Read NT LS 2005 – Инжил ЛС (2005 Zabur 9 Bible Online

Zabur 9 - NT LS 2005 – Инжил ЛС (2005 bible

Zabur 9

¹Irçılar tobunun başçısına. Labendin ölümü boyunça. Dööttün zaburu.

²Seni, Teŋir, büt jürögüm menen daŋktaym, Senin büt keremetteriŋdi jarıyalaym.

³Sen jönündö oylop kubanam, saltanat kuram. Kudurettüü Kuday, ısımıŋdı daŋktap ırdaym.

⁴Menin duşmandarım artka kaçkanda, müdürülüp jıgılıp, Senin aldıŋda ölüşöt.

⁵Antkeni Sen maga adilettik kıldıŋ, kıyınçılıktan çıgardıŋ. Adilet Sot, Sen taktıga oturduŋ.

⁶Butparas elderge kaardandıŋ, kudaysızdardı öltürdüŋ, alardın atın tübölükkö öçürüp saldıŋ.

⁷Duşmandın kuralı taptakır kalbay kaldı, alardın şaarların talkaladıŋ, alardın atı özdörü menen koşo öçtü.

⁸Birok Teŋir Öz taktısına tübölük oturat. Sot jürgüzüü üçün, Al Öz tagın dayardadı.

⁹Al aalamdı adilet sottoyt, elderdi tuura sottoyt.

¹⁰Teŋir ezilgen adamga baş paana, kaygı uçurunda tayanıç bolot.

¹¹Senin ısımıŋdı bilgender Saga tayanışat, antkeni Seni izdegenderdi talaaga taştabaysıŋ, Teŋir.

¹²Sion toosunda jaşagan Teŋirdi maktap ırdagıla, Anın işterin el arasında jarıya kılgıla.

¹³Antkeni Al tögülgön kan üçün jazalayt, kan tökköndördü jazasız kaltırbayt, ezilgenderdin ıyın esinen çıgarbayt.

¹⁴Maga ırayım kıl, Teŋir. Jek körgöndördön tartkan azabıma köz sal, meni ölümdön saktooçu bir Özüŋsüŋ.

¹⁵Seni Sion kızının darbazalarının aldında daŋazalaym. Meni kutkarganıŋa kubanam.

¹⁶Maga kör kazgan el öz körünö özü tüştü. Özdörü jaygan torgo özdörü çalınıp kalıştı.

¹⁷Teŋir Özünün jüzögö aşırgan sotu menen taanıldı, kudaysız adam öz kolu menen kılgan kılmışı üçün karmaldı.

¹⁸Kudaysızdar, Kudaydı unutkan elderdin baarı ölgöndör jatkan jayga tüşüşsün.

¹⁹Antkeni jakır birotolo unutulbayt, jardının ümütü birotolo üzülböyt.

²⁰Teŋir, orduŋan tur, adamdar üstömdük kılışpasın, butparas el Senin aldıŋda jazalansın.

²¹Teŋir, alarga korkunuç jiber, elder özdörünün adam ekenin bilişsin.

²²Teŋir, emne üçün alıs turasıŋ, kaygı uçurunda emne üçün Özüŋdü jaşırasıŋ?

²³Kudaysız özünün tekeberdigi menen jardını kuuguntuktap jatat. Alar özdörünün oylop çıgargan ayla-amaldarı menen kolgo tüşüşsün.

²⁴Kudaysız öz kumarı menen maktanat. Mansapkor özün özü urmattayt.

²⁵Kudaysız özünün menmensingendigi menen Teŋirdi tootpoy jatat. «Al jazalabayt», – dep oyloyt. Al dayıma: «Kuday jok!» – dep oyloyt.

²⁶Kaysı uçurda bolbosun, anın jolunda ölüm turat. Al Senin mıyzamdarıŋdan alıs. Bardık duşmandarın al tekeberdene karayt.

²⁷Al öz içinen: «Men eç kaçan müdürülböym, eç kaçan başıma jamandık kelbeyt», – deyt.

²⁸Anın oozu kargışka, buzukulukka, kalpka tolgon. Anın tilinde kıynoo jana kıyroo bar.

²⁹Koroonun sırtındagı bukturmada oturat, ayıpsızdı jaşıruun jerlerde öltüröt, anın közdörü jardılardın artınan aŋdıp jüröt.

³⁰Iŋkürdö aŋdıp jatkan arstanday bolup, jaşıruun jerde aŋdıp jatat. Jardını karmap alış üçün, bukturmada oturat. Jardını toruna tüşürüp karmap alat.

³¹Eŋkeyip jata kalat, oşondo jardılar anın kurç tırmaktarına çalınat.

³²Öz içinen: «Kuday esinen çıgardı, Öz jüzün jaap aldı, Al eç kaçan körböyt», – deyt.

³³Orduŋan tur, Teŋirim, Kudayım, koluŋdu jogoru kötör, ezilgenderdi unutpa.

³⁴Emne üçün kudaysız adam Kudaydı tootpoy, öz içinen: «Al jazalabayt», – deyt?

³⁵Özüŋ körüp turasıŋ, antkeni Sen Öz koluŋ menen jazasın beriş üçün, ıza kılgandar menen kuuguntukka algandardı karap turasıŋ. Jardı özün Saga tapşırat. Jetimge Özüŋ gana jardam kılasıŋ.

³⁶Kudaysız menen zulumdun küçün talkala, anın mıyzamsızdıgın izdep tappay kalışsın.

³⁷Teŋir – tübölüktüü padışa. Anın jerinen butparastar jok boluşat.

³⁸Teŋir! Momundardın tilegen tilegin ugasıŋ. Alardın jürögün bekemde, alarga kulak sal.

³⁹Jetim menen ezilgenge boluş, mından arı jer jüzündö adam balası zulumduk kılbasın.