın kanı kımbatka turat.

¹⁵Al jaşayt, aga Arabiyanın altındarın berip turuşat, al üçün tınımsız sıyınıp turuşat, aga ar künü bata berip turuşat.

¹⁶Jerde da, toodo da tüşüm mol bolot. Anın jemişteri Lebanon tokoyunday şuudurayt, şaarlarda el jerdegi çöptöy köböyöt.

¹⁷Anın ısımı tübölükkö saktalat. Asmandagı kün jok bolgonço, anın ısımı muundan muunga aytıla beret. Al arkıluu elder bata alışat. Bardık elder aga alkış aytışat.

¹⁸Kuday-Teŋir, Israyıldın Kudayı, keremetterdi jasagan jalgız Özü daŋktala bersin!

¹⁹Anın daŋktuu ısımı daŋktalsın, büt jer jüzü Anın daŋkına tolsun. Oomiyin, oomiyin!

²⁰Jışay uulu Dööttün sıyınuuları büttü.