Read NT LS 2005 – Инжил ЛС (2005 Zabur 93 Bible Online

Zabur 93 - NT LS 2005 – Инжил ЛС (2005 bible

Zabur 93

¹Teŋirim, öç aluuçu Kudayım, öç aluuçu Kudayım, Özüŋdü körsöt!

²Orduŋdan tur, jer jüzünün Sotu, tekeberlerdin jazasın ber!

³Teŋirim, kaçankıga çeyin kudaysızdar saltanat kuruşat, kaçankıga çeyin saltanat kuruşat?

⁴Alar öktöm süylöp jatışat, mıyzamsız işterdi kılgandar menmensinip jatışat.

⁵Senin eliŋdi tepsep jatışat, Teŋirim, Senin murasıŋdı ezip jatışat.

⁶Jesirdi, kelgindi öltürüp, jetimderdin ömürün kıyıp jatışat.

⁷Alar: «Teŋir körböyt, Jakıptın Kudayı bilbeyt», – deşet.

⁸Esiŋerge kelgile, akılsız adamdar! Degi kaçan esiŋerge kelesiŋer, akılı joktor?

⁹Kulaktı bergen Kuday ukpayt beken? Közdü bergen Kuday körböyt beken?

¹⁰Elderdi esine keltirgen, adamga akıl üyrötkön Kuday aşkerelebeyt beken?

¹¹Adamdın oyloru kurulay ubarakerçilik ekenin Teŋir bilet.

¹²Sen esine keltirgen adam baktıluu, Teŋirim. Kudaysız adamdın körü kazılganga çeyin, başına kıyınçılık tüşkön kündörü Sen aga tınçtık beriş üçün, Öz mıyzamıŋdı üyrötkön adam baktıluu, Teŋirim.

¹⁴Antkeni Teŋir Özünün elinen baş tartpayt, Özünün murasın taştabayt.

¹⁵Antkeni sot çındıkka kayrılat, anın artınan jürögü tazalardın baarı eerçişet.

¹⁶Kim men üçün kara nietterge karşı çıgat? Kim men üçün mıyzamsız iş kılgandarga karşı turat?

¹⁷Teŋir menin jardam berüüçüm bolbogondo, menin janım bat ele unçukpas ölködön jay almak.

¹⁸Men: «Butum tayıp bara jatat», – degende, Senin ırayımıŋ meni koldogon, Teŋirim.

¹⁹Menin jürögümdö kaygı köböygöndö, Senin soorotuularıŋ janımdı jırgatat.

²⁰Kıyratuuçulardın taktısında oturup, mıyzamdı kıyanattık menen paydalangandar Seni menen şerikteş bolo alışabı?

²¹Alar top-top bolup, adil adamdı öltürüügö julunuşat jana künöösüz kandı künöölöşöt.

²²Birok Teŋir menin tiregim, Kudayım menin baş kalkalar aska-zoom.

²³Teŋir alardın mıyzamsızdıgın özdörünün baştarına salat, özdörünün kılmışı menen özdörün öltüröt, alardı bizdin Kuday-Teŋiribiz kırıp jok kılat.