Read NT LS 2005 – Инжил ЛС (2005 Nakıl 13 Bible Online

Nakıl 13 - NT LS 2005 – Инжил ЛС (2005 bible

Nakıl 13

¹Akılduu uul atasının akıl-nasaatın ugat, al emi ee-jaa berbegen uul ayıbın açkandardı ukpayt.

²Adam öz oozunun jemişinen jakşılık köröt, al emi mıyzamdı buzgandardın janı jamandık köröt.

³Tilin tıygan adam janın saktayt, al emi oozun çoŋ açkan adam kıyınçılıkka duuşar bolot.

⁴Jalkoo eŋseyt, birok eŋsegeni beker, al emi araketçil adamdar toyuşat.

⁵Adil adam jalgan sözdü jek köröt, al emi mıyzamsız adam öz abiyirin özü tögüp, özün özü maskara kılat.

⁶Kemçiliksiz adamdı çındık saktayt, al emi künöökördü mıyzamsızdıgı öltüröt.

⁷Biröö eç nersesi jok bolso da, özün bay körsötöt. Ekinçi biröö baylıgı aşıp-taşıp tursa da, özün beçara körsötöt.

⁸Adam baylıgı menen öz ömürün satıp alat, al emi jardını eç kim korkutpayt.

⁹Adil adamdardın jarıgı jarkırap turat, mıyzamsızdardın çıragı bolso öçöt.

¹⁰Menmensinüüdön çır çıgat, al emi keŋeşkenderde akıl bar.

¹¹Oŋoy jol menen tabılgan baylık tez jok bolot, al emi meenet menen jıynagan adam baylıgın arttırat.

¹²Köpkö çeyin işke aşpagan ümüt jüröktü kıynayt, al emi işke aşkan ümüt – ömür daragı.

¹³Kudaydın sözün etibar albagan adam özünö zıyan keltiret, al emi osuyattan korkkon adam tieşesin alat.

¹⁴Akılduunun okutuusu – ölümdün torunan saktap kala turgan ömür bulagı.

¹⁵Jakşı akıl jakşı nersege jetkiret, al emi mıyzamsızdardın jolu kataal.

¹⁶Ar bir estüü adam akıl menen iş kılat, al emi akılsız adam özünün akılsızdıgın körsötöt.

¹⁷Jaman elçi kırsıkka kabılat, al emi işenimdüü elçi kutkarat.

¹⁸Üyrönüüdön baş tartkan adamdı jakırlık menen maskaraçılık kütüp turat, al emi akıl-nasaattı saktagan adam urmatka ee bolot.

¹⁹İşke aşkan tilek janga jagımduu, al emi jamandıktan çettöö – akılsızdar üçün çıdagıs nerse.

²⁰Akılduu adamdar menen mamileleşken adam akılduu bolot, al emi akılsız adamdar menen dostoşkon adam buzulat.

²¹Künöökörlördü jamandık eerçip jüröt, al emi adil adamdar jakşılık körüşöt.

²²Jakşı adam neberelerine da muras kaltırat, al emi künöökördün baylıgı adil adam üçün saktalat.

²³Jardılardın talaasında da mol tüşüm bolot, birok kee bir adamdar baş alamandıktan ölüp jatışat.

²⁴Çıbık ayagan adam uulun jek köröt, al emi uulun süygön adam anı bala çagınan jazalayt.

²⁵Adil adam tamaktı toygonço jeyt, al emi mıyzamsız adamdardın kardı aç bolot.