Read NT LS 2005 – Инжил ЛС (2005 Zabur 89 Bible Online

Zabur 89 - NT LS 2005 – Инжил ЛС (2005 bible

Zabur 89

¹Kudaydın kişisi Musanın sıyınuusu.

²Oo Teŋir! Sen bizdin tübölüktüü baş kalkalar jayıbızsıŋ.

³Toolor jaralganga çeyin ele, Özüŋ jer menen aalamdı jaratkanga çeyin ele, kılımdar murun ele Sen Kuday bolçusuŋ.

⁴Sen adamdı aldan taydırıp: «Adam balası, kayradan topurakka kayt!» – deysiŋ.

⁵Antkeni Senin köz aldıŋda miŋ jıl keçee ele ötüp ketken kündöy, tünkü küzöt ubagınday.

⁶Sen alardı sel alganday alıp ketesiŋ. Alardın ömürü tüş sıyaktuu; alardın jaşoosu erteŋ menen ösüp çıgıp, güldöp, kögörüp, keçinde çabılıp, kurgap kalgan çöp sıyaktuu.

⁷Antkeni biz Senin kaarıŋdan jok bolobuz, Senin jaalıŋdan dürbölöŋgö tüşöbüz.

⁸Sen bizdin mıyzamsız işteribizdi Özüŋdün aldıŋa, jaşıruun künöölörübüzdü Öz jüzüŋdün jarıgının aldına koyduŋ.

⁹Bizdin bardık kündörübüz Senin kaarıŋdın astında öttü. Biz öz jıldarıbızdı ün sıyaktuu jogottuk.

¹⁰Bizdin ömür jaşıbız – jetimiş jıl, al emi küç-kubattuu bolsok – seksen jıl. Anın eŋ sonun uçuru – emgek jana ooru. Antkeni ömürübüz zuuldap tez ötöt.

¹¹Senin kaarıŋdın küçün kim bilet? Sen kaardanganda, alarga emne kılarıŋdı kim bilet?

¹²Akılduu boluşubuz üçün, ölö turgandıgıbız jönündö oylono jürgöndü üyröt.

¹³Teŋirim, bizge kayrıl! Kaçanga çeyin uşinte beresiŋ? Özüŋdün kuldarıŋa ırayım kıl.

¹⁴Bizdi Özüŋdün ırayımıŋa ertereek toyguz, oşondo biz ömürübüz ötkönçö kubanıçka, şattıkka bölönöbüz.

¹⁵Sen bizdi jabırkatkan kündörüŋ üçün, azapka salgan jıldarıŋ üçün kubandır.

¹⁶Öz kuldarıŋa Öz işteriŋdi körsöt, alardın baldarına Öz daŋkıŋdı körsöt.

¹⁷Kuday-Teŋiribizdin ırayımı bizdin üstübüzdö bolsun. Bizdin işteribizge iygilik ber, bizdin koldon çıkkan işterge iygilik ber!