Read NT LS 2005 – Инжил ЛС (2005 Nakıl 17 Bible Online

Nakıl 17 - NT LS 2005 – Инжил ЛС (2005 bible

Nakıl 17

¹Uruş-talaş ketpegen üydögü tolo etten tınç jaşagan üydögü bir sındırım katkan nan artık.

²Akılduu kul mırzasının buzulgan uuluna biylik kılat, anın bir tuugandarı menen koşo muraska ee bolot.

³Eritüüçü meş kümüş üçün, körüktün oçogu altın üçün, al emi jüröktördü Teŋir sınayt.

⁴Buzuku adam mıyzamsızdın sözün ugat, aldamçı adam kıyanatçı adamdın tilin alat.

⁵Jakırdı tildegen adam anın Jaratkanına akarat keltirgen bolot. Biröönün başına müşkül tüşkönünö kubangan adam jazasız kalbayt.

⁶Karılardın taajısı – baldarının baldarı, baldardın daŋkı – ata-eneleri.

⁷Akılsız adamga maanilüü söz jaraşpayt, ataktuu adamga kalp aytkan jaraşpayt.

⁸Para – berçü kişi üçün asıl taş, al kayakka kayrılsa da ülgüröt.

⁹Ayıptı jaap koygon adam süyüü izdeyt, al emi anı kayra eskertken adam dosun alıstatat.

¹⁰Akılsız adamga jüz balak taasir etkenge karaganda, akılduu adamga sögüş katuu taasir etet.

¹¹Jaŋjalçıl jamandık gana izdeyt, oşonduktan aga karşı ırayımsız perişte jönötülöt.

¹²Akılsız adamga kezikkiçe, mamalaktarınan ajıragan ayuuga kezikken jakşı.

¹³Jakşılıkka jamandık menen joop bergen adamdın üyünön jamandık ketpeyt.

¹⁴Çataktın baştalışı jarıp kirgen suuday. Çataktı küçöp kete elekte toktot.

¹⁵Mıyzamsız adamdı aktagan adam da, adil adamdı karalagan adam da Teŋirdin aldında jiyirkeniçtüü.

¹⁶Akılsızdın kolundagı baylıktın barkı jok. Daanışmandıkka jetüügö anın akılı jok.

¹⁷Dos ar dayım süyöt, başıŋa iş tüşköndö, al bir tuuganıŋday bolup kelet.

¹⁸Kem akıl adam kolun berip, öz jakınına kepildikke ötöt.

¹⁹Çataktı jakşı körgön adam künöönü jakşı köröt. Darbazasın biyik kötörgön adam – jıgıluunu izdegen adam.

²⁰Antkor jürök jakşılık körböyt, amalköy til kırsıkka kabılat.

²¹Akılsızdı törögön adam başına balaa üydü, akılsızdın atası da kubanıç körböyt.

²²Şayır jürök daba bolçu darıday jakşı taasir beret, kaygıluu ruh sööktü kurgatat.

²³Akıykattıktın jolun burmalaş üçün, mıyzamsız adam jeŋ içinen para alat.

²⁴Daanışmandık akılduu adamdın köz aldında, al emi akılsızdın közü jerdin tübündö.

²⁵Akılsız uul – atasının şoru, enesinin kaygısı.

²⁶Ayıbı joktu ayıptagan, çındık üçün mırzalardı tayaktagan jakşı emes.

²⁷Akılduu adam toktooluk menen süylöyt, akıl-estüü adam sabırduu bolot.

²⁸Akılsız adam unçukpay turganda akılduu adam bolup körünüşü mümkün, ooz açpagan adam akıl-estüü adam bolup körünüşü mümkün.