Read NT LS 2005 – Инжил ЛС (2005 Nakıl 14 Bible Online

Nakıl 14 - NT LS 2005 – Инжил ЛС (2005 bible

Nakıl 14

¹Akılduu ayal üyün kurat, al emi akılı jok ayal anı öz kolu menen buzat.

²Tüz jol menen bara jatkandar Teŋirden korkuşat, al emi kimdin jolu tüz emes bolso, al Teŋirdi tootpoyt.

³Akılsızdın tili – tekeberdiktin kamçısı, al emi akılduulardı tili saktayt.

⁴Buka jok jerde akır boş, al emi mol kireşe bukalardın küçünön.

⁵İşenimdüü kübö kalp aytpayt, al emi jalgan kübö köp jalaa jabat.

⁶Şıldıŋçıl adam akılmandıktı izdeyt, birok taba albayt, al emi akılduu adamga bilim aluu oŋoy.

⁷Akılsız adamdan kaç, anın oozunan akılduu söz çıkpayt.

⁸Akılduu adamdın akılduulugu – öz jolun bilgendigi, akılsız adamdardın akılsızdıgı bolso – adaşuu.

⁹Akılsız adamdar künöögö külüşöt, al emi adil adamdardın arasında ıntımak.

¹⁰Jürök öz janının kaygısın bilet, anın kubanıçın bölök biröö bölüşö albayt.

¹¹Mıyzamsızdardın üyü bülgüngö uçurayt, al emi adil adamdardın üyü güldöyt.

¹²Adamga tüz körüngön joldor bar, birok alardın akırı – ölümgö alıp baruuçu jol.

¹³Külüp jatkan adamdın da jürögü ooruyt, keede kubanıçtın ayagı kaygı menen bütöt.

¹⁴Jürögü buzuk adam öz jolunun jemişine toёt, jürögü taza adam da öz jolunun jemişine toёt.

¹⁵Akılsız adam ar bir sözgö işene beret, al emi akılduu adam öz jolun baykap jüröt.

¹⁶Akılduu adam Kudaydan korkup, jamandıktan kaçat, al emi akılsız adam açuuluu, özünö özü işengen adam bolot.

¹⁷Açuusu çukul adam akılsızdık kılışı mümkün, al emi atayılap kıyanattık kılgan adam jek köründü bolot.

¹⁸Türköy adamdar ençisine akılsızdıktı alışat, al emi akılduu adamdar bilim menen sıylanışat.

¹⁹Kara niet adamdar ak niet adamdarga, mıyzamsız adamdar adil adamdardın darbazasının aldında taazim kılışat.

²⁰Jakır öz jakındarına da jek köründü bolot, al emi bay kişinin dostoru köp.

²¹Öz jakının jek körüp jatkan adam künöö kılıp jatat, al emi jakırga kayrımduu bolgon adam baktıluu.

²²Jamandık kıluunu oylop jatkandar adaşıp jatışkan jokpu? Al emi jakşılık kıluunu oylogon adamdarda ırayım, işenim bar.

²³Ar bir emgekten kireşe kiret, al emi maŋızsız söz zıyanga gana uçuratat.

²⁴Akılduu adamdardın taajısı – özdörünün baylıgı, al emi türköy adamdardın taajısı – özdörünün akılsızdıgı.

²⁵İşenimdüü kübö adamdardı kutkarat, al emi jalgan kübö jalaa jabat.

²⁶Teŋirden korkuu – bekem tayanıç, Al – Öz uuldarına baş paana.

²⁷Teŋirden korkuu – ömür bulagı, al ölüm torunan saktayt.

²⁸Eli köp padışa – uluu padışa, eli az padışa – şorduu padışa.

²⁹Sabırduu adamdın akılı mol, al emi açuusu çukul adam özünün akılsızdıgın körsötöt.

³⁰Momun jürök – denege ömür, al emi körö albastık – söökkö iriŋ.

³¹Jakırdı kordogon adam anın Jaratkanına akarat keltiret, al emi Anı urmattagan adam muktaj bolup turgan adamga jakşılık kılat.

³²Mıyzamsız adam kılgan jamandıgı üçün çetke kagılat, al emi adil adamdın ölüm aldında da ümütü bar.

³³Akılmandık akılduunun jürögündö jaşayt, akılsızdar arasında al özü jönündö bildirip turat.

³⁴Adildik eldin daŋkın çıgarat, al emi mıyzamsızdık eldin abiyirin tögöt.

³⁵Padışa akılduu kulga ırayım kılat, al emi anı uyat kılgan adamga kaarın çaçat.